“Dinamo” – “Navbahor” (2-2) uchrashuvidan keyingi matbuot anjumanining ikkinchi qismida “Dinamo” bosh murabbiyi Davron Fayziyev va uchrashuvning eng yaxshi futbolchisi deb topilgan Sardor Eminov jurnalistlar savollariga javob qaytardi.
- O‘yin haqida qisqacha to‘xtaladigan bo‘lsam, o‘yin oldidan men standart vaziyatlarda gol o‘tkazishimizdan qo‘rqqandim va shunday bo‘ldi. Chunki namanganliklar safida tajribali futbolchilar ko‘p. Bugun Superliganing super jamosiga qarshi munosib o‘yin ko‘rsatdik. Stadionga kelgan muxlislar afsuslanishmadi deb o‘ylayman. Ikki murabbiy uchun ham validolli o‘yin bo‘ldi. Bugungi jangovor o‘yindan so‘ng jamoam bilan faxrlanaman. Agar mendan so‘rashsa, fikrimcha biz ikki ochko yo‘qotdik. O‘yinga bo‘lgan bahoni muxlis va mutaxassislarga qoldiraman.
Durangga qaramay, mavsumdagi eng yaxshi o‘yinimiz bo‘ldimi? Ha, yaxshi o‘yin bo‘ldi, lekin eng yaxshi o‘yinlarimiz hali oldinda. Asosiysi biz hamma o‘yinda mana shunday jangovor harakat qilishimiz kerak. Biz mehmonda ham ochko olishni boshlashimiz kerak, uy jamoasi bo‘lishni istamayman.
Amirjon Safarov «Paxtakor» bilan o‘yinda jarohat oldi va u uch haftaga safdan chiqqan. Lekin hujumda munosib futbolchilarimiz bor: Shodiyev, Baratov, Nurmetov. Hujumchi asosiysi vazyatlardan foydalansa bo‘ldi. Uning kimligi muhim emas. Masalan, bugun menga raqib hujumchisi Kasyan juda yoqdi. U joy tanlashni, gol hidini biladigan tajribali forvard ekan.
Qanot himoyachilarimiz ko‘p hujumga o‘tishmadi? Ular bizning ko‘rsatmalarimizni yaxshi bajarishdi. Biz bugun raqibning hujumini kutib qarshi hujumda to‘pni tezroq hujum chizig‘iga yetkazib berishimiz kerak edi. Qanotda yugurib yurishdan foyda yo‘q. Ularning hujumga ko‘p qatnashmagani mening ko‘rsatmam bo‘ldi. Futbolchilarimga e’tirozim yo‘q, ular yaxshi o‘ynadi. Bugun biz o‘zimiz xohlagan o‘yinni qildik.
Darvozabonlarning hammasi men uchun bir xil. Eshbo‘tayev ham, Ergashev ham yaxshi futbolchi. «Paxtakor» bilan o‘yinda Botirali o‘ynashi mumkin emasdi, chunki u «Paxtakor» futbolchisi va kelishuvimizda shunday shart bor.
Birinchi davradan keyingi transferlar? Seleksiya ishlari to‘xtagani yo‘q. Ammo, aytaylik katta transferlar yoki bahosi yuqori futbolchilar uchun katta pul sarflay olmaymiz. Masalan, biz Pro-Liganing o‘rtamiyona klubi “Xorazm”dan taklif etgan Qadamboy Nurmetov mana Samarqanddagi ikkita o‘yinimizda ikkita muhim gol urishga erishdi. Shaxsan o‘zim Pro-Ligadan unga o‘xshagan shijoatli yoshlarni imkonqadar izlashda davom etayapman. O‘sishni istaydigan yoshlarni topsam, taklif etib, imkon berishda davom etaman.
"Andijon" bilan o‘yin? Futbolchilarga qisqa dam berib, navbatdagi turga tayyorgarlik ko‘rishni boshlaymiz. Hech bir o‘yin oson kechmaydi. Oldin aytgan gapimni takrorlayman - biz taslim bo‘lmaymiz, oxirigacha kurashamiz!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
