Жаҳон чемпионатида ярим финалга чиққан дастлабки жамоанинг номи аниқ бўлди. Франция терма жамоаси чорак финалда Уругвайни мағлуб этишга муваффақ бўлди.
Нимчорак финалда жароҳат олган Эдинсон Кавани бугунги ўйинда жамоасига ёрдам бера олмади. Балки, бу ҳам уругвайликларнинг мағлубиятига асосий сабаблардан бири бўлгандир.
Таркиб борасида рақибига нисбатан бироз устун ҳисобланган французлар ўз имкониятларидан самарали фойдаланишди. Қайсидир паллага уларга омад кулиб боққан бўлса, яна бир вазиятда уругвайлик посбоннинг хатоси европаликларга қўлга келди.
Баҳснинг 39-дақиқасида ҳисоб очилди. Гризманн жаримадан етказиб берган узатмага ҳимоячилар илдамроқ ҳаракат қилган Рафаэль Варан бош билан шундай зарба бердики, тўп дарвоза бурчагига кириб кетди.
Орадан 5 дақиқа ўтиб Уругвай ҳам "стандарт"дан ҳисобни тенглаштиришга жуда яқин келди. Жаримадан етказилган узатмани Касирес бош билан дарвоза бурчаги томон зарба берди. Льорис ажойиб сэйв билан зарбани қайтарди. Диего Годин эса шундоққина устун ёнидан дарвоза томон аниқ зарба бера олмади. У тўпни юқорига тепиб юборди.
Иккинчи бўлимнинг 61-дақиқасида ҳисобдаги фарқ ошди. Қарши ҳужум пайтида Антуан Гризманн тўпни қабул қилди ва олис масофадан кучли зарба берди. Муслера тўпни ушлаб олмоқчи бўлди, аммо тўп унинг қўлидан чиқиб, тўрга бориб тушди.
Дешам шогирдлари ўйиннинг қолган вақти тўпни яхши назорат қилишди, керак пайтда мустаҳкам ҳимояланишди ва ғалабани ўз томонида ушлаб қолишди.
Франция терма жамоаси ярим финалда Бразилия-Бельгия ўйини ғолибига қарши майдонга чиқади.
ЖЧ-2018. Чорак финал
УРУГВАЙ - ФРАНЦИЯ 0:2
Голлар: 0:1 – 40 Варан, 0:2 – 61 Гризманн.
Уругвай – Муслера, Касерес, Хименес, Годин, Лаксальт, Торрейра, Нандес (Урретавискайя, 73), Весино, Бентанкур (Родригес, 59), Суарес, Стуани (Макси Гомес, 59).
Франция – Льорис, Павар, Варан, Умтити, Люка Эрнандес, Погба, Канте, Мбаппе (Дембеле, 88), Гризманн (Фекир, 90), Толиссо (Нзонзи, 80), Жиру.
Огоҳлантиришлар: Люка Эрнандес (33), Бентанкур (38), Родригес (69), Мбаппе (69).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
