Англия чемпионатининг 14-тури доирасида марказий ўйин бўлиб ўтди. "Арсенал" ва "Тоттенхэм" жамоалари ўртасидаги Шимолий Лондон дербисида мухлислар нақ 6та голга гувоҳ бўлишди.
"Эмирейтс" стадионида бўлиб ўтган учрашувнинг 10-дақиқасида ҳисоб очилди. Ян Вертонген ўз жарима майдончаси ичида тўпни қўли билан ўйнагани учун белгиланган пенальтини Пьер-Эмерик Обамеянг аниқ амалга оширди. Шундан сўнг "канонирлар" яна камида 2та голга тортадиган вазият яратишди. Аммо меҳмонлар ҳимоячилари ва даврозабони хавфни бартараф этишга муваффақ бўлишди.
Навбатдаги дақиқалар "шпорлар" учун жуда омадли кечди. Дастлаб жаримадан етказилган узатмани Эрик Дайер бош билан дарвозга буриб юборган бўлса, орадан 4 дақиқа ўтиб мезбонлар ўз жарима майдончалари ичида Сон Хеунг Минни йиқитишди. Харри Кейн 11 метрли жарима майдончасидан самарали фойдаланиб, "Тоттенхэм"ни ҳисобда олдинга олиб чиқди. Мазкур 4-5 дақиқа оралиғида "Арсенал" ҳақиқий нокдаунга тушиб қолди.
Иккинчи 45 дақиқаликда Унаи Эмери жамоаси жуда кучли ўйин намойиш қилиш билан биргаликда, яратилган имкониятлардан оқилона фойдаланишди. Баҳснинг 56-дақиқасида Бельерин ўнг қанотдан берган узатмани Рэмзи Обамеянгнинг йўлига тўғрилаб қўйди. Габонлик футболчининг зарбасини Льорис қайтара олмади.
Ўйин тугашига 15 дақиқа қолганида мезбонлар энди ҳисобда олдинга чиқиб олишди. Майдон эгалари тезкор ҳужумга ўтишди ҳамда Рэмзининг узатмасидан кейин Александр Ляказетт аниқ зарба билан дарвозани ишғол қилди. Орадан 2 дақиқа ўтиб Пьер-Эмерик жамоадоши Торрейрани тўп билан таъминлади. Лукас ўткир бурчак остида олис бурчакни аниқ нишонга олди.
Ушбу ғалабадан кейин "Арсенал" очколар бўйича "Тоттенхэм"га етиб олди. Тўплар фарқи бўйича Эмери жамоаси 4-ўринга кўтарилиб олди.
АПЛ, 14-тур
Арсенал – Тоттенхэм 4:2 (1:2, 3:0)
Голлар: 1:0 – 10, пенальти Обамеянг, 1:1 – 30 Дайер, 1:2 – 34, пенальти Кейн, 2:2 – 56 Обамеянг, 3:2 – 74 Ляказетт, 4:2 – 77 Торрейра.
Арсенал – Лено, Папастатопулос, Холдинг, Колашинац, Мустафи (Гендузи, 71), Мхитарян (Рэмзи, 46), Торрейра, Ивоби (Ляказетт, 46), Джака, Бельерин, Обамеянг.
Тоттенхэм – Льорис, Вертонген, Дэвис (Роуз, 82), Орье, Фойт, Сиссоко, Дайер, Эриксен, Алли (Уинкс, 79), Сон Хын Мин (Лукас Моура, 79), Кейн.
Огоҳлантиришлар: Вертонген (9), Дайер (32), Мустафи (37), Джака (49), Алли (65), Торрейра (78), Орье (90).
Четлатиш: Вертонген (85).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
