ЎФФ президенти Умид Аҳмаджонов ФИФА президенти Жанни Инфантино билан кеча — 21 сентябрь куни учрашиб, бир қатор масалалар юзасидан келишувга эришганди. Улар орасида Халқаро футбол уюшмасининг Ўзбекистонга берадиган моддий кўмаги масаласи ҳам бор.
Умид Аҳмаджонов ФИФА президенти билан учрашди. Кичик мундиаллар Ўзбекистонда ўтиши мумкин
ЎФФни молиявий шаффофлаштириш бўйича янги стратегик режа барпо қилаётган Умид Аҳмаджонов ФИФА раҳбари билан «Форвард» лойиҳаси бўйича музокара олиб борди. Натижада ФИФА 2018 йил охиригача Ўзбекистон футболига 3,5 миллион АҚШ доллари, 2019 йилда эса яна 1,5 миллион доллар ўтказиб берадиган бўлди, деб маълумот берди федерация матбуот хизмати.
Хўш, бу пуллар қаердан келади? ФИФА президенти бўлиб сайлангач, Жанни Инфантино ташкилотнинг даромади унга аъзо федерацияларга тақсимлаб берилиши кераклигини баралла айтганди. Ана шу гапларнинг исботи тариқасида Инфантино янги ривожлантириш лойиҳасини ишга туширган. Унга кўра, ФИФАга аъзо ҳар бир федерация, шу жумладан Ўзбекистон ҳам 4 йил ичида 5 миллион АҚШ доллари миқдорида пул олади. Бу пуллар ФИФАнинг «Форвард» лойиҳасида айтиб ўтилганидек, федерация ишини юритиш, маъмурий бошқарув ишлари, шунингдек, терма жамоалар, республика миқёсидаги мусобақаларни ўтказиш, веб-сайт ишларини такомиллаштириш каби алоҳида белгилаб қўйилган миссияларга сарфланиши керак. ФИФА бу пулни 4 йил ичида федерацияларга аудит асосида ўтказиб беради.
Музокаралари натижасида Умид Аҳмаджонов 2017—2018 йилги махсус лойиҳалар учун ФИФА билан 1,5 миллион долларлик шартнома имзолайдиган бўлди. Энди Тошкентда ушбу шартнома шартларини бажариш бўйича ишчи гуруҳи тузилади ва белгиланган муддат ичида барча хужжатлар Цюрихга юборилади. Бундан ташқари, 2016 йилги махсус лойиҳалар учун ўз ҳисобидан маблағ ишлатиб турган ЎФФга, ҳаражатларини қоплаш мақсадида яна 1 миллион доллар ўтказиб берилади. Инфантино ФИФАнинг футболни ривожлантиришга йўналтирилган молиявий грантлари келгусида Ўзбекистон учун фаол бўлишига умид билдирди.
Аҳмаджонов ва Инфантино ФИФАнинг «Гол—4» лойиҳаси бўйича ЎФФ ҳисоб рақамига ўтказилиши керак бўлган маблағлар кечикмаслиги, миллий терма жамоага автобус сотиб олиш учун ажратиладиган маблағ миқдорини ошириш каби масалаларни ҳам муҳокама қилган.
«Гол—4» ФИФА собиқ президенти Зепп Блаттер давридаги сўнгги лойиҳалардан бири бўлиб, унинг доирасида ЎФФга 500.000 доллар берилади. Бу пулларнинг бир қисми аллақачон ЎФФ биносини қайта таъмирлаш учун ишлатилгани маълум қилинди. Қолган қисми эса миллий терма жамоага янги автобус сотиб олиш учун сарфланади. Шу тариқа ташкилот ФИФАнинг «Гол» лойиҳаларидаги иштирокини тамомлайди.
"Биз ЎФФ фаолиятини шаффофлаштириш орқали ишқибозларнинг мамлакат футболига бўлган ҳурмат ва эътиборини, ишончини қайтаришни мақсад қилдик. Федерация эндиликда барча турдаги фаолият, шу жумладан, молиявий операциялар ҳақида ҳам вақти-вақти билан ҳисобот бериб туради" - Умид Аҳмаджонов, ЎФФ президенти.
Умид Аҳмаджонов бошчилигидаги ЎФФ делегацияси Швейцариядан Тошкентга шу ҳафта охирида қайтиб келади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
