Angliya chempionatining 14-turi doirasida markaziy o‘yin bo‘lib o‘tdi. "Arsenal" va "Tottenxem" jamoalari o‘rtasidagi Shimoliy London derbisida muxlislar naq 6ta golga guvoh bo‘lishdi.
"Emireyts" stadionida bo‘lib o‘tgan uchrashuvning 10-daqiqasida hisob ochildi. Yan Vertongen o‘z jarima maydonchasi ichida to‘pni qo‘li bilan o‘ynagani uchun belgilangan penaltini Pyer-Emerik Obameyang aniq amalga oshirdi. Shundan so‘ng "kanonirlar" yana kamida 2ta golga tortadigan vaziyat yaratishdi. Ammo mehmonlar himoyachilari va davrozaboni xavfni bartaraf etishga muvaffaq bo‘lishdi.
Navbatdagi daqiqalar "shporlar" uchun juda omadli kechdi. Dastlab jarimadan yetkazilgan uzatmani Erik Dayer bosh bilan darvozga burib yuborgan bo‘lsa, oradan 4 daqiqa o‘tib mezbonlar o‘z jarima maydonchalari ichida Son Xeung Minni yiqitishdi. Xarri Keyn 11 metrli jarima maydonchasidan samarali foydalanib, "Tottenxem"ni hisobda oldinga olib chiqdi. Mazkur 4-5 daqiqa oralig‘ida "Arsenal" haqiqiy nokdaunga tushib qoldi.
Ikkinchi 45 daqiqalikda Unai Emeri jamoasi juda kuchli o‘yin namoyish qilish bilan birgalikda, yaratilgan imkoniyatlardan oqilona foydalanishdi. Bahsning 56-daqiqasida Belyerin o‘ng qanotdan bergan uzatmani Remzi Obameyangning yo‘liga to‘g‘rilab qo‘ydi. Gabonlik futbolchining zarbasini Lyoris qaytara olmadi.
O‘yin tugashiga 15 daqiqa qolganida mezbonlar endi hisobda oldinga chiqib olishdi. Maydon egalari tezkor hujumga o‘tishdi hamda Remzining uzatmasidan keyin Aleksandr Lyakazett aniq zarba bilan darvozani ishg‘ol qildi. Oradan 2 daqiqa o‘tib Pyer-Emerik jamoadoshi Torreyrani to‘p bilan ta’minladi. Lukas o‘tkir burchak ostida olis burchakni aniq nishonga oldi.
Ushbu g‘alabadan keyin "Arsenal" ochkolar bo‘yicha "Tottenxem"ga yetib oldi. To‘plar farqi bo‘yicha Emeri jamoasi 4-o‘ringa ko‘tarilib oldi.
APL, 14-tur
Arsenal – Tottenxem 4:2 (1:2, 3:0)
Gollar: 1:0 – 10, penalti Obameyang, 1:1 – 30 Dayer, 1:2 – 34, penalti Keyn, 2:2 – 56 Obameyang, 3:2 – 74 Lyakazett, 4:2 – 77 Torreyra.
Arsenal – Leno, Papastatopulos, Xolding, Kolashinas, Mustafi (Genduzi, 71), Mxitaryan (Remzi, 46), Torreyra, Ivobi (Lyakazett, 46), Djaka, Belyerin, Obameyang.
Tottenxem – Lyoris, Vertongen, Devis (Rouz, 82), OrYE, Foyt, Sissoko, Dayer, Eriksen, Alli (Uinks, 79), Son Xin Min (Lukas Moura, 79), Keyn.
Ogohlantirishlar: Vertongen (9), Dayer (32), Mustafi (37), Djaka (49), Alli (65), Torreyra (78), Orye (90).
Chetlatish: Vertongen (85).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
