Ushbu mavsumda o‘z oldiga Oliy Liga yo‘llanmasini qo‘lga kiritishdek ulkan maqsadni qo‘ygan Quvasoyning “Sementchi” jamoasi o‘z maqsad yo‘lida xech kimni ayab o‘tirgani yo‘q! Bu ulkan vazifani amalga oshirish uchun bor yo‘g‘i bir necha qadam qoldi xolos!
Kecha O‘zbekiston birinchiligi 30-tur uchrashuvlari doirasida Quvasoyda bo‘lib o‘tgan Yangiyerning “Yangiyer” jamoasiga qarshi uchrashuvda ham “Sementchi” yirik 4-0 xisobi bilan navbatdagi g‘alabani nishonladi!
Sharroz yog‘ib turgan yomg‘ir ham “Sementchi”ning g‘alaba qozonishiga qarshilik ko‘rsata olmadi! Xavoning bunday injiqliklariga qaramay quvasoylik muxlislar “Sementchi”ni qo‘llab quvvatlab turish maqsadida stadionni deyarli to‘ldirib turdilar.
Taym boshidan boshlab jamoadoshlarimiz birin ketin hujumlar uyushtira boshladilar. Bu kabi xolatga yangiyerliklar 38 daqiqa qarshilik ko‘rsata olishdi.
Aynan uchrashuvning 38 daqiqasida Abdul Aziz Yusupov sheriklari tomonidan uzatilgan to‘pni boshi bilan ajoyib tarzda mexmonlar darvozasiga joylab qo‘ydilar va “Sementchi”nihisobda oldinga olib chiqdi.
Kiritilgan goldan yangiyerliklar hali o‘zlariga kelib ulgurmay, oradan 2 daqiqa o‘tib, ya’ni 40 daqiqada Davron Isoqov birga bir vaziyatga chiqib bordi va bergan zarbasini darvozabon mahorat ko‘rsatib qaytarib qoldi, qaytgan to‘pni esa o‘z vaqtida paydo bo‘lgan Sanjar Zokirov darvozaga joyladi, hisob 2-0.
Jamoalar ushbu hisob bilan tanaffusga chiqib ketdilar. Ikkinchi bo‘limda xuddi taqdirga tan bergandek yomg‘ir xam yog‘ishdan to‘xtadi. Bu esa ikkinchi bo‘limni yanada qiziqarli o‘tishini ta’minladi. Davron Isoqov, Jamshid Qobulov, Abdul Aziz Yusupov, Abbos Jumakulovlar bir nechta qulay imkoniyatlardan foydalana olmagan bo‘lsalar Aybek Nurbayevning bosh bilan kiritgan goli o‘yindan tashqari xolatda kirildi deb xakam tomonidan hisobga olinmadi.
Uchrashuvning 73-daqiqasiga kelib mehmonlar darvozasi tomon birin ketin uyushtirilayotgan o‘ta xavfli hujumlardan birini Anvar Rahimov gol bilan yakunladi va hisobni yirik ko‘rinishga keltirdi. Tinib tinchimas hujumchi Abdul Aziz Yusupov 85 daqiqada dubl qayd etib,hisobni yanada yirikroq ko‘rinishiga sababchi bo‘ldi.
Shu tariqa “Sementchi” o‘zining navbatdagi g‘alabasini qo‘lga kiritdi va zimmasidagi vazifani yanada yengillashtirishga erishdi.
30-tur 6 oktyabr (juma)
«Sementchi» (Quvasoy) – «Yangiyer» (YAngiyer) 4:0
Gollar: AbdulAziz Yusupov (38, 85) Sanjar Zokirov (40) Sanjar Zokirov (73)
Hakamlar: E. Tursunov (Buxoro), O. Qosimov (Toshkent), SH. Maksudov (Toshkent)
«Sementchi»: 1. Farruh Turdaliyev 3. Oqilbek Mahmudov 4. Rahmatillo Meliboyev 8. Anvar Rahimov 9. Davron Isoqov 10. AbdulAziz Yusupov 13. Jamshid Qobulov 14. Ma’ruf Zokirjonov 18. Sanjar Zokirov 22. Shaxzod Abdurahimov 24. Mamatvali Nuriddinov
Zahira: 16. Ilhom Jumanov 6. Otabek Ahmadjonov 11. Abbos Jumaqulov 17. Sunnatillo Ermatov 19. Daniel Nasriddinov 23. Aybek Nurboyev 27. Davron Mamatov
«Yangiyer»: 12. Xusan Olimjonov 2. Artur Mamatkazin, 7. Timur Miftaxutdinov 14. Akbarali Sattayev 17. Elbek Jumanov 18. Amirxon Ibrohimov 21. Faxriddin Xonkeldiyev 22. Bunyod Shodiyev 27. Ma’ruf Toshev 24. Abdumutal Tursunqulov 31. Shaxzod G‘ofurbekov
Zahira: 1. Javohir Komilov 6. Asiljon Mansurov 13. Avazbek Suyundikov 14. Xusan Rasulov 11. Abror Hakimov 26. Sharif Aytbayev 28. Xusan Rasulov
“Sementchi” navbatdagi muxim uchrashuvlarini 12 oktyabr kuni Farg‘onada “Istiqlol” jamoasiga, 15 oktyabr kuni esa Andijonning “Andijon” jamoasiga qarshi o‘tkazadi.
Navbatdagi xar ikkala finalga teng uchrashuvlarda jamoamizga omad tilaymiz !
Ishonamizki ushbu uchrashuvlarda xam muxlislarimiz jamoamizni yolg‘izlatib qo‘ymaydilar!
Maqsad sari olg‘a “Sementchi”!!!
“Sementchi” Matbuot kotibi, Zuhriddin Abdullajonov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
