АГМК клуби 2004 йилда Олмалиқ тоғ-металлургия комбинати томонидан ОТМК номи остида ташкил этилган. Клуб ўша йилдан эътиборан Ўзбекистон Биринчи лигасида қатнашишни бошлади ва дебют мавсумида олтинчи ўринни эгаллашга муваффақ бўлди. 2005 йилда 10-поғона, 2006 йилда эса чемпионатда 6-ўрин банд этилди.
2007 йил биринчи лига баҳсларини ижобий натижалар билан бошлаган жамоанинг иккинчи даврада бироз омади юришмади ва мавсумни 14-ўрин билан якунлади.
2008 йил олий лигада юзага келган баъзи ўзгаришлар сабаб, молиявий жиҳатдан элитада иштирок эта оладиган ОТМК махсус қарорга биноан кучлилар сафига киритилди. Жамоа дебют мавсумини ишончли ва мазмунли ўтказди. Олий лигада 11-ўрин билан якунлаган кончилар, мамлакат кубогида ярим финалга қадар етиб боришди.
2009 йилда клуб номини мухлислар истаги билан “Олмалиқ”га ўзгартирди. Шу йили Игорь Шквирин бошчилигада жамоа Олий лигада тўртинчи ўринни эгаллади ва бу натижа хозирги кунгача клубнинг чемпионатдаги энг баланд натижаси ҳисобанади.
2010-2011 йилларда таркибни асосан ёшлар билан тўлдирган Игорь Шквирин ўнинчи ва ўн биринчи ўринлар билан чекланган бўлсада, жамоа таркибида бир қатор футболчилар мамлакат терма жамоаларидан таклиф олишди. Носир Отақўзиев эса 13та гол билан 2010 йилда олий лига тўпурарлигини қўлга киритди.
2012 йилги мавсумда саккизинчи ўринни эгаллаган жамоа, кейинги йили бешинчи ўринга кўтарилди. 2014 ва 2015 йилларда “Олмалиқ” олтинчи ўринни эгаллади. 2016 йилда эса кутилмаганда 13 ўринни эгаллаб, 2017 йилда олти поғона кўтарилди.
2018 йил бошида клуб номи АГМК деб ўзгартирилди. Ортда қолган мавсумда олмалиқликлар Суперлигани ўнинчи ўринда тугатди. Диққатга сазовор жиҳати шундаки, 2018 йилда Олмалиқ шаҳри жамоаси ўз тарихида биринчи бор Ўзбекистон Кубогига эга чиқди. Жамоа Фарғона шаҳридаги “Истиқлол” ўйингоҳида кечган баҳсда “Пахтакор” устидан зафар қучиб, кубок соҳибига ва ОЧЛ-2019да қатнашиш учун йўлланма эгасига айланди.
Эришган ютуқлари
Ўзбекистон Кубоги соҳиби (2018)
ПФЛ Кубоги соҳиби (2013)
Жамоада тўп сурган машҳур футболчилар
Павел Харчик
Омар Бердиев
Назар Чолиев
Валерий Фомичёв
Евгений Гоголь
Алексей Жданов
Артурас Фоменко
Александр Алемпиевич
Шакер Зуаги
Жамоани бошқарган машҳур мураббийлар
Игорь Шквирин
Виктор Кумиков
Бахтиёр Ашурматов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
