Каталония суперклуби ўзининг топқирлиги ва омадли трансферлари билан кўпчиликни ҳайрон қолдиришда давом этмоқда, лекин яқин ўтмишда бир нечта футболчиларни қўлга киритиш уларнинг ҳам қўлидан келмаган экан. Ҳозир шулар ҳақида...
Франк Рибери
Франциялик ҳужумкор ярим ҳимоячи «Бавария»даги иккита ажойиб мавсумдан сўнг, Европа грандлари эътиборини тортади. «Барсалона» мутасаддилари биринчилардан бўлиб алоқага чиқишади. Улар Риберига катта маош белгиланган 3 йиллик шартнома таклиф этишади. Қаҳрамонимиз уларга: “«Барса»да ўйнаш катта шараф, лекин «Бавария» мен учун ҳамма нарса берди ва мен бу ерда бахтлиман", — деб жавоб қайтарган экан. Ҳозирда Рибери «Бавария»да деярли 12-мавсумини ўтказмоқда.
Давид Луиз
Давид Луиз эндигина «Челси» жамоасида кўриниш бераётган бир пайтда, каталонияликлар Карлес Пуйолнинг ўринбосарини қидириб юришган эди. Улар Давидга қизиқиб қолишади. «Челси» ва «Барса» раҳбарияти келишиб олишади, лекин Давид «Барса»га ўтишдан бош тортади. Кейинчалик «Барса» яна бир бор таклиф билан чиқади. Бу сафар Луиз пул учун «ПСЖ»га ўтиб кетади.
Алесандро Дел Пьеро
Дел Пьеронинг ўйин услуби, юқори техникаси худди "Барса" учун яратилгандек туюлса, ажаб эмас, аммо қаҳрамонимиз «Ювентус»нинг энг қийин кунларида жамоасини ёлғиз қолдирмайди. У «Б» серияга тушиб кетганда ҳам жамоасига содиқ қолди. Айнан ўша даврларда «Барселона» «Юве»дан Замброттани харид қилган эди. «Барса» музокараларга Замброттани ҳам аралаштирган экан. Дел Пьерони ҳеч ким кўндира олмайди. У қийин кунлар ўтиб кетгунига қадар жамоасида қолди. Келинг, тан олайлик, Дел Пьеронинг техникаси «Барселона»нинг ўйин услубини безаб берган бўлар эди.
Деннис Бергкамп
90-йилларнинг ўрталарида Голландия ички чемпионатида Деннис Беркамп чинакам юлдуз эди. У учун бир нечта клублар аёвсиз кураш бошлашади. Улар орасида Кройфнинг «Барселона»си ҳам бор эди. Бергкамп Кройфнинг чақирувига ҳам кўнмай, «Барса»нинг таклифидан бош тортади ва «Интер»га ўтиб кетади. Орадан 2 йил ўтгач, «Барселона» яна таклиф билан чиқади, «учмас голланд» эса бу сафар ҳам номаълум сабабларга кўра таклифдан бош тортади ва тез орада «Арсенал» жамоасига ўтиб кетади. Кейинчалик буни сабабини уларнинг ўйин услубини унча хушламаслиги билан изоҳлаган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
