“Динамо” – “Навбаҳор” (2-2) учрашувидан кейинги матбуот анжуманининг иккинчи қисмида “Динамо” бош мураббийи Даврон Файзиев ва учрашувнинг энг яхши футболчиси деб топилган Сардор Эминов журналистлар саволларига жавоб қайтарди.
- Ўйин ҳақида қисқача тўхталадиган бўлсам, ўйин олдидан мен стандарт вазиятларда гол ўтказишимиздан қўрққандим ва шундай бўлди. Чунки наманганликлар сафида тажрибали футболчилар кўп. Бугун Суперлиганинг супер жамосига қарши муносиб ўйин кўрсатдик. Стадионга келган мухлислар афсусланишмади деб ўйлайман. Икки мураббий учун ҳам валидолли ўйин бўлди. Бугунги жанговор ўйиндан сўнг жамоам билан фахрланаман. Агар мендан сўрашса, фикримча биз икки очко йўқотдик. Ўйинга бўлган баҳони мухлис ва мутахассисларга қолдираман.
Дурангга қарамай, мавсумдаги энг яхши ўйинимиз бўлдими? Ҳа, яхши ўйин бўлди, лекин энг яхши ўйинларимиз ҳали олдинда. Асосийси биз ҳамма ўйинда мана шундай жанговор ҳаракат қилишимиз керак. Биз меҳмонда ҳам очко олишни бошлашимиз керак, уй жамоаси бўлишни истамайман.
Амиржон Сафаров «Пахтакор» билан ўйинда жароҳат олди ва у уч ҳафтага сафдан чиққан. Лекин ҳужумда муносиб футболчиларимиз бор: Шодиев, Баратов, Нурметов. Ҳужумчи асосийси вазятлардан фойдаланса бўлди. Унинг кимлиги муҳим эмас. Масалан, бугун менга рақиб ҳужумчиси Касьян жуда ёқди. У жой танлашни, гол ҳидини биладиган тажрибали форвард экан.
Қанот ҳимоячиларимиз кўп ҳужумга ўтишмади? Улар бизнинг кўрсатмаларимизни яхши бажаришди. Биз бугун рақибнинг ҳужумини кутиб қарши ҳужумда тўпни тезроқ ҳужум чизиғига етказиб беришимиз керак эди. Қанотда югуриб юришдан фойда йўқ. Уларнинг ҳужумга кўп қатнашмагани менинг кўрсатмам бўлди. Футболчиларимга эътирозим йўқ, улар яхши ўйнади. Бугун биз ўзимиз хоҳлаган ўйинни қилдик.
Дарвозабонларнинг ҳаммаси мен учун бир хил. Эшбўтаев ҳам, Эргашев ҳам яхши футболчи. «Пахтакор» билан ўйинда Ботирали ўйнаши мумкин эмасди, чунки у «Пахтакор» футболчиси ва келишувимизда шундай шарт бор.
Биринчи даврадан кейинги трансферлар? Селекция ишлари тўхтагани йўқ. Аммо, айтайлик катта трансферлар ёки баҳоси юқори футболчилар учун катта пул сарфлай олмаймиз. Масалан, биз Про-Лиганинг ўртамиёна клуби “Хоразм”дан таклиф этган Қадамбой Нурметов мана Самарқанддаги иккита ўйинимизда иккита муҳим гол уришга эришди. Шахсан ўзим Про-Лигадан унга ўхшаган шижоатли ёшларни имконқадар излашда давом этаяпман. Ўсишни истайдиган ёшларни топсам, таклиф этиб, имкон беришда давом этаман.
"Андижон" билан ўйин? Футболчиларга қисқа дам бериб, навбатдаги турга тайёргарлик кўришни бошлаймиз. Ҳеч бир ўйин осон кечмайди. Олдин айтган гапимни такрорлайман - биз таслим бўлмаймиз, охиригача курашамиз!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
