2016/2017 йилги мавсум Европа Чемпионлар Лигаси нимчорак финалининг иккинчи ҳафтасида – 21 феврал куни Леверкузеннинг «Байер» клуби Мадриднинг «Атлетико» клубини қабул қилади. Германияликларда икки йил одинги худди шу босқичда испанлардан учралган мағлубият аламини олиш учун яхши имконият мавжуд.
Олдинги ўйинлар
Жамоалар фақатгина ўша 2014/2015 йилги мавсум нимчорак финалида тўқнаш келган бўлиб, Леверкузенда кечган дастлабки ўйинда мезбонлар Ҳоқон Чалханўғлунинг ягона голи эвазига минимал ҳисобда зафар қучган. Жавоб ўйинида эса мадридликлар Марио Суареснинг голи эвазига худди шу ҳисобда ғалаба қозониб, пеналтилар церийасида ҳам 3:2 ҳисобида устун келган эди.
Ўйин атрофидаги фактлар
«Е» гуруҳида «Монако»дан кейин иккинчи ўринни эгаллаб нимчорак финалга чиққан «Байер» шу пайтгача бирор марта ушбу босқичдан ўта олмаган. «Атлетико»гача 2004/2005 йилги мавсумда «Ливерпул», 2011/2012 йилги мавсумда «Барселона», 2014/2015 йилги мавсумда эса «ПСЖ» леверкузенликларни чорак финалга ўтказмаган. Чемпионлар лигасининг 2002 йилги финалида «Реал» билан тўқнаш келган «Байер» чорак финалга бошқа қоида асосиса, яъни иккинчи гуруҳ босқичидан ўтиб чиққан эди. Жамоа испан клубларига қарши ўз майдонида 7 ғалаба, 5 дуранг ва 6 мағлубият қайд этган.
Ўтган мавсумда ўзининг Чемпионлар лигасидаги учинчи финалини бой берган «Атлетико» эса ушбу мавсумда ўз тарихида 9-марта чорак финалга чиқишга уриниб кўради. Ўтган мавсум нимчорак финалида мадридликларнинг «ПСВ» билан тўқнашуви иккала баҳс ҳам 0:0 ҳисобида якунланган Чемпионлар лигасидаги илк баҳс сифатида тарихда қолди.
«Атлетико» немис жамоаларига қарши 5 ғалаба, 3 дуранг ва 10 мағлубият қайд этган, мағлубиятларнинг 3 таси Германияда қабул қилинган. Плей-офф босқичида эса 7 марта немис жамоалари тўсиғидан муваффақиятли ўтган. «Матрасчилар»ни тўхтата олган сўнгги немис жамоаси бўлмиш Дрезденнинг «Динамо»си бу ишни 1979/1980 йилги УЕФА Кубоги биринчи босқичида уддалаган. 1974 йилги Чемпионлар Кубоги финалида эса «Атлетико» «Бавария»га имкониятни бой берган эди.
Таниш чеҳралар
«Байер» ҳужумчиси Хавьер Эрнандес «Реал» сафида 2014/2015 йилги мавсум чорак финалида «Атлетико» дарвозасига иккала ўйинда киритилган ягона ғалаба голи муаллифи бўлган. Мадридликлар бош мураббийи Диего Симеоне эса «Лацио» футболчиси сифатида 1999/2000 йилги мавсум гуруҳ босқичида «Байер» билан тўқнаш келиб, иккала ўйинда ҳам 1-1 ҳисобидаги дуранг қайд этган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
