Андрей Канчельскис: «Ўзбекистон чемпионати Қозоғистонникидан устун»
«Навбаҳор» клуби бош мураббийи Андрей Канчельскис Ўзбекистон чемпионати савияси борасида ўз фикрларини билдириб ўтди.
"Ўйлашимча, савия борасида Қозоғистон чемпионати билан рақобатлаша олади. Лекин, ўзим кўрган ҳолат бўйича фикр билдирадиган бўлсам, ўзбек футболи Қозоғистонникидан устун. Аммо ҳали қилинадиган ишлар кўп. Ўзбекистон жуда секинлик билан бўлса-да ривожланмоқда. Аввал бу ёпиқ давлат бўлган. Ўзбекистонга кириб-чиқиш осон эмас эди. Футболда коррупция авж олган эди. Ҳозир эса вазият ўзгарди. Лекин ҳамон муаммолар қалашиб ётибди.
Муаммолар стадионлар, майдонлар ва ташкилий ишлар билан боғлиқ. Қор ёққани туфайли залда шуғулландик. Натижада икки кунлик тўлақонли машғулотни йўқотдик. Тез орада Туркияга йўл оламиз. Йўқотилганларни тиклаб олишга ҳаракат қиламиз. Умуман олганда, Ўзбекистон чемпионати савияси ёмон эмас", — деди Канчельскис.
Манба: sports.ru
Киритилди: 15:22, 23.01.2020. Ўқилди: 6376 марта. Фикрлар: 15 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).