Ҳадеб клубларнинг бадал пулларига қараб қолмай, ўз аравангни ўзинг торт деяпти одамлар. Улар тўғри айтайпти.
“Футбол+” дастурида чиқиш қилиб, Coca Cola берган таклиф Pespi таклифидан яхшироқ бўлди, аммо биз Pepsi’да қолдик дегандим. Ўртадаги фарқ катта бўлмагани учун вазият таваккал қилишга арзимасди.
Pepsi билан келишув оғзаки амалга ошди. Шартномалар расман 5 март куни имзоланиши керак эди. 4 март куни эса Coca Cola янги таклиф юборди. Энди компания Pepsi’дан яхшигина салмоқлироқ шартнома ушлаб турганди. ПФЛ юришни давом эттирди ва бирйўла Ўзбекистон кубоги учун ҳам Coca Cola билан келишувга эришди.
Ўз вақтида “МЮ” Nike ва Adidas’ни алмаштирган. Бу каби ўзгаришлар исталган футбол клуби ва исталган лига билан рўй берадиган ҳолат. ПФЛ ўз аравасини ўзи тортиш учун ҳаракат қиляпти. Бироқ шуни талаб қилаётган айрим одамлар энди “Футбол+” дастуридаги сўзлардан фойдаланяпти. "Пусть говорят", эвазига ташкилот ютяпти, шуниси муҳим.
ПФЛ имзолаб бўлинган шартномани бекор қилмади, бу биринчидан. Иккинчидан, ПФЛ шартнома борасида олдинга юриш қилди. Учинчидан, ПФЛ нафақат бадал пулларини оширмади, балки камайтириш йўлига ўтди.
Тўртинчидан, ПФЛ Суперлига клублари футболчиларини бепул суғурталаб беряпти. Бешинчидан, клублар бўйнида бўлган ҳакамлар, инспекторлар, комиссарлар ҳаражатини ҳам ПФЛ ўзига олди. Хулоса ўзингиздан.
Матнда хатолик топсангиз, ўша хатони белгилаб, бизга жўнатинг (Ctrl + Enter).