AGMK klubi 2004 yilda Olmaliq tog‘-metallurgiya kombinati tomonidan OTMK nomi ostida tashkil etilgan. Klub o‘sha yildan e’tiboran O‘zbekiston Birinchi ligasida qatnashishni boshladi va debyut mavsumida oltinchi o‘rinni egallashga muvaffaq bo‘ldi. 2005 yilda 10-pog‘ona, 2006 yilda esa chempionatda 6-o‘rin band etildi.
2007 yil birinchi liga bahslarini ijobiy natijalar bilan boshlagan jamoaning ikkinchi davrada biroz omadi yurishmadi va mavsumni 14-o‘rin bilan yakunladi.
2008 yil oliy ligada yuzaga kelgan ba’zi o‘zgarishlar sabab, moliyaviy jihatdan elitada ishtirok eta oladigan OTMK maxsus qarorga binoan kuchlilar safiga kiritildi. Jamoa debyut mavsumini ishonchli va mazmunli o‘tkazdi. Oliy ligada 11-o‘rin bilan yakunlagan konchilar, mamlakat kubogida yarim finalga qadar etib borishdi.
2009 yilda klub nomini muxlislar istagi bilan “Olmaliq”ga o‘zgartirdi. Shu yili Igor Shkvirin boshchiligada jamoa Oliy ligada to‘rtinchi o‘rinni egalladi va bu natija xozirgi kungacha klubning chempionatdagi eng baland natijasi hisobanadi.
2010-2011 yillarda tarkibni asosan yoshlar bilan to‘ldirgan Igor Shkvirin o‘ninchi va o‘n birinchi o‘rinlar bilan cheklangan bo‘lsada, jamoa tarkibida bir qator futbolchilar mamlakat terma jamoalaridan taklif olishdi. Nosir Otaqo‘ziyev esa 13ta gol bilan 2010 yilda oliy liga to‘purarligini qo‘lga kiritdi.
2012 yilgi mavsumda sakkizinchi o‘rinni egallagan jamoa, keyingi yili beshinchi o‘ringa ko‘tarildi. 2014 va 2015 yillarda “Olmaliq” oltinchi o‘rinni egalladi. 2016 yilda esa kutilmaganda 13 o‘rinni egallab, 2017 yilda olti pog‘ona ko‘tarildi.
2018 yil boshida klub nomi AGMK deb o‘zgartirildi. Ortda qolgan mavsumda olmaliqliklar Superligani o‘ninchi o‘rinda tugatdi. Diqqatga sazovor jihati shundaki, 2018 yilda Olmaliq shahri jamoasi o‘z tarixida birinchi bor O‘zbekiston Kubogiga ega chiqdi. Jamoa Farg‘ona shahridagi “Istiqlol” o‘yingohida kechgan bahsda “Paxtakor” ustidan zafar quchib, kubok sohibiga va OCHL-2019da qatnashish uchun yo‘llanma egasiga aylandi.
Erishgan yutuqlari
O‘zbekiston Kubogi sohibi (2018)
PFL Kubogi sohibi (2013)
Jamoada to‘p surgan mashhur futbolchilar
Pavel Xarchik
Omar Berdiyev
Nazar Choliyev
Valeriy Fomichyov
Yevgeniy Gogol
Aleksey Jdanov
Arturas Fomenko
Aleksandr Alempiyevich
Shaker Zuagi
Jamoani boshqargan mashhur murabbiylar
Igor Shkvirin
Viktor Kumikov
Baxtiyor Ashurmatov
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
