Суперлиганинг 12-тури доирасидаги "Андижон" - АГМК учрашувидан кейин ташкил этилган матбуот анжуманида дастлаб меҳмонлар устози Миржалол Қосимов қатнашди.
- Бугун қизиқарли ва қийин ўйин бўлди. Олдин ҳам айтиб келганман Андижон охиригача курашадиган жамоа. Футбол шуниси билан қизиқ. Ўйинни ёмон бошламадик, аммо биринчи бўлим охирига келиб бироз жамоа устунликни бериб қўйди. Яна стандарт вазиятидан гол ўтказдик. Лекин шунга қарамасдан йигитлар ўзларида куч топа билишди ва яна гол уриб, ҳақли равишда ғалаба қозондик. Манимча, мухлисларга ҳам қизиқарли ўйин бўлди деб ўйлайман. Бу сафардаги илк ғалабамиз эди. Бугун бизга ғалаба сув ва ҳаводек зарур эди. Шунингдек қайтарман ҳали қиладиган ишлар кўп.
Бугун биринчи бўлимда Полвоновда гол уришидан ташқари яна иккита жудаям қулай имконият бўлди, аммо фойдалана олмади. Футбол шуниси билан қизиқ. Агар ҳужумчи имкониятлардан гол ура олмаса, футболчиларда барибир гол ўтказиб юбормаслик ҳақида фикр бўлади ва руҳан футболчилар қийналади. Агар биринчи голдан кейин тезроқ иккинчи голни урганида, кейинчалик хотиржамроқ ўйнашимиз мумкин эди. Футбол шунақа “Сан урмасанг, санга уришади”. Қайтараман биз бу ерга фақат ғалаба учун келгандик. Ортга йўл йўқ.
- “Андижон”да доим муваффақият қозонасиз, буни қандайдир сири борми?
(кулади) Буни ҳеч қандай сири йўқ. Бугун шунчаки омад бизга кулиб боқди. Ҳисоб 1:1 вазиятда "Андижон" гол урганида, ҳаммаси бошқачабўлиши мумкин эди. Шу учун ҳам футболни бекорга миллионлар ўйини дейишмасаса керак. Кутилмаган ҳодисалар кўп руй беради.
- Кетма-кет мағлубиятлардан сўнг ўз хоҳишингиз билан жамоадан кетмоқчи бўлгандингиз. Агар жамоа яна мағлубитяга учраса, истеъфо сўрашингиз мумкинми?
- Ҳамма нарса бўлиши мумкин. Истеъфо? Бу сизга қизиқми? Кетишим қизиқ-а. Агар жамоа ғалаба қозонаверса, ҳаммаси яхши. Агар жамоа сал оқсаланиб қолиб, ютқазаверса, унда мураббий айбдор. Учинчи йўл йўқ. Мен хўжакўрсин учун ишлайдиган мураббий эмасман. Ёки унақа, ёки бунақа. Агарда эплолмасам, мард бўлиб кетаман. Бундайн уяладиган жойим ҳам йуқ. Қаергадир боришдан олдин, қайтишни ҳам ўйлайман.
Исталган ишда барчада шундай. Шунчаки бизнинг соҳа оммабоп ўйин ва бизнинг иш оммада муҳокама қилинади. Ҳаётимизда барчаси шунақа. Албатта мухлислар доим ютуқни хоҳлайди., лекин нима бўлишини вақт кўрсатади. Эртага нима бўлади Худо билдаи. Биз ишлашда давом этамиз. Мухлисларни хурсанд қилиш, раҳбарларни кўнглини кўтариш учун ҳаракат қиламиз. Чунки улар бизга ишонч билдиришяпти.
- Сиз легионер танлашди кам хато қиладиган мураббийлардансиз, аммо бу сафар жамоага иккита Сербиядан легионер келди биринчи давра тугаяпти, бироқ улар ёрқин ўйин кўрсатмаяпти.
Бу ҳақида гапираман десам, тўғриси гап кўп. Бу ҳақида эрталабдан кечгача гапирса бўлади. Ҳақиқатдан ҳам мен доим уларни танлашда эҳтиёткор бўлиб, чертиб-чертиб олардим. Юозорга борсангиз қовун олганда бемалол чертиб, текшириб оласизку, тўғрими? Агар шошаётган бўсангиз, тезда чертмасдан олиб кетаверасиз . Аммо вақт тиғизлиги туфайли текшириб олишга имкон бўлмади. Шунингдек кимгадир ишондим, видеорўликларга алдандим. Аниқ айтаман бу менинг 200% айбим. Бундан кейин чертмасдан олмайман.
- АГМКнинг вазифаси нима? Жамоа олдига қандай мақсадлар қўйилган?
Жамоанинг вазифа ҳар бир ўйинда ғалаба учун курашиш ва мухлисларни хурсанд қилиш.
- Биринчи давра тугашига 1та тур қолди. Жамоа танаффусда селекция ишларини қай даража олиб боради ?
Шу нарса ҳақида бош қотираётган эдик. Авваллари биринчи ва иккинчи давра оралиғида қандайдир вақт бўларди. Ҳозир эса 2 ҳафта муддат бор. Футболчиларга ҳордиқ чиқариш учун фурсат берилади. Янги футболчиларни текшириб олиш учун имконият кам. Бошқа жамоаларда ўйнаётган футболчиларни таклиф этиш нияти бор, аммо уларни ҳам ўз жамоаларида шартномалари бор.
Ҳозирги кунда футболчилар биринчи шартнома, кейин ўйнайман дейишга ўрганиб олишган. Бир томонлама. Футболчилар эса ҳозир шартнома имзолаб олади, кейин эса ўйнайди ёки йўқ. Нимадир бўлса эса федерацияга ёзишни ўрганиб олишган. Бизларни вақтимизда бундай нарсалар йўқ бўлган. Биз ўйнаган вақтда федерацияга ёзиш нималигини билмасдик.Фақатгина имзо қўярдик. Ҳозирги кунда эса футболчиларнинг федерацияга ёзиши одатга айланиб қолди. Футболчи ҳам имзоланган шартномани оқлаши керак-ку. Эркак кишида лафз деган нарса бўлиши керак. Одамларда бет деган нарса ҳам бўлиши керакда”, -дея Миржалол Қосимов сўзларини келтиради Stadion.uz мухбири Жалолиддин Қобилжонов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
