"Барселона" ҳимоячиси Жерар Пикенинг "Реал"га қарши иқтибослари жамланмаси.
14 январь, 2013 – Моуриньо ҳақида
"Реал" ғалаба қозонганда Моуриньо ўзига ҳамма нарсани эп кўрган. Бир марта у Виланованинг кўзига қўлларини тиқмоқчи бўлган. Уни неча ўйинга дисквалификация қилишди? Бир мартага ҳам эмас. Энди у Касильясга қарши бўлмоқда, журналистга дўқ қилмоқда, одамлар уни танқид қилмоқдалар. У ўзига ҳамма нарсани п кўрар эди".
16 июнь, 2013 – Моуриньо "Реал" мураббийлигида Испания термасига зарари текканлиги ҳақида
"Мен барча ўйинчиларнинг етуклигига ишонгандим. Бир марта аҳвол шу даражага етдики, биз чегарани бузиб ўтишимизга сал қолди. Терма жамоада Моуриньо туфайли муҳит жуда ёмон эди.
Оқибатда ақл иш берди ва биз "бас!" дедик. Аммо буни Моуриньо эмас, нотўғри қилаётганларини тан олган футболчилар тўхтатдилар.
Аммо биз ҳам бунда ўзимиз ҳам айбдор эдик. Бир марта биз "Реал" футболчиларидан устун эканимизни ва улардан кўпроқ совринимиз борлигини айтган эдим".
17 сентябрь, 2013 – ҳомийлар ҳақида
"2002 йилда "Реал" футболчи сотиб олиш учун 1,3 миллиард евро сарфлаганини ўқидим. Албатта, "Барселона" ҳам пул сарфлайди, аммо бизда Bankia йўқ ("Реал" трансферларини молиялаштиришда шубҳа қилинадиган банк).
Бизда Месси, Хави, Иньеста, Педро, Бускетс, Пйоль, Вальдес бор - улар клуб учун 0 еврога тушишган.
Ҳа, Иброҳимович, Вилья, Неймар трансферлари бўлган, аммо бир йилда бир марта бундай харидлар бўлган. Иско, Ильяраменди ва Бэйл сотиб олингандан кейинги мавсумда ҳеч нарса ютмаслик ҳолати бизда бўлмаган"
26 сентябрь, 2013 – "Реал"нинг "Эльче" устидан ғалабаси ҳақида (Роналду 97дақиқадан пенальтидан гол урган - 2:1)
"Испания чемпионатида ажойиб комедия кўрдим. Айниқа кечки томон жуда томошабоп кўринар экан".
24 октябрь, 2013 – ўринбосарлар тайёрлаш ҳақида
"Ла Масия" ажойиб авлод етишьирган. Месси, Пуйоль, Иньеста, Хави, Вальдес, Педро – "Барселона" улар учун ҳеч нарса сарфламаган. "Реал" битта ёзда 160 миллионга Ильяраменди, Иско ва Бэйлни сотиб олган".
2 ноябрь, 2013 – "Реал" ҳеч нарса юта олмаслиги ҳақида.
"Гвардиола давридаги "Барса" билан таққослайверишлари бизга таъсир қилмайди, биз бунга кўникканмиз. "Реал"ни олиб кўринг. Беш йилда бир марта чемпионат ғолиби бўлганимизни ва битта кубок олганимизни Мадридда гапришларини тасаввур қилиб кўринг".
10 ноябрь, 2013 – "Реал" билан рақобат тўғрисида
"Биз дунёнинг энг бой клубига қарши туряпмиз. Биз фақат ўз тарбияланувчиларимизни яхши авлоди туфайли рақобат қиляпмиз".
13 август, 2015 – УЕФА Суперкубогида "Севилья" устидан ғалабадан сўнг (5:4).
"Келинглар, йигитлар, байрам қиламиз. Жин ургур "Реал" бизнинг байрамимизни кўриб қўйсин".
10 сентябрь, 2015 – ўзига бўлган ҳуштакбозлик ҳақида
"Мен бахтиёрман ва ҳаётга мамнун қарайман. Кеча қўзиқорин теришга бордим ва уч сават тўлдирдим. Кеча терма жамоа ўйинида "Барселона" ва "Реал" рақобати туфайли ҳамда бу мавзудаги гапларим учун менга ҳуштак чалишди. Македония билан учрашув олдидан Рамос мени ҳимоя қилди. Терма жамоада у билан жуда яхши муносабатдамиз.
Айтган сўзларимдан афсусланмайман. Мен "Реал"нинг "Ювентус"га қарши ўйинини Буффоннинг футболкасини кийиб кўрдим ва мадридликларнинг ютқазишини истадим. "Реал"нинг "Атлетико"га қарши учрашуви олдидан Касильясга "Умид қиламанки, сен тўртта гол ўтказасан" дегандим. У худди шундай қилди Биз ҳамон бу гапларимни кулиб эслаймиз.
Мен ўзимни оқламайман, чунки ёмон сўзлар айтмаганман. Каталония ва Испания мавзусида ҳазиллашиш нотўғри бўлар эди. Аммо менинг барча ҳазилларим "Барселона" ва "Реал" қарама-қаршилигига тегишли. Мен ҳеч кимни ҳақорат қилганим йўқ.
"Сантьяго Бернабеу"да "Барселона" ўйинчиларига қарши ҳуштак чалишса, бу менга ёқимли куй каби эшитилади. Испания терма жамоасидан кетиш фикри - бу калламга энг охири келадиган ўй".
13 декабрь, 2015 – Арбелоа ҳақида
"Арбелоа мени ўз дўсти деб атабди. Аммо мен уни дўстим деб ҳисобламайман. У менинг танишим, аммо дўстим эмас".
29 февраль 2016 – Неймар ҳеч қачон ўтмайдиган жамоа ҳақида
"Неймар "Реал"га ўтса қўлимни кесиб ташлайман. Унга Барселона жуда ёқади, у клубимизни севиб қолган. У "Барселона"да узоқ йиллар ўйнайди деб ўйлайман".
26 март, 2016 – нима учун телевизорни синдиргани ҳақида
"Барселона"даги биринчи мавсумда Икерга гол урганимни ва биз 6:2 ҳисобида ғалаба қозонганимизни эслайман. Ўшанда "Реал" чемпионлар лигасида ғолиб чиққан эди, бу менга ёқимсиз бўлган эди, албатта. Мен финални Лос-Анжелесда кўргандим ва Рамосни голидан сўнг телевизорни синдиргандим".
5 апрель, 2016 – Месси ва Роналду ҳақида
"Улар иккиси ҳам ақлбовар қилмас ўйинчилар. Биз замоннинг эмас, балки, футбол тарихидаги энг яхши икки ўйинчиси ҳақида гапиряпмиз.
Мессининг иқтидори бошқа ҳеч кимда йўқ эканини аввал ҳам айтгандим. У ақлбовар қилмас тезликда тўпни олиб юради, уни икки метрдан узовлаштирмайди. Уни тўхтатиб бўлмайди, ҳеч кимда бундай иқтидорни кўрмадим.
Роналду - бошқача ўйинчи, мутлақо бошқача У баланд бўйли, кучли - етук ўйинчи. У ҳамма нарсани бажариши мумкин. У боши билан, жарималардан, пенальтидан кетмакет гол уриши мумкин.
Шахсан мен Мессини одам ҳисобламайман, Роналду эса - одамлар орасида энг яхшиси".
24 август, 2016 – "Реал"нинг ЕЧЛ-2015/16 мавсумидаги йўли ҳақида
"Осон гуруҳ. 1/8 финалда - Италиянинг учинчи жамоаси, чорак финалда - Германиянинг саккизинчи жамоаси, яримфиналда - Англиянинг тўртинчи клуби. Бунинг устига барча жавоб ўйинларини уйида ўтказди".
14 октября 2016 – нима учун провакация қилиши ҳақида
"Провакация қилишни яхши кўришимни айтганман. Спортча нуқтаи назарда босим бўлгани яхши, бу менга ёқади. Бусиз одамлар футболни севмайдилар.
"Барса" ва "Реал" рақобатисиз ўйинлар ўз аҳамиятини йўқотади.
"Моуриньо ва Гвардиола вақтидаги эл-класиколарда ҳам биз футболчилар бир-биримизни тушунганмиз".
7 ноябрь, 2016 – Мессининг "Олтин тўп"лари ҳақида
"Агар "Олтин тўп" ҳар йили фақат энг яхши ўйинчига беришганларида , бу совринни 2009 йилдан сўнг ҳар йили Месси олиши керак эди. Бошқача савия".
27 февраль, 2017 – чемпионатдаги ҳакамлик ҳақида
"Бир хил жамоалар билан ўйинда (ҳакамлар туфайли) "Реал" қўшимча 4 очко ишлаб олди, "Барселона" шунча очко йўқотди".
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
