Ушбу рукндаги сўнгги янгиликлар билан таништиришда давом этамиз.
Конселу Манчестер шахрига йўл олади
Туриннинг «Ювентус» жамоаси футболчиси Конселу ўз фаолиятини «Манчестер Сити»да давом эттириши аниқ бўлиб улгурди. Футболчи ва унинг агенти португалияликнинг «Ман Сити»га ўтиши юз фоиз аниқ бўлганини, икки клуб ўзаро келишиб олишса бўлганини расман эълон қилди.
Томонлар ҳозирда музокаларни ўтказмоқда. «Юве» ўз футболчисини 50 миллион евродан камига сотмоқчи эмас. "Шахарликлар" эса, ушбу сумманинг каттароқ қисмини бонус тариқасида бермоқчи.
Эслатиб ўтамиз, Конселу ўтган мавсумда 25 та учрашувда иштирок этди ва 5 бор голли узатмани амалга оширди. Шунингдек, унинг ҳисобида 1 та ассист мавжуд.
«Барселона» Ракитич борасида қарор қабул қилди
"Дон Балон" нашри тарқатган хабарларга қараганда, «Барселона» ўз футболчисини 50 миллион евро эвазига қўйиб юборишга рози бўлган.
Ҳозирда Рактич билан «Манчестер Юнайтед» жамоаси қизиб қолди. Гап шундаки, «қизил иблислар» Пол Погба жамоадан кетса, айнан Ракитични харид қилишни режалаштиришмоқда. Шуниндег футболчига бир нечта хитой клубларидан ҳам таклифлар мавжуд.
Хорватиялик футболчининг ўзи яна бир ёки икки мавсум бўлсада, Европада тўп суришни истамоқда. Унинг «Барселона» билан тузган шартномаси 2021 – йилда ўз якунига етади.
«Вест Ҳем» футболчиси грандлар нигоҳида
Ангилиянинг «Вест Ҳем» жамоаси ҳимоячиси Исса Диоп АПЛ грандлари эътибор марказида турибди деб хабар тарқатмоқда «Ле10спорт» нашри. Франциялик футболчининг ҳизматлари билан «Арсенал» ва «Манчестер Юнайтед» жамоалари қизиқб қолишган.
Трансфер ойнаси очилиши билан «қизил иблислар» футболчи учун унинг клубига 55 миллион евро ва Фил Джонсни таклиф этишган бўлсада, рад жавобини олишган эди. Гап шундаки, «Вест Ҳем» ўз ҳимоячисини 80 миллиондан камига қўйиб юбормоқчи эмас.
Эслатиб ўтамиз, 22 ёшлик ҳимоячи ўтган мавсумда 33 та учрашувда майдонга тушиб бир бор гол киритишга муваффақ бўлди.
«Арсенал» Ҳедирага шартнома таклиф қилди
Лондоннинг «Арсенал» жамоаси «Ювентус» клуби ярим ҳимоячиси Сами Ҳедирага 2 йиллик шартнома таклиф этди.
Шундай бўлсада, германиялик футболчи бу таклифга рози бўлишга шошилмаяпти. Гап шундаки, «Арсенал» футболчига ҳафтасига 70 минг евро маош таклиф қилмоқда. Ҳедира эса, Турин клубида каттароқ маош олади. Шу сабабли футболчи «Арсенал» томонидан таклиф қилган шартномага ҳозирча қўл қўйгани йўқ.
Футболчининг турин клуби билан тузган шартномаси ҳали ўз якунига етмаган бўлсада, «Ювентус» Ҳедирани текинга қўйиб юборишга тайёр. Сабаби, жамоа Ҳедирага тўланаётган маошни янги келган футболчиларга беришни режа қилмоқда.
ЦСКА ва «Спартак» трансфер нишонини бой бермоқда
Трансфер ойнаси очилиши билан Россиянинг икки гранд клублари «Интер» жамоаси ҳужумчиси Пушкаш учун курашга киришган эди.
«Интер» клубининг расмий сайти тарқатган хабарларга қараганда, 23 ёшлик футболчи франциянинг «Сент – Этьен» жамоасига ўтишга яқин. Руминаялик футболчи борасида кечаётган музокаралар катта эҳтимол билан ижобий якунланадиган кўринади. «Интер» иқтидорли футболчини қайта сотиб олиш шарти билангина қўйиб юборишга рози бўлмоқчи.
Эслатиб ўтамиз, бундан бир ҳафта илгари Москванинг икки клуби Пушкаш борасида «Интер» жамоасига таклиф жўнатган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
