«Челси»нинг афсонавий футболчиси ҳисобланмиш Фрэнк Лэмпард клубнинг ҳозирги ҳолати борасида ўз фикрларини билдириб ўтди.
Трансферлар ҳақида
- Манчестер клублари сўнгги икки йилда трансфер бозорини «портлатиб» юборишди. Улар футболчиларнинг хариди учун катта пулларни сарфлашди.
Уларга рақобат қила оладиган «Челси»нинг ҳақиқий хужайини бор. Аммо сўнгги йилларда клуб харажатлари бироз пасайди. Мени тўғри тушунинг. Бу билан Абрамович учун клубнинг қизиғи қолмади демоқчи эмасман. Жамоа ажойиб футболчиларни харид қилиш учун катта пулларни сарфламоқда.
Бироқ барибир, манчестерликлардан ортда қолишмоқда. Ҳозирда эҳтиёт бўлиш лозим. Чунки, ҳамма фарқни билади. Барча Конте бахтли эмаслигини кўриб турибди. Бунинг учун унда сабаблар бор. Чунки, жамоа таркиби рақобатчиларникидан кучли эмас. Шу боис ҳам «Челси» турли фронтларда курашишда қийналмоқда.
Конте ҳақида
- Контенинг бу борада уялмай гапириши менга ёқади. Тўғри, бу клубга ёқмаслиги мумкин. Лекин у ҳақиқатни айтяпти. У чиндан ҳам тўғри гапларни айтди. Чунки Конте клубнинг трансфер сиёсатидан норози. Ёзда жамоа икки нафар етакчи футболчини йўқотди.
Коста «Атлетико»га қайтди. Матичнинг эса «Манчестер Юнайтед»га ўтишига йўл қўйиб берилди. Албатта, Конте учун кучли футболчиларни харид қилишлари лозим эди.
Мураббий ўзи учун янги футболчилар кераклигини клубдагиларга айтди. Ҳақиқатан ҳам жамоанинг трансферларига аралашмайди. У кучли футболчилар келишига ишонади ва умид қилади. Негаки, Конте «Челси» мухлислари сингари жамоанинг АПЛ етакчи клубларига рақобат қилишини истайди.
Контенинг шартномаси ҳақида
- Клуб Контени хурсанд қила олиши ёки олмаслигини билмайман. Яна қандай трансферлар бўлади, бундан ҳам хабарим йўқ.
Шунингдек, Антонио Контенинг шартномасидаги вазиятдан ҳам хабарим йўқ. Лекин унинг узоқ муддатли бўлишини истайман. Ёзда клубдагилар музокаралар столига ўтириб барчасига ойдинлик киритиб олишлари лозим.
Раҳбарият Антонио Контенинг имкониятларини кўра олиши лозим. Улар иложи борича мураббийга ёрдам беришлари керак. Ишончим комил, Контега ишонч билдирилса, «Манчестер Сити» ва «Манчестер Юнайтед» каби грандларга етарлича қаршилик кўрсата олади.
Эден Азар ҳақида
- Мени Эден Азарнинг тақдири ташвишлантиряпти. Чунки шу кетишда клуб уни сотиб юбориши ҳеч гап эмас. 27 ёшли футболчининг шартномаси 18 ойдан кейин ниҳоясига етади. Аммо янги келишув ҳали амалга оширилмади. Бугун Эден Азар «Челси»нинг юзи ва жамоанинг ҳақиқий етакчисидир.
Клубни тарк этадиган футболчилар бор. Лекин бу Азар бўлмаслигига умид қиламан. «Реал» борасидаги миш-мишлар ҳақиқат бўлса, уни ушлаб туриш осон эмаслигини яхши биламан. Лекин раҳбарият бельгиялик футболчи Лондонда қолишини таъминлашлари лозим.
Абрамович ҳақида
- Бугунги кунда клубнинг муаммолари борлиги кўриниб турибди. Клуб хўжайини атрофидаги айрим маслаҳатчилар барчасини издан чиқаришмоқда. Бундан халос бўлиш керак. Ишончим комил, Роман Абрамович топ-4 билан қониқадиган инсонлардан эмас.
Диего Костанинг кетиши ҳақида
- Диего Костанинг кетиши жамоа учун оғир келди. У майдонга тушганида биз иштиёқ, кураш ва истакни кўрардик. Диего жамоани олдинга бошлашга қодир эди.
Шу боис ҳам жамоа бундай футболчилар учун ўринбосар топиши лозим. Мисол учун, Бакайоко Матичнинг ўрнини боса олмаяпти. Бундай камчиликлар клубнинг ривожланишига тўсқинлик қилмоқда.
А.ИСРОИЛХОНОВ тайёрлади
InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Аталанта
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
