Трансфер бозоридаги шов-шувли хабарлар кўпайганидан кўпаймоқда. Ҳозир эътиборингизга кунинг энг муҳим трансфер воқеалари акс этган мақолани тақдим этамиз.
«Рома» юлдузини олиб қолмоқчи эмас
«Рома» клубининг италиялик ҳужумчиси Стефан Эл Шаарави жамоани тарк этишга қарор қилди. Энг қизиғИ шундакиб футболчининг кейинги манзили ХИтой клуби саналадиган «Шанхай Шенхуа» жамоаси бўлиши кутилмоқда. «II Tempo» нашрининг хабар беришича , Чин юрти вакиллари футболчи учун 18 миллион евро таклиф қилишмоқда. Бундан ташқари Хитой клуби ҳужумчининг маоши борасида ҳам ажойиб таклиф билдирган. Унга кўра Стефан йилига 13 миллион евро маош олади. Бу унинг ҳозирги маошидан 4 баробар кўпроқ дегани.
Эслатиб ўтамиз, Стефан Эл Шаарави якунланган мавсумда 28 бор майдонга тушди ва 11 бор рақиблари дарвозасини ишғол қилди. Бундан ташқари унинг ҳисобида 6 та голли узатма ҳам мавжуд.
«Реал Мадрид» футболчиси АПЛга ўтишга яқин турибди
«Қироллик клуби» футболчиси саналадиган Дани Себалос фаолиятини АПЛда давом этириши мумкин. «Le Gazzeta della sport» нашрининг хабар беришича, футболчи учун Лондоннинг «Арсенал» клуби жиддий қизиқиш билдирмоқда. Эмири Себалосни жамоани тарк этиши кутилаётган Торрейранинг ўрнини босишини тахмин қилмоқда. Торрейра янги мавсумни катта эҳтимол билан «А церийа» клубларидан бирида бошлаши ҳақида бундан бироз аввалроқ хабар берган эдик. 22 ёшли футболчининг ўзи клубда қолишни истамоқда. «Реал Мадрид» жамоаси «Арсенал»нинг таклифини атрофлича ўйлаб кўриш учун бироз вақт олди.
Пепе «Ливерпуль»га керак эмас
«Ливерпул» клуби «Лилль» жамоаси ҳужумчиси Николя Пепени сотиб олиш нийяти йўқ эканлигини расман эълон қилди. Бу маълумот интернетда пайдо бўлгач, футболчининг агенти бу хабарни ўзи тарқатганини эълон қилди. У шу йўсинда ўз мижозига бўлган қизиқишни янада оммалаштирмоқчи бўлган деб хабар бермоқда «АC» нашри.
«Ливерпул» клуби ўз мухлисларига расмий баёнот билан чиқди ва Ивуарлик футболчи билан «қизиллар» умуман алоқа қилмаганини такидлади. Сўнгра клубнинг трансфер ойнасидаги асосий мақсади жамоани тўлиқ таркибда сақлаб қолиш эканлигини эълон қилди.
«Ювентус» Погбани қўлга киритиш учун яширин қуролни ишга солмоқчи!
Франциялик футболчи «Адидас» брендининг юзи саналишидан хабарингиз бор. Турин супер клуби ҳам айнан шу бренд билан ҳамкорлик қилиб келмоқда. «Ювентус» Погбанинг трансфери амалга ошиши учун «Адидас» брендини ишга солмоқчи дея хабар бермоқда «Corriera della sport»
Ҳозирча «Адидас» қай йўсинда футболчини «Юве» томонга оғдиришга ҳаракат қилиши номалум, бироқ «Кекса Сениора» ҳамкорининг ёрдамидан умид қилмоқда. Воқеалар ривожини кузатишда давом этамиз.
«Барселона» ҳимоячи изламоқда
«Манчестер Юнайтед» клуби ҳимоячиси саналадиган шведсиялик Линделофнинг ўз сафига қўшиб олишни истаётган «Барселона» рад жавобини олди. Католония клуби Де Лигтни қўлга кирита олмагач, бор эътиборини Виктор Линделофни қаратган эди. «Қизил иблислар» эса «Барса»нинг таклифини қатъиян рад этди ва музокарлар учун ҳеч қандай имкон қолдирмади.
Эслатиб ўтамиз, Швециялик ҳимоячиси 2017-йилда «Манчестер Юнайтед» сафига 35 миллион евро эвазига «Бенфика» клубидан ўтган эди.
«Лестер» ҳимоячиси учун кураш бошланмоқда
«Тулкилар» ҳимоячиси Харри Магуаер учун кураш жиддий тус олмоқда. Ҳозирда футболчи учун Манчестер шаҳрининг бир йўла икки клуби кураш олиб бормоқда. Икки клуб ҳам «Лестер» клубига ҳимоячи учун 65 миллион фунт таклиф этишган бўлсада, «тулкилар» ўз ўйиничисини 80 миллиондан камига қўйиб юбормоқчи эмас. Агарда бу трансфер амалга ошадиган бўлса, «Лестер» ҳимоячининг ўрнини «Бернли» клуби футболчиси саналадиган Джеймс Тарковски билан тўлдирмқочи. Агарда Магуаернинг трансфери амлага ошадиган бўлса, «Лестер» дарҳол Тарковскийни ўз сафига қўшиб олиш ишларини бошлаб юборади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
