Бугун Тошкент шаҳридаги «Ёшлик» спорт аренасида мини футбол бўйича аёллар ўртасидаги XIII Ўзбекистон чемпионатининг ҳал қилувчи – 3-босқичи бошланди.
Бугунги 1-тур доирасида «Пахтакор W» – «Шўртан Lady» 1:6, «Юзработ» – «ТАТУ» 2:15 учрашувлар ҳам бўлиб ўтди.
«Севинч» дастлабки тур учрашувини Нукуснинг «Қирқ қиз» жамоасига қарши ўтказди. Учрашувда жамоа ғалабага эришган бўлсада, ўйини унчалик қовушмади. Бу йилдан жамоа сафида кўплаб ёш футболчи қизлар фаолиятини бошлашган. Бугунги ўйин шуни кўрсатдики, бу футболчиларни маҳоратини ошириш учун, мураббийлар ҳали кўплаб ишларни амалга оширишларига тўғри келади.
Ўйининг дастлабки дақиқаларидан жамоа ўз дарвозасидан тўп олиб чиқишга тўғри келди. Сайёра Жиекбаева футболчиларимизнинг қўпол хатосидан унумли фойдаланди ва Лайло Тилавова қўриқлаётган дарвозамизни аниқ нишонга олди – 0:1.
Бу кутилмаган гол ўйинчиларни сергак тортирди ва улар ҳимояни мустаҳкамлаб, кўпроқ ҳужумлар уюштиришди. Бу орқали улар учрашувнинг биринчи бўлимидаёқ 6та гол уришга эришди. Голларга Шахзода Жамолова, Севара Нормуродова, Шахноза Қурбонова, Мафтуна Шойимова, Шодия Тошева ва Камола Рискиева муаллифлик қилишди.
Иккинчи бўлимда жамоанинг ўйини кутилганидек чиқмади. Бир-бирларига тўп оширишда кўплаб хатоларга йўл қўйишди ва учрашувнинг 25-дақиқасида ўз дарвозаларидан 2-тўпни олиб чиқишга мажбур бўлдилар. Бу голни «Қирқ қиз» жамоаси ўйинчиси Зиёдахон Туленбаева урди. Учрашувдаги сўнгги голни Ильвина Аблякимова уришга муваффақ бўлди – 7:2.
Шу тариқа "Севинч" ҳал қилувчи босқични ғалаба билан бошлади. Эртага 3-босқичнинг ҳал қилувчи – марказий учрашуви бўлиб ўтади. Унда "Севинч" турнир карвонбошиси «ТАТУ» жамоаси билан баҳс юритади. Учрашув 11:40да бошланади.
Мини футбол бўйича XIII Ўзбекистон чемпионати, 3-босқич, 1-тур
«Севинч» (Қарши) – «Қирқ қиз» (Нукус) 7:2 (6:1)
16.03.2017. Тошкент ш., «Ёшлик» с/а
Ҳакамлар: Криситина Середа, Нигора Муҳаммадиева, Зилола Рахматова, Ҳуснора Жумаева.
Голлар: Шахзода Жамолова, 7′-1:0, Севара Нормуродова, 9′-2:1, Шахноза Қурбонова, 13′-3:1, Мафтуна Шойимова, 18-4:1, Шодия Тошева, 20′-5:1, Камола Рискиева, 20-6:1′, Ильвина Аблякимова, 40′-7:2 – Сайёра Жиекбаева, 2′-1:1, Туленбаева Зиёдахон, 25′-6:2.
«Севинч»: 1.Лайло Тилавова, 16.Мафтуна Жонимқулова, 8.Камола Рискиева (с), 17.Танзила Зарбиева, 11.Шахзода Жамолова, 10.Ильвина Аблякимова, 7.Шахноза Қурбонова, 25.Мафтуна Шойимова, 20.Мафтуна Панжиева, 27.Шодия Тошева, 9.Севара Нормуродова, 37.Малика Бурханова, 19.Олия Ахмедова.
«Қирқ қиз»: 16.Кууанышбаева Гулфия, 3.Айнура Даулбаева, 5.Бану Нысанбаева, 6.Дилфуза Калбаева (с), 7.Сайёра Жиекбаева, 8.Дилфуза Нусриддинова, 9.Гуласел Кутанова, 11.Ирода Аразбаева, 12.Зиёдахон Туленбаева, 15.Ҳусниё Ганчева, 13.Чорасхон Ғаниева.
Огоҳлантириш: Сайёра Жиекбаева 24.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
