Яқиндагина «Картавий Футбол» канали блогери Никита Ковалчук Москвада меҳмон бўлиб турган афсонавий Роналдо билан учрашишга ва кичик интервью ташкилласштиришга муваффақ бўлди. Ушбу суҳбатни эътиборингизга тақдим этамиз.
Бизнинг ёшлик давримизда, кўчадаги барча болаларнинг футболкасида сизнинг исмингиз ёзилган эди. Орадан йиллар ўтган бўлсада, сизни ҳеч ким унутгани йўқ. Сизнинг қайси жиҳатингиз сабабли футбол мухлислари айнан сизни қўмсашади?
Менимча футбол ҳалолликни севучи спорт тури бўлгани боис, уни томоша қилувчилар сони жуда кўп. Замонавий ҳаётимиздаги муаммолар майдонда мавжуд эмас. Балки, шу сабабли инсонлар футбол томоша қилишни яхши кўришса керак. Менинг қолган футболчилардан ортиғ ҳеч қандай ҳислатим йўқ, лекин яна билмадим (кулади)
Сиз «Интер» ва «Милан»да тўп сурибгина қолмай, «Барселона» ва «Реал Мадрид» клублари шарафини ҳимоя қилган бўлсангиз ҳам, клуб мухлислари ҳеч қачон сизни танқид қилишмаган. Бунинг сири нимада?
Фаолиятим мобайнида бирор маротаба бундай тўсиққа учрамаганимдан жуда хурсандман. Мен тўп сурган клублар майдонда кўрсатган ўйинларимдан келиб чиқиб мени ҳақимда фикр билдиришган. Улар мени ҳурмат қилишар, намойиш этаётган футболим туфайли доиммо ардоқлашар эди. Айниқса Милан шахри жамоалари мухлислари мени бирдек қўллаб-қувватлаб туришар, ҳеч қачон мени ҳуштаклар билан кутиб олишмаган.
Роналдо футболчилик шоғида нимадан қўрқар эди?
Тўғриси, жисмоний машғулотларни сира ёқтирмас эдим. Ҳозирда футболчилар асосан яка тартибда машғулотлар ўтказишга ўрганиб қолишган. Бизнинг давримизда жисмоний машғулотлар жамоа билан амалга оширар, ўзига юклатилган юкламаларни бажармаган футболчилар қаттиқ танқид остига олинар эди. Ҳар куни 10 км масофани югуриб босиб ўтишни тасаввур қиляпсизми?
Авваллари сиз, Инзаги, Шевченко, Анри сигари кучли марказий ҳужумчилар мавжуд эди. Ҳозирда Марказий ҳужумчиларнинг футболда тутган ўрни ўзгариб кетдими ёки савияли марказий ҳужумчилар йўқми?
Афсуски, ҳозирда бизнинг давримизга келиб топ даражадаги футболчилар сони кескин камайиб кетди. Сиз ҳозир эслаб ўтган футболчилар менинг давримда ҳужум чизиғининг ўзи дахшатли рақобат хосил қилишган эди. Ҳозирга келиб бутун футбол оламида Роналду ва Месси ўртасидагина рақобат мавжуд. Қолган футболчилар уларнинг даражасига яқин ҳам кела олмаяпти. Уларнинг кучли ўйини сабабли марказий ҳимоячилар ортда ўйнашга мажбур бўлишмоқда
Неймарни ўзингизнинг издошингиз деб ҳисоблайсизми?
У бизнинг келажагимиз. Неймар ўз фаолияти сўнггига қадар Бразилия учун Мундиал ғолиблигини тақдим эта олишига шубҳам йўқ.
Мураббий жамоанинг ўйинига қанчалар таъсир ўтказади? Сиз билан ишлаган энг кучли мураббий деб ким алоҳида қайд этасиз?
Албатта, мураббийлар ўз услуби билан нафақат ўйинга, балки бутун бошли клубга ўз таъсирини ўтказа олади.
Ўз фаолиятим давомида кўплаб кучли мураббийлар билан ишлаган бўлсамда, улар орасидан энг кучли учтасини эътироф этган бўлар эдим. Загала менинг ёшлигимдаги фаолиятимнинг илк қисмида катта кўмак берган бўлса, Висенте Дел Боске инсон сифатида улғайишимда тутган ўрни беқиёс. Шунингдек, Карло Анчелотти ҳақида ҳам илиқ сўзлар айтишим мумкин.
Ҳозирда «Лион» жамоаси ярим ҳимоячи Мемфис Депайнинг маоши ҳам сизнинг «Интер» ёки «Барселона»да олган маошингизникидан катта. Футболнинг катта бизнесга айланиб кетишига қандай қарайсиз?
Футболга бундай кўз билан қараш нотўгри. Футбол оламида минглаб футболчилар мавжуд бўлсада, уларнинг жуда кам қисми ўз иши учун катта маош олишади. Афсуски, ўйинчилар футбол сферасида энг кам пул топадиган инсонлар саналади. Ушбу спортдаги энг катта пуллар майдон четидаги инсонлар томонидан ишлаб топилади. Афсуски, мухлислар доиммо футболчиларнинг қанча маош олишини билишадию, уларнинг соясида фантастик даромад оладиган инсонлар ҳақида ҳеч қандай маълумотга эга эмас.
Сиз ўз вақтида дунёнинг энг кучли ҳужумчиси, энг кучли футболчиси, барча замоналардаги энг кучли ҳужумчи деб эътироф этилгансиз. Шундай бўлсада, сиздаги "олтин тўп"лар сони Леонель Мессиникидан кам?
Агарда Месси ва Роналдуга рақобат ҳосил қила оладиган футболчилар бўлганида улар бу қадар кўп «Олтин тўп»ни ютмаган бўлишар эди. Тўғри, улар иқтидорли йигитлар, лекин рақобат бўлганида барчаси ўзгача кўрниш олиши аниқ эди.
Ўз ҳаётидаги энг муҳим учрашувига тайёрланаётган футболчиларга қандай маслаҳат берган бўлар эдингиз?
Ҳеч қандай ўзгача кўрсатма мавжуд эмас. Футболчи узоқ кутган ўйинига тайёргалик кўриши ва ўзини руҳан тетик ҳис этиши лозим. Шунингдек, ортиқча ўй ҳаййоларни бир четга суриб футболдан лаззат олишни органмоқ лозим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
