"Barselona" bosh murabbiyi Ernesto Valverde "Atletiko"ga qarshi bo‘ladigan La liganing 13-turi doirasida bo‘ladigan o‘yinda tarkib borasida ayrim muammolarga duch kelmoqda. "Ko‘k-anorranglilar"ning ayrim futbolchilari jarohat olgani bois, murabbiy optimal yechim topa olishi kerak.
1. Ivan Rakitichning o‘rniga kim tushadi?
"Betis"ga qarshi bo‘lib o‘tgan 12-tur bahsida xorvatiyalik futbolchi maydondan chetlatilgandi. Boz ustiga, u terma jamoa safida jarohat oldi. Shu bois, u markaziy o‘yinda jamoasiga yordam bera olmaydi. Uning o‘rnini egallashi mumkin bo‘lgan eng asosiy nomzod — Arturo Vidal. Chililik futbolchi asta-sekin jamoa o‘yiniga moslashib bormoqda. Rakitichning o‘rnida harakat qilishi mumkin bo‘lgan boshqa futbolchi ham bor — Serxi Roberto. Ammo ispaniyalik futbolchi o‘ng qanot himoya pozisiyasini egallashi ham mumkin. Barchasi Ernesto Valverde tanlaydigan taktikaga bog‘liq. Agar Roberto maydon markazini egallaydigan bo‘lsa, o‘ng qanot himoyasiga Nelson Semedu tushiriladi.
2. Koutinyo yoki Dembele?
Braziliyalik futbolchi jarohat tufayli "Betis"ga qarshi o‘yinni o‘tkazib yuborishga majbur bo‘ldi. Koutinyo "Atletiko" bilan o‘yinda ishtirok etishi mumkin. Ammo ko‘p narsa uning jarohatdan qanchalik forig‘ bo‘lganiga bog‘liq. Agar Filippe o‘yinga tayyor bo‘lsa, Valverdening ishi ancha yengillashgan bo‘lardi.
Dembele bilan bog‘liq vaziyat esa biroz chigal. Fransiyalik futbolchi soppa-sog‘, ammo u intizom borasida ko‘p muammolarga bormoqda. Xabaringiz bor, Usmon tuni bilan videoo‘yin o‘ynab chiqib, jamoaning ertalabki mashg‘ulotiga kelmadi. U qornim og‘rib qoldi, deb bahona qilgandi, ammo shifokorlarning yoning yolg‘on gapirganini fosh qilishdi. Shu bois, Dembele "Betis"ga qarshi o‘yin qaydnomasiga kiritilmadi. Agar Koutinyo o‘yinga tayyor bo‘lmasa, Dembele bu safar maydonga tushishi mumkin.
Bundan tashqari, Valverde ixtiyorida Malkom ham borligini unutmaslik lozim. Murabbiy balki chap qanot hujumida asosiy urg‘uni braziliyalik futbolchiga qaratar.
3. Markaziy himoya
Samuel Umtiti jarohatidan forig‘ bo‘lib, mashg‘ulotlarga qaytgani Valverdeni quvontirgani aniq. Fransiyalik futbolchi bir yarim oy davomida o‘z jamoasiga yordam bera olmadi. Shuningdek, himoya markazida Pikega Langle ham sheriklik qilishi mumkin. Bu borada yakuniy qarorni Valverde chiqaradi.
"Atletiko" – "Barselona" uchrashuvi "Vanda Metropolitano" stadionida 24 noyabr, shanba kuni bo‘lib o‘tadi. O‘yin Toshkent vaqti bilan tungi soat 00:45da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
