Stadion.uz футбол оламидаги коронавирус билан боғлиқ янгиликлар билан таништиришда давом этади.
Маццола фаол бўлишга чақирмоқда
Италиянинг «Интер» жамоасининг афсонавий футболчиси Сандро Маццола барча футболчиларни ушбу вирусга қарши курашишга чақирмоқда. Собиқ футболчининг айтишича, барча футболчилари ушбу вирусга қарши кураш учун ўз маблағлари билан ёрдам беришлари керак.
“А серия футболчилари ҳар ойда миллионлаб евро даромад олишмоқда. Агар шу пулларнинг ҳеч бўлмаса 3 фоизини вирусга қарши курашга сарфлашса, бу катта наф бериши мумкин. Айни дамда улар ўз маошларининг ҳеч бўлмаса ярмидан воз кечишлари керак. Шу йўсинда ўз клублари кўраётган зарарларнинг бир қисмини кўтаришган бўлади”, — дейди собиқ футболчи “Tuttosport” нашри учун берган интервьюсида.
РФС янги қарор қабул қилди
Россия футбол раҳбарлари эндиликда барча мажлисларни видеоэфирда олиб борадиган бўлди. Бу ҳақида “База” нашри маълум қилган. Манба берган хабарларга қараганда, барча мажлис ва учрашувлар эндиликда “скайп” иловасида амалга оширилади.
Эслатиб ўтамиз, аввалроқ РФСда фаолият олиб бораётган Давид Берговнинг коронавирус билан оғригани ҳақидаги хабар билан таништирган эдик.
АПЛдан янги қарор
“Тhe Times” нашри берган хабарларга қараганда, АПЛнинг қолган учрашувларига ёши етмишдан ўтган мухлислар киритилмаслиги мумкин. Бунга қарияларнинг коронавирус юқтириб олишининг хавфи катталиги сабаб бўлмоқда.
Энг қизиғи шундаки, агар бу қарор қабул қилинса, “Кристал Пэлас” мураббийи – Рой Хожсон (унинг ёши 72 да) ўз ишидан озод этилиши мумкин.
Ҳакамлар
УEФА барча италиялик ҳакамларни Европа лигаси ва Европа чемпионлар лигаси мусобақаларида ишлашларини маън этди. Шу йўсинда УEФА вируснинг Европага тарқалиш эҳтимолини камайтиришга қарор қилган. Бу қарорга Италия футбол федерацияси ҳеч қандай эътироз билдиргани йўқ.
Эслатиб ўтамиз, айни дамда Италия Хитойдан кейинги ўринда коранавирус ўчоғига айланиб бормоқда.
РПЛдан янги қарор
РПЛ раҳбарлари ҳам футбол учрашувлари бошидаги “қўл билан сўрашиш”ни маън этиши мумкин. Бу ҳақида РПЛнинг расмий сайти маълум қилган.
Қайд этиб ўтиш жоиз, аввалроқ АПЛ шу услубни тадбиқ қилган эди. Эндиликда Европанинг бир йўла 10 та чемпионатида шу услубдан фойдаланилмоқда. РПЛ ҳам тез орада кескин қарорлар қабул қилиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
