Kataloniya superklubi o‘zining topqirligi va omadli transferlari bilan ko‘pchilikni hayron qoldirishda davom etmoqda, lekin yaqin o‘tmishda bir nechta futbolchilarni qo‘lga kiritish ularning ham qo‘lidan kelmagan ekan. Hozir shular haqida...
Frank Riberi
Fransiyalik hujumkor yarim himoyachi «Bavariya»dagi ikkita ajoyib mavsumdan so‘ng, Yevropa grandlari e’tiborini tortadi. «Barsalona» mutasaddilari birinchilardan bo‘lib aloqaga chiqishadi. Ular Riberiga katta maosh belgilangan 3 yillik shartnoma taklif etishadi. Qahramonimiz ularga: “«Barsa»da o‘ynash katta sharaf, lekin «Bavariya» men uchun hamma narsa berdi va men bu yerda baxtliman", — deb javob qaytargan ekan. Hozirda Riberi «Bavariya»da deyarli 12-mavsumini o‘tkazmoqda.
David Luiz
David Luiz endigina «Chelsi» jamoasida ko‘rinish berayotgan bir paytda, kataloniyaliklar Karles Puyolning o‘rinbosarini qidirib yurishgan edi. Ular Davidga qiziqib qolishadi. «Chelsi» va «Barsa» rahbariyati kelishib olishadi, lekin David «Barsa»ga o‘tishdan bosh tortadi. Keyinchalik «Barsa» yana bir bor taklif bilan chiqadi. Bu safar Luiz pul uchun «PSJ»ga o‘tib ketadi.
Alesandro Del Pyero
Del Pyeroning o‘yin uslubi, yuqori texnikasi xuddi "Barsa" uchun yaratilgandek tuyulsa, ajab emas, ammo qahramonimiz «Yuventus»ning eng qiyin kunlarida jamoasini yolg‘iz qoldirmaydi. U «B» seriyaga tushib ketganda ham jamoasiga sodiq qoldi. Aynan o‘sha davrlarda «Barselona» «Yuve»dan Zambrottani xarid qilgan edi. «Barsa» muzokaralarga Zambrottani ham aralashtirgan ekan. Del Pyeroni hech kim ko‘ndira olmaydi. U qiyin kunlar o‘tib ketguniga qadar jamoasida qoldi. Keling, tan olaylik, Del Pyeroning texnikasi «Barselona»ning o‘yin uslubini bezab bergan bo‘lar edi.
Dennis Bergkamp
90-yillarning o‘rtalarida Gollandiya ichki chempionatida Dennis Berkamp chinakam yulduz edi. U uchun bir nechta klublar ayovsiz kurash boshlashadi. Ular orasida Kroyfning «Barselona»si ham bor edi. Bergkamp Kroyfning chaqiruviga ham ko‘nmay, «Barsa»ning taklifidan bosh tortadi va «Inter»ga o‘tib ketadi. Oradan 2 yil o‘tgach, «Barselona» yana taklif bilan chiqadi, «uchmas golland» esa bu safar ham noma’lum sabablarga ko‘ra taklifdan bosh tortadi va tez orada «Arsenal» jamoasiga o‘tib ketadi. Keyinchalik buni sababini ularning o‘yin uslubini uncha xushlamasligi bilan izohlagan edi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
