«Барселона»да кутилмаганда янги ёш юлдуз пайдо бўлди. Ёзда ҳеч ким бундай бўлишини кутмаганди. Айни дамда Ансу Фати — мавсум кашфиёти. Қуйида африкалик ёш юлдуз ҳақида маълумот берамиз…
Ансу Фати 2019 йилнинг 25 августида «Бетис»га қарши ўйинда майдонга тушди — бу унинг «Барселона»даги дебюти эди. У 78-дақиқада захирадан ўйинга қўшилди. Бу билан эса ўзининг дастлабки рекордини ўрнатди. Яъни Фати охирги 78 йил ичида «Барселона» сафида майдонга тушган энг ёш футболчига айланди. 25 августда эса 16 ёшу 298 кунлик эди.
Фатининг биринчи голи кўп куттирмади. «Осасуна»га қарши ўйинда меҳмонда қанотдан узатилган тўпни боши билан рақиб дарвозасига жуда чиройли тарзда жойлаб қўйди. Бу уни «Барселона» тарихидаги энг ёш тўпурарга айлантирди. Олдинги рекорд Боян Кркичга тегишли эди. Ла Лигада Фати бу борада Икер Муньяин («Атлетик») ҳамда Фабрис Олинга («Сельта»)дан кейинги ўринда туради.
«МЎЪЖИЗА»НИНГ ТУҒИЛИШИ
Ансу Фати Гвинея-Бисауда туғилган ва 6 йилдан кейин оиласи Севильядан 120 км узоқликдаги ҳудудга кўчиб келган. Фати айнан Андалуз клубида футбол билан жиддий шуғулланишни бошлаган. 10 ёшида эса «Барселона»га кўчиб ўтган. Бир йилдан кейин акаси Браим ҳам футболга кириб келади. Аммо унинг фаолияти Фатиники каби омадли бошланмаган, у айни дамда «Калаорре» клубида. Фатининг укаси Мигель эса «Барса»нинг ёшлар клуби сафида ўйнамоқда
«РЕАЛ»НИ РАД ЭТГАН
Ансу «Реал»га ўтиши мумкин эди. Отаси Бориснинг хотирлашича, Мадрид клуби вакиллари улар билан кўп бор учрашган ва кўндиришга уринишган. Шу маҳалда эса «Барселона» скаутлари пайдо бўлишган. «Улар кўпроқ ҳурмат-эътибор кўрсатишди. Уйимизга келишди ва қизиқарлироқ таклиф билан чиқишди», дейди Борис Фати. Ҳал қилувчи омил эса машҳур «Ла Масия»да ўқиш бўлди.
Шу пайтда 9 яшар футболчи атрофидаги дастлабки можаро юзага келди. «Барселона» билан келишувдан хабар топган «Севилья» спорт директори Рамон Мончи бундан ғазабланди. У мазкур келишув одамгарчиликка тўғри келмаслигини ва «Севилья» қизиқроқ таклиф билдиришини айтди. Томонлар келиша олишмагач эса Андалус клуби ёш футболчини дисквалификация қилди. Аммо бу Фатининг фойдасига ишлади, яъни унинг «Барселона»га ўтиши тезлашди.
Ансу Фатинингўйин услуби қандай? Айнан шу нарса "Барселона" бош мураббийи Эрнесто Вальвердени ўзига жалб қилади: "Фати рақибини аросатда қолдириб кета оладиган ўйинчи, у жуда тезкор ва битта футболчини бемалол алдаб кета олади». Бундан ташқари, Ансу кучли зарбаси билан ажралиб туради, у вазиятни яхши ҳис қилади ва тўпни жамоадошига қачон узатиш кераклигини билади. Кузатувчилар ҳар қандай вазиятда ўзини эркин ҳис қиладиган, нима қилиш кераклигини доимо тушунадиган ушбу футболчининг ҳаракатлари уйғунлиги ва барқарорлигини қайд этишади.
Биринчи устози Ансу Фатига шундай таъриф берган: «Мен 50 йил давомида бундай футболчини кўрмаганман. У ажойиб характер эгаси, ҳеч кимдан қўрқмайди». «Барселона»нинг собиқ аъзоси Виктор Вальдес эса «Фатига эркинлик бериш керак, уни ҳеч қандай қолипга солиш тўғри эмас. Фати ўзи учун керак бўлган муҳитни ўзи яратиши керак. У марварид», дея таърифлайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сурхон
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
