Ушбу рукндаги энг сўнгги янгиликлар билан таништириб боришда давом этамиз.
«Арсенал» «Олимпиякос» футболчисини нишонга олди
Лондон клуби бу йилги мавсумда трансферлар учун катта маблағ ажратмаганидан хабарингиз бор. Жамоа эндиликда Грециянинг «Олимпиякос» клуби ҳимоячиси Папи Абу Сиссе борасида музокараларни бошлаш арафасида турибди.
“Клуб ўз иш услубини тубдан ўзгартириб, «Тоттенҳем» сингари сиёсат юритишни бошламоқчи”,- деб хабар бермоқда «Даил Маилй» нашри.
23 ёшлик сенегаллик футболчининг трансфер нархи 10 миллион еврога баҳоланмоқда. «Арсенал» клуби Лоран Коселни ва Мустафини ўрнини боса оладиган иқтидорли футболчи изламоқда. Номдор ҳимоячиларни ҳарид қилиш учун эса жамоа бюджетида маблағ йўқ. Шу сабабли «тўпчилар» ўртамиёна футболчилар ёрдамида топ клуб номини ушлаб қолиш ниятида
«Ливерпулm» Коутиниони ортга қайтармоқчи
Ангилия клуби «Барселона» жамоаси ярим ҳимоячиси Коутиниони ортга қайтариш борасида илк ҳаракатларни бошлади. Унга кўра, «қизиллар» «Барселона» футболчисини 2 мавсумга сотиб олиш шарти билан ижарага олиш ниятида. Унга кўра 2 йилдан сўнг «Барселона» ўз футболчиси учун 88 миллион фунт стерлинг олади.
Бундай таклиф «Барса»ни мутлоқ қониқтирмади ва жамоа раҳбаралри «ПСЖ»нинг таклифини кутишмоқда. Агарда «ПСЖ» футболчи учун 100 миллион евро тўласа, Коутино Парижга йўл олади. Ҳозирча бразилиялик футболчи учун бошқа таклифлар йўқ.
«Бавария» Санедан воз кечди
Мюнҳен клуби «Ман Сити» ҳужумчиси Лерой Сане борасида «шаҳарликлар»га бир неча бор таклиф жўнатган бўлсада, ўз ниятига ета олмаганидан хабарингиз бор. Шу кунларда икки томон ўртасида футболчининг келажаги борасида якуний суҳбат бўлиб ўтди. Унга кўра, германиялик футболчи учун «Бавария» 100 миллион фунт стерлинг тўлай олса, расмий музокаралар бошланиши эълон қилинди.
Воқеалар ривожининг бундай тус олишини кутмаган «Бавария» мутасаддилари Сане трансферидан воз кечди. Клуб матбуот хизмати эса жамоанинг асосий трансфер нишони дея Ҳудсон Одои ва Янник Караскони расман эълон қилди.
8 – августгача
«Манчестер Юнайтед» Погба борасида ўзининг якуний қарорини эълон қилди. Унга кўра, франциялик футболчини сотиб олишни истаган клублар 8 – августга қадар улгуришлари зарур. Акс холда жамоа футбочини ундан сўнг сотмайди.
Гап шундаки, АПЛда 8 – август трансфер ойнасининг сўнгги куни ҳисобланади. Агарда белгиланган санадан сўнг футболчи сотилса, унинг ўрнини боса оладиган бошқа футболчини рўйхатдан ўтказишнинг иложи йўқ. Шу сабаб «қизил иблислар» ўз футболчисини ҳарид қилишни истаган клублар 8 - августга қадар улгуриб қолиши керак эканлигини расман эълон қилди.
Шунингдек, «клуб Погбанинг якуний нархини эълон қилди. Унга кўра амалдаги жаҳон чампионини қўлга киритишни истаган клуб 150 миллион фунт стерлингни баҳридан ўтиши зарур», – деб хабар бермоқда «Миррор» нашри.
Маълумот учун, ўз вақтида «Реал Мадрид» 2012-йилда Лука Модрични 27 – август санасида харид қилган бўлса, орадан бир йил ўтиб 31 август куни Гарет Бейлни сотиб олган эди. Оқибатда «Тоттенҳем» мавсум давомида жуда қийин аҳволда қолганини кўп бор ОАВ орқали баён қилган эди.
Куарежма АПЛда тўп суришдан бош тортди
Португалиялик футболчи билан «Вулверхемптон» клуби жиддий қизиқиб қолганига қарамасдан, Рикардо Куражма ўз жамоасида қолишни афзал кўрди. Маълумотларга қараганда футболчи учун инглизлар молиявий қулай шартнома таклиф қилишган бўлсада, 35 ёшлик футболчи яна бир мавсум Туркияда қолишни истаган.
Футболчини ўз сафида кўришни истаган бир нечта клублар давралар оралигида футболчини текинга қўлга киритишга уриниб кўришади. Улар орасида Шветсария, Португалия ва Италия клублари мавжуд.
Почетино Эриксон борасида баёнот берди
«Тоттенҳем» клубининг аргентиналик устози футболчининг келажаги борасида ўз фикрлари билан ўртоқлашди.
“Умид қилманки, у биз билан қолади. Кристиан ажойиб футболчи. У дунёдаги энг иқтидорли ўйинчилар сирасига киради. У билан бирга 5 йилдан бери меҳнат қилиб келяпмиз. Мен уни яхши биламан. У албатта янги шартномага қўл қўяди. Мен фақат умид қила оламан. Унга бўлган қизиқиш катта бўлгани учун олдиндан ҳеч нарса дея олмайман. Ҳозирда у борасида тушган таклифларни кўриб чиқяпмиз. Эриксон биз билан қолса, бундан бошим осмонга етган бўлар эди, лекин афуски уни қолади деб айта олмайман
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
