"Барселона" бош мураббийи Эрнесто Вальверде "Атлетико"га қарши бўладиган Ла лиганинг 13-тури доирасида бўладиган ўйинда таркиб борасида айрим муаммоларга дуч келмоқда. "Кўк-анорранглилар"нинг айрим футболчилари жароҳат олгани боис, мураббий оптимал ечим топа олиши керак.
1. Иван Ракитичнинг ўрнига ким тушади?
"Бетис"га қарши бўлиб ўтган 12-тур баҳсида хорватиялик футболчи майдондан четлатилганди. Боз устига, у терма жамоа сафида жароҳат олди. Шу боис, у марказий ўйинда жамоасига ёрдам бера олмайди. Унинг ўрнини эгаллаши мумкин бўлган энг асосий номзод — Артуро Видаль. Чилилик футболчи аста-секин жамоа ўйинига мослашиб бормоқда. Ракитичнинг ўрнида ҳаракат қилиши мумкин бўлган бошқа футболчи ҳам бор — Серхи Роберто. Аммо испаниялик футболчи ўнг қанот ҳимоя позициясини эгаллаши ҳам мумкин. Барчаси Эрнесто Вальверде танлайдиган тактикага боғлиқ. Агар Роберто майдон марказини эгаллайдиган бўлса, ўнг қанот ҳимоясига Нельсон Семеду туширилади.
2. Коутиньо ёки Дембеле?
Бразилиялик футболчи жароҳат туфайли "Бетис"га қарши ўйинни ўтказиб юборишга мажбур бўлди. Коутиньо "Атлетико" билан ўйинда иштирок этиши мумкин. Аммо кўп нарса унинг жароҳатдан қанчалик фориғ бўлганига боғлиқ. Агар Филиппе ўйинга тайёр бўлса, Вальверденинг иши анча енгиллашган бўларди.
Дембеле билан боғлиқ вазият эса бироз чигал. Франциялик футболчи соппа-соғ, аммо у интизом борасида кўп муаммоларга бормоқда. Хабарингиз бор, Усмон туни билан видеоўйин ўйнаб чиқиб, жамоанинг эрталабки машғулотига келмади. У қорним оғриб қолди, деб баҳона қилганди, аммо шифокорларнинг ёнинг ёлғон гапирганини фош қилишди. Шу боис, Дембеле "Бетис"га қарши ўйин қайдномасига киритилмади. Агар Коутиньо ўйинга тайёр бўлмаса, Дембеле бу сафар майдонга тушиши мумкин.
Бундан ташқари, Вальверде ихтиёрида Малком ҳам борлигини унутмаслик лозим. Мураббий балки чап қанот ҳужумида асосий урғуни бразилиялик футболчига қаратар.
3. Марказий ҳимоя
Самуэль Умтити жароҳатидан фориғ бўлиб, машғулотларга қайтгани Вальвердени қувонтиргани аниқ. Франциялик футболчи бир ярим ой давомида ўз жамоасига ёрдам бера олмади. Шунингдек, ҳимоя марказида Пикега Лангле ҳам шериклик қилиши мумкин. Бу борада якуний қарорни Вальверде чиқаради.
"Атлетико" – "Барселона" учрашуви "Ванда Метрополитано" стадионида 24 ноябрь, шанба куни бўлиб ўтади. Ўйин Тошкент вақти билан тунги соат 00:45да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
