2016/2017 yilgi mavsum Yevropa Chempionlar Ligasi nimchorak finalining ikkinchi haftasida – 21 fevral kuni Leverkuzenning «Bayer» klubi Madridning «Atletiko» klubini qabul qiladi. Germaniyaliklarda ikki yil odingi xuddi shu bosqichda ispanlardan uchralgan mag‘lubiyat alamini olish uchun yaxshi imkoniyat mavjud.
Oldingi o‘yinlar
Jamoalar faqatgina o‘sha 2014/2015 yilgi mavsum nimchorak finalida to‘qnash kelgan bo‘lib, Leverkuzenda kechgan dastlabki o‘yinda mezbonlar Hoqon Chalxano‘g‘luning yagona goli evaziga minimal hisobda zafar quchgan. Javob o‘yinida esa madridliklar Mario Suaresning goli evaziga xuddi shu hisobda g‘alaba qozonib, penaltilar seriyasida ham 3:2 hisobida ustun kelgan edi.
O‘yin atrofidagi faktlar
«E» guruhida «Monako»dan keyin ikkinchi o‘rinni egallab nimchorak finalga chiqqan «Bayer» shu paytgacha biror marta ushbu bosqichdan o‘ta olmagan. «Atletiko»gacha 2004/2005 yilgi mavsumda «Liverpul», 2011/2012 yilgi mavsumda «Barselona», 2014/2015 yilgi mavsumda esa «PSJ» leverkuzenliklarni chorak finalga o‘tkazmagan. Chempionlar ligasining 2002 yilgi finalida «Real» bilan to‘qnash kelgan «Bayer» chorak finalga boshqa qoida asosisa, ya’ni ikkinchi guruh bosqichidan o‘tib chiqqan edi. Jamoa ispan klublariga qarshi o‘z maydonida 7 g‘alaba, 5 durang va 6 mag‘lubiyat qayd etgan.
O‘tgan mavsumda o‘zining Chempionlar ligasidagi uchinchi finalini boy bergan «Atletiko» esa ushbu mavsumda o‘z tarixida 9-marta chorak finalga chiqishga urinib ko‘radi. O‘tgan mavsum nimchorak finalida madridliklarning «PSV» bilan to‘qnashuvi ikkala bahs ham 0:0 hisobida yakunlangan Chempionlar ligasidagi ilk bahs sifatida tarixda qoldi.
«Atletiko» nemis jamoalariga qarshi 5 g‘alaba, 3 durang va 10 mag‘lubiyat qayd etgan, mag‘lubiyatlarning 3 tasi Germaniyada qabul qilingan. Pley-off bosqichida esa 7 marta nemis jamoalari to‘sig‘idan muvaffaqiyatli o‘tgan. «Matraschilar»ni to‘xtata olgan so‘nggi nemis jamoasi bo‘lmish Drezdenning «Dinamo»si bu ishni 1979/1980 yilgi UYEFA Kubogi birinchi bosqichida uddalagan. 1974 yilgi Chempionlar Kubogi finalida esa «Atletiko» «Bavariya»ga imkoniyatni boy bergan edi.
Tanish chehralar
«Bayer» hujumchisi Xavyer Ernandes «Real» safida 2014/2015 yilgi mavsum chorak finalida «Atletiko» darvozasiga ikkala o‘yinda kiritilgan yagona g‘alaba goli muallifi bo‘lgan. Madridliklar bosh murabbiyi Diyego Simeone esa «Lasio» futbolchisi sifatida 1999/2000 yilgi mavsum guruh bosqichida «Bayer» bilan to‘qnash kelib, ikkala o‘yinda ham 1-1 hisobidagi durang qayd etgan.
Andijon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
