7 cентабр куни UFC чемиони Ҳабиб Нурмагамедов Дастин Порьега қарши октагонга чиқишидан хабарингиз бор. Ушбу спорт тури билан қизиқувчан футболчилар ўз ижтимоий тармоқларида жангни катта қизиқиш билан кутишаётганини яшириб ўтиришмаябди. Бундан ташқари, айрим нашрлар машхур футболчиларга айнан шу масаласида савол билан юзланишга ҳам улгурди. Бугун ушбу жангда футболчилар кимга мухлислик қилишларини билиб қизиқиб кўрдик.
Златан Ибраҳимович
Мен учун Ҳабиб 1-рақамли жангчи! У янги чемпион ва у Макгрегорни янчиб ташлаган спортчи! Бруклинда бўлиб ўтган жангда у рақибини ҳар раундда ерга улоқтиришни уддасидан чиққанини унутмаслик керак. Ўша жангда Ҳабиб нақадар кучли спортчи эканлигини ҳаммага кўрсатиб қўйди. Унда греплинг ва кураш спортининг уйғунлиги мавжуд. Мен бу жангда Ҳабиб рақибини ер билан битта қилиб ташлашини томоша қилишимга шубҳам йўқ.
Виржил ван Дейк
Мен UFC ни доиммо кузатиб бораман. Футболдан сўнг мен учун энг яқин бўлган спорт тури бўлгани учун Ҳабиб ва Порье ўртасидаги бахсни катта қизиқиш билан кутяпман. Тан олишим лозим, менга кўпроқ Порье ёқади. Мен унинг жанг ҳақидаги сўзларини эшитдим. Унга кўра, у Ҳабибни мағлуб қилмоқчи. Эшитилиши ғалати бўлсада, унутмаслик лозим! Доиммо ғалаба қозоношнинг иложи йўқ. Мағлубиятдан қочиб бўлмайди. Эртами-кечмииш бу иш амалга ошади.
Луиш Фигу
Катта футболдан кетгач, UFCга ўхшаш тадбирларда тез-тез иштирок эта бошладим. Ана шундай тадбирлардан бирида мен Ҳабиб билан танишдим. Бир қарашда унинг яхши инсон эканлигини сезиш қийин эмас. Ҳабиб учун биринчи навбатда ор-номус туради. Пул Ҳабиб учун энг сўнгги ўриндаги омил! Бундай спортчилар ҳозир жуда-жуда кам учрамоқда! Жанг борасида Ҳабибнинг ғалаба қозонишига шубҳам йўқ. Америкалик спортчи қанчалар кучли бўлмасин, Ҳабиб партерда исталган жангчини зарарсизлантира олади. Мен бу жангни томоша қилиш учун Абу-Дабига боришни режалаштиряпман. Бу жангда Ҳабиб яққол фоворит.
Роналду
Мен Ҳабибни доиммо қўллаб-қувватлайман. Бу айни ҳақиқат. «Реал Мадрид»да тўп суриб юрган даврларимда у менинг ўйинимга ташриф буюрган эди. Биз бироз мулоқот қилдик ва бир-биримизга совғалар ҳадя этдик. Мен уни ҳурмат қиламан ва UFCга жиддий кўз билан қарайман. UFC жангчиларининг жисмоний тайёргалиги қолган спорт турларидан анча илгарилаб кетгани ҳеч кимга сир эмас. 7-cентабр куни Ҳабибга мухлислик қиламан. Ўйлашимча жангда Ҳабиб ғолиб чиқади, бироқ бу Конор билан бўлган жанг каби осон ўтмаслиги аниқ. Дастин узоқ муддат тайёргарлик олиб борди ва у максимум натижа учун жангга чиқади. Минг афсуски, жангни бевосита Абу-Дабида томоша қила олмайман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
