Кўплаб гранд жамоалар ўз келажакларини таъминлаш мақсадида иқтидорли футболчиларни эртароқ харид қилишни авзал билишади. Албатта, футболчи танилиб кетишидан олдин уни қўлга киритиш ҳар тарафлама клублар учун ноқулайликлар туғдиради. Бугун замонив футбол оламида тез орада гранд клублардан бирида кўриниш бериши кутилаётган янги номлар ҳақида маълумотларни тақдим этамиз.
Кай Ҳаверц
Ўзининг 20 ёшида «Баер»нинг чинакам етакчисига айланган иқтидор эгаси ҳозирда «Бавария»нинг биринчи рақамдаги нишони эканлиги ҳеч кимга сир эмас. Ўтган мавсумда 17 та гол киритиб Миҳайил Баллакнинг рекордини 19 ёшида йўққа чиқаришни уддалаган ярим ҳимоячи ҳозирда Бундеслиганинг энг иқтидорли футболчилардан бири бўлиб турибди. Айниқса, жамоа постига Петер Бошнинг келиши футболчи янги даражага кўтарилишга муваффақ бўлди.
Кай Бош қўл остида янда ҳужумга яқинроқ ўйнашни бошлади ва сермаҳсуллиги янада ошди. Баланд бўйли, жисмонан бақувват бўлган Ҳавертснинг тезлигини ҳам алоҳида қайд этиб ўтиш лозим. Фантастик мавсумдан сўнг, «Баер» Манчестер Юнайтед, «Ливерпул», «Барселона» сингари жамоалардан қизиқарли таклифлар олган бўлсада, ЙЧЛдаги иштироки туфайли ўз тинейджерини сотишдан бош тортди. Ҳозирда Германия терма жамоасига мунтазам равишда жалб этилаётган қаҳрамонимиз узоғИ билан яна бир мавсум «Баер»да қолиши мумкин. Ундан кўп эмас.
Микель Ойарсабаль
Якунлаган трансфер ойнаси чоғида Гвардиола томонидан Лерой Саненинг ўрнини эгаллаши кутилган футболчининг келажаги порлоқ эканлигига ҳеч ким шубҳа қилмаса керак. Микел яққол кўзга ташланиб турувчи устунликка эга бўлмасада, футбол майдонида чинакам рассомга айлана олади. Рақиб жарима майдонида эркин ҳаракат қиладиган футболчининг ўйини жамоанинг ҳужум темпини белгилаб берибгина қолмай, жамоадошлари учун бош зоналар яратишда жуда қўл келади. Шуниндек, у исталган дақиқада қанот ярим ҳимоячисига айланиши ва қанотдан бошланган ҳужумларни майдон марказига осонлик билан кўчира олади. Бир қарашда вингердек кўрингани билан Микел аслида «классик 10-рақам» саналади.
Қаҳрамонимиз ўтган мавсумда 13 та гол ва 4 та голли узатмани амалга оширди ва ҳозирча ўзининг сермаҳсул мавсумини ўтказишга муваффақ бўлди.
«Реал Сосьедат»нинг янги топилмаси яқин орада жамоани тарк этмаса керак. Гап шундаки, Ойрасабел яқиндагина клуб билан тузган шартномасини 2024-йилга қадар узайтирди ва клуб унинг тавон пулини 75 миллион еврога кўтариб қўйди. Бундан ташқари, Микел ўз фаолиятини фақатгина «Реал Сосьедад»да давом эттиришни ва аянан шу клуб рамзига айланишни олдига мақсад қилиб қўйганини бир неча бор таъкидлаб ўтди. Воқеялар ривожини кузатамиз.
Сандро Танали
Ташқи кўриниши ва ўйин услуби борасида Андрея Пирлони эслатиб юборувчи иқтидорли футболчи 16 ёшидаёқ Италияда танилиб улгурган эди. «Брешия» жамоаси билан «А церийа»га чиқишни уддалаган қаҳрамонимизнинг ўйинида пасайиш кузатилиши таҳмин қилинган эди, бироқ ҳаммаси тамомила ўзгача кўриниш олди…
Пирло сингари таянч зонасидан ҳужумларни бошлаб берувчи режжиста вазифасини бажжарувчи ярим ҳимоячи нафақат майдонни яхши кўра олади, балки ўйинни ҳам ўқий олиш қобилиятига эга. Шунингдек, у ижросидаги стандартлар ҳам ўта ҳавфли. Қисқача қилиб атганда иккинчи Пирло!
Ўтган мавсумда Италия грандларидан тушган таклифни ўз хоҳиши билан рад этган Тонали барчасига зинама-зина эришиб боришни авзал билмоқда. Манчини томонидан терма жамоага таклиф этилган 19 ёшлик футболчи ҳозирча барчасини тўғри амалга иширмоқда.
Эдуардо Камавинга
«Рен» жамоаси сафида ПСЖга қарши август ойидаги ўйини билан шахсан Мендеш ва Раёла сингари машхур футбол агентларининг эътиборини қозонган Анголалик вундеркинд ҳақида тўхталиб ўтмасликнинг иложи йўқ. Камавинга таянч ярим ҳимоячиси бўлсада, ўйин давомида бир неча бор рейдларни амалга ошириши керакли паллада марказий ҳимоячига айлана оладиган даражада универсал футболчи. Эндигина 19 ёшни қарши олган Эдуардо «Рен»нинг етакчиларидан бирига айланибгина қолмай, тез орада Франция терма жамоасидан таклиф олишга яқин турибди. Шу ўринда айтиб ўтиш лозим, бу Камавинганинг юқори темпда ўтказаётган биринчи мавсуми ва у ушбу темпни ҳеч бўлмаса мавсум сўнггига қадар ушлаб қолиши талаб этилади. Ана шундагина, биз уни кейинг мавсумда бирор бир топ клубда кўришимиз мумкин.
Дониэлл Мален
Голландия терма жамоаси сафида ўзининг дебют учрашувидаёқ Германия дарвозасига ғалаба тўпини киритган 20 ёшли ҳужумчи ушбу рўйхатни якунлаб беради.
Юқорида номи зикр қилинган футболчилардан фарқли ўлароқ, Мален бир мавсум давомида «Арсенал»да тўп суришга улгурган. Шуни айтиш жоизки, футболчини «Арсенал»га шахсан Венгер таклиф қилган ва унинг келажакда клуб етакчиларидан бири бўлишини таҳмин қилган эди. Афсуски, Венгернинг истеъфосидан сўнг, қаҳрамонимиз ўз юртига қайтишга қарор қилди ва «ПСВ»да барчасини қайта бошлади. Ҳозирча унинг ишлари чакки эмас. Мелен ҳужумда чинакам универсал. Уни Голландияда иккинчи Депай деб аташмоқда. Дарҳақиқат, Мален икки оёқда ҳам кучли зарбага эга ва жуда тезкор. У қанотда ҳам, марказий ҳужумда ҳам бирдек жамоаси учун фойдали. Ҳозирда футболчининг агенти саналадиган Мино Райола ўз мижози учун қулай вариянтларни кўриб чиқишга тайёр эканлигини билдирган. Италиялик агентнинг айтишича, футболчи учун «Ливерпуль» ва «Милан» жамоалари қизиқиш билдираётган бўлсада, Маленнинг кейинг бекати катта эҳтимол билан «А серия» жамоаларидан бири бўлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
