Ушбу мавсумда ўз олдига Олий Лига йўлланмасини қўлга киритишдек улкан мақсадни қўйган Қувасойнинг “Цементчи” жамоаси ўз мақсад йўлида хеч кимни аяб ўтиргани йўқ! Бу улкан вазифани амалга ошириш учун бор йўғи бир неча қадам қолди холос!
Кеча Ўзбекистон биринчилиги 30-тур учрашувлари доирасида Қувасойда бўлиб ўтган Янгиернинг “Янгиер” жамоасига қарши учрашувда ҳам “Цементчи” йирик 4-0 хисоби билан навбатдаги ғалабани нишонлади!
Шарроз ёғиб турган ёмғир ҳам “Цементчи”нинг ғалаба қозонишига қаршилик кўрсата олмади! Хавонинг бундай инжиқликларига қарамай қувасойлик мухлислар “Цементчи”ни қўллаб қувватлаб туриш мақсадида стадионни деярли тўлдириб турдилар.
Тайм бошидан бошлаб жамоадошларимиз бирин кетин ҳужумлар уюштира бошладилар. Бу каби холатга янгиерликлар 38 дақиқа қаршилик кўрсата олишди.
Айнан учрашувнинг 38 дақиқасида Абдул Азиз Юсупов шериклари томонидан узатилган тўпни боши билан ажойиб тарзда мехмонлар дарвозасига жойлаб қўйдилар ва “Цементчи”ниҳисобда олдинга олиб чиқди.
Киритилган голдан янгиерликлар ҳали ўзларига келиб улгурмай, орадан 2 дақиқа ўтиб, яъни 40 дақиқада Даврон Исоқов бирга бир вазиятга чиқиб борди ва берган зарбасини дарвозабон маҳорат кўрсатиб қайтариб қолди, қайтган тўпни эса ўз вақтида пайдо бўлган Санжар Зокиров дарвозага жойлади, ҳисоб 2-0.
Жамоалар ушбу ҳисоб билан танаффусга чиқиб кетдилар. Иккинчи бўлимда худди тақдирга тан бергандек ёмғир хам ёғишдан тўхтади. Бу эса иккинчи бўлимни янада қизиқарли ўтишини таъминлади. Даврон Исоқов, Жамшид Қобулов, Абдул Азиз Юсупов, Аббос Жумакуловлар бир нечта қулай имкониятлардан фойдалана олмаган бўлсалар Айбек Нурбаевнинг бош билан киритган голи ўйиндан ташқари холатда кирилди деб хакам томонидан ҳисобга олинмади.
Учрашувнинг 73-дақиқасига келиб меҳмонлар дарвозаси томон бирин кетин уюштирилаётган ўта хавфли ҳужумлардан бирини Анвар Раҳимов гол билан якунлади ва ҳисобни йирик кўринишга келтирди. Тиниб тинчимас ҳужумчи Абдул Азиз Юсупов 85 дақиқада дубл қайд этиб,ҳисобни янада йирикроқ кўринишига сабабчи бўлди.
Шу тариқа “Цементчи” ўзининг навбатдаги ғалабасини қўлга киритди ва зиммасидаги вазифани янада енгиллаштиришга эришди.
30-тур 6 октябрь (жума)
«Цементчи» (Қувасой) – «Янгиер» (Янгиер) 4:0
Голлар: АбдулАзиз Юсупов (38, 85) Санжар Зокиров (40) Санжар Зокиров (73)
Ҳакамлар: Э. Турсунов (Бухоро), О. Қосимов (Тошкент), Ш. Максудов (Тошкент)
«Цементчи»: 1. Фарруҳ Турдалиев 3. Оқилбек Маҳмудов 4. Раҳматилло Мелибоев 8. Анвар Раҳимов 9. Даврон Исоқов 10. АбдулАзиз Юсупов 13. Жамшид Қобулов 14. Маъруф Зокиржонов 18. Санжар Зокиров 22. Шахзод Абдураҳимов 24. Маматвали Нуриддинов
Заҳира: 16. Илҳом Жуманов 6. Отабек Аҳмаджонов 11. Аббос Жумақулов 17. Суннатилло Эрматов 19. Даниэл Насриддинов 23. Айбек Нурбоев 27. Даврон Маматов
«Янгиер»: 12. Хусан Олимжонов 2. Артур Маматказин, 7. Тимур Мифтахутдинов 14. Акбарали Саттаев 17. Элбек Жуманов 18. Амирхон Иброҳимов 21. Фахриддин Хонкелдиев 22. Бунёд Шодиев 27. Маъруф Тошев 24. Абдумутал Турсунқулов 31. Шахзод Ғофурбеков
Заҳира: 1. Жавоҳир Комилов 6. Асилжон Мансуров 13. Авазбек Суюндиков 14. Хусан Расулов 11. Аброр Ҳакимов 26. Шариф Айтбаев 28. Хусан Расулов
“Цементчи” навбатдаги мухим учрашувларини 12 октябр куни Фарғонада “Истиқлол” жамоасига, 15 октябр куни эса Андижоннинг “Андижон” жамоасига қарши ўтказади.
Навбатдаги хар иккала финалга тенг учрашувларда жамоамизга омад тилаймиз !
Ишонамизки ушбу учрашувларда хам мухлисларимиз жамоамизни ёлғизлатиб қўймайдилар!
Мақсад сари олға “Цементчи”!!!
“Цементчи” Матбуот котиби, Зуҳриддин Абдуллажонов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
