Бугун, 27 сентябрь куни Ўзбекистон футбол федерациясининг янги раҳбарияти билан илк марта матбуот анжумани ташкил қилинди.
Унда ташкилот раҳбари Умид Аҳмаджонов, вице-президентлар — Исроилов, МОҚ бош котиби Ойбек Қосимов, Ижроқўм аъзолари — Рустам Қурбонов ва Мурод Алиев иштирок этишди.
ЎФФ раҳбари Умид Аҳмаджонов журналистларнинг саволларига жавоб қайтарди.
- Келишилган ўйинлар футболнинг илдизига болта уради. Бу борада жиддий кураш олиб бориш керакдир?
— ЎФФ футбол федерацияси таркибида 3 нафар хавфсизлик ходимлари фаолият олиб боради. Улар орган тизимида ишлаган собиқ ходимлари ҳисобланади. Ҳар битта ўйин ва учрашувни бошқариб борадиган ҳакамларнинг фаолияти ўрганилади. Келишилган ўйинларга қарши курашни янги даражага олиб чиқамиз.
— Миллий терма жамоа бош мураббийи ким бўлади ва номзод қандай тамойил асосида танлаб олинади?
— Терма жамоа бош мураббийига номзодлар билан музокаралар олиб борилмоқда. Музокаралар қоидасига кўра, номзодлар номини эълон қила олмайман. Музокаралар якунига етганидан кейин расман эълон қиламиз.Ўзбек футболига мос келадиган мураббийни изламоқдамиз. Янги мураббий масаласини 15-20 кун ичида эълон қилсак керак.
— Олий лигани ривожлантириш учун ЎзПФЛга янги раҳбарият керак. Эски раҳбарлар билан натижага эришиб бўлмайди. Масалан, Асқар Толибжонов ва Фарҳод Магометов ўз лавозимларида қоладими?
— ЎзПФЛнинг ташкилий тузилмаси қайта кўриб чиқиляпти. Ташкилотга янги мутахассислар жалб қилиняпти. ПФЛни кучайтириш учун хорижнинг етакчи ПФЛларини фаолиятини ўрганиб чиқяпмиз. Шунингдек, ЎзПФЛ ва ЎФФ вакилларини "Реал" ва "Барселона" клубларига тажриба ошириш учун юборишни режалаштиряпман. Битта нарсани очиқ айтаман, Федерацияда ҳозир ишлаётган 90 фоиз мутахассислар ўз лавозимида қолмайди. Янги мутахассислар танлов асосида қабул қилинади. Бу ҳақда 2-3 кунда эълон берамиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).