Ушбу рукндаги энг сўнгги маълумотлар билан таништиришда давом этамиз
«Тоттенҳем» трансфер бозорида фаоллашди
Куни кеча ўз қанот ҳимоячисини «Атлетико Мадрид»га сотган «Тоттенҳем» клуби унинг ўрнига бошқа футболчини нишонга олди.
«Шпорлар»нинг эътиборни «Рома» клуби ҳимоячиси Алессандро Фолорензига қаратишган. Ҳозирда «Рома» жамоси устози билан келиша олмаётган италиялик футболчи бошқа жамоада тўп суриш иштиёқида ёнмоқда. Боз устига, «Тоттенҳем» клуби мавсум олдидан савияли қанот ҳимоячисини сотиб олмаса, ҳимояда муаммолар туғилиши турган гап. «Икки клуб ўртасидаги музокаралар тез орада старт олади», - деб хабар тарқатмоқда «Миррор» нашри.
«Барселона» давом этади
«Барселона» клуби трансфер бозорида қандай қилиб бўлсада пул ишлашга ҳаракат қилмоқда. Улар бу йилги трансферлар чоғида футболчи сотиш борасида рекордларини янгилашлари мумкин. Гап шундаки, «Барселона» яқиндагина «Эйбар» клубидан 4 миллион еврога ҳарид қилинган Марк Кукуреляни сотувга қўйди. Уни қўлга киритишни истаётган клублар 10 миллион евро тўлашлари шарт. Шундай бўлсада, футболчи учун икки клуб жиддий кураш олиб бормоқда. Улардан бири «Милан» бўлса, иккинчи «Боруссия Дортмунд» клуби.
«Барселона» ўз футболчисини сотиш орқали ўз трансфер нишонини кескин ўзгартирмоқчи. «Барса» «Бетис» клуби ҳимоячиси Хуниор Фирпо билан музокаралар олиб бороқда. Улар футболчини Хорди Албанинг ўринбосари сифатида кўришмоқда.
«Реал Мадрид» ва Погба сериали давом этади
Шу кунларда «қироллик клуби» жамоанинг янги харидлари борасида келишувга эришди. Унга Пол Погба сотиб олинадиган бўлди. Энди франциялик футболчининг трнасфери амалга ошиши учун «қаймоқранглилар» Бейл, Себалос, Иско, Хамесни сотиб юборади. Ундан тушган пулларга эса Погабанинг трансфери амалга оширилади. «Клуб сифатли ярим ҳимоячига жуда муҳтож бўлгани ва шахсан Зиданнинг илтимосига кўра ушбу қарорга келинди», - деб хабар бермоқда «Марcа» нашри
Неймар кариерасини давом эттириши мумкин бўлган клублар номини айтди
«Мундо Депортиво» нашри тарқатган хабарларга қараганда, бразилиялик футболчи ҳар қандай ҳолатда ҳам жамоада қолмайди ва у агенти билан 3 та клуб вариянтини кўриб чиқмоқда. Агарда футболчини «Барселона» харид қилмаса, Неймарнинг келажаги Туриннинг «Ювентус» клуби билан боғланиши мумкин. Гап шундаки, унинг отаси ва клуб раҳбарияти бир неча кунлардан бери учрашувлар ўтказмоқда. Футболчининг ўзи ҳам Италияда тўп суриш орқали бўлсада ЙЧЛда ғолиб чиқишни ният қилмоқда.
Футболчи учун 3 – вариянт сифати унинг агенти Германиянинг «Бавария» клубини тавсия этган. Манба тарқатган хабарларга кўра, Мюнҳен клуби раҳбарлари футболчи билан бир неча бор яширин учрашган ва уни ўз клубига чорлаган. Шунчаки футболчининг жуда юқори тавон пули сабабли бу трансфер кечроқ амалга ошиши мумкин.
«Милан» футболчисига «АПЛ»дан таклифлар мавжуд
Италиянинг «Милан» жамоаси ярим ҳимоячиси Френк Кессие ўз фаолиятини АПЛда давом эттиришга жуда яқин турибди. Ҳозирда унга бир неча АПЛ клублари қизиқиш билдирмоқда. «Милан» раҳбарияти фил суяги юртидан бўлган футболчининг трансфери ортида 40 миллион евро ишлаб олишни мақсад қилга. Ҳозирда футболчи учун «Тоттенҳем», «Вест Ҳем» ва «Эвертон» клублари расмий таклиф билан чиққан.
«Милан» Кессиенинг ўрнини «Эмполи» клуби футболчиси Исмоил Беннасир билан тўлдиришни ният қилган.
«Барселона» бразилиялик футболчини текинга қўлга киритмоқчи
Бразилиянинг «Сантос» клуби футболчиси Таилсон «Барселона» футболчисига айланиши мумкин. Гап шундаки, 20 ёшли футболчи клуби билан янги шартнома тузишни истамаган ва «Барселона» клуби агентлари билан учрашиб ўз келажагини тўлиқ ҳал қилган. Агарда томонлар тўлиқ келишувга эришса, Таилсон янги жамоасидаги илк мавсумнинг яримини иккинчи жамоа сафида ўтказади. Бундан ташқари унинг клуб билан тузадиган шартномасида қўшимча бандлар бўлиб, бу футболчи учун ўзини кўрсатишга имкон беради.
«Сантос» клубининг устози Хорхе Сампаоли футболчини жамоада салқаб қолиш учун қанчалар урунмасин Таилсон тезроқ Европага кетиш ишқида ёнмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Нефтчи
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
