Таниқли The Guardian нашри ёзда “Манчестер Сити”ни тарк этиши аниқ бўлиб улгурган футболчилар рўйхатини эълон қилди. Stadion.uz ушбу футболчилар билан бирма-бир таништириб ўтади.
Бу мавсумда “Манчестер Сити” ўзининг асосий рақобатчиси “Ливерпул”дан АПЛ пойгасида анча ортда қолиб кетди. Шунга қарамай, “шаҳарликлар” таркибнинг умумий қиймати 1 миллиардан ошган кучли 5 та клубдан бири саналади. Айни дамда, “Манчестер Сити” ўз футболчиларининг маошини қисқартирмаган кам сонли клублардан бири бўлиб турибди. The Guardian нашри берган хабарларга таянган холда, ёзда жамоани тарк этиши деярли ҳал бўлиб улгурган 6 футболчи билан таништириб ўтамиз.
Клаудио Браво
“Барселона” клубидан 4 йил аввал сотиб олинган дарвозабон ҳақида кўпчилик унутиб ҳам юборган бўлса, ажаб эмас. Қаҳрамонимиз шахсан Гвардиоланинг талаби билан сотиб олинган, бироқ бир нечта омадсиз учрашувлардан сўнг, четга суриб ташланган эди. “Шаҳарликлар” Эдерсонни сотиб олгач, Браво тўлиқлигича иккинчи планга ўтиб кетди.
Браво ва “Манчестер Сити” ўртасидаги шартнома яқинлашиб келаётган ёзда ўз якунига етиши кутилмоқда. Катта эҳтимол билан, Бравонинг кейинги манзили “Ню-йорк Сити” бўлиши кутилмоқда. Гап шундаки, МЛС клуби ҳам “Манчестер Сити” эгаларига қарашли бўлиб, у ерда чилилик посбонга етарлича ўйин амалиёти тақдим этилиши кўзда тутилган.
Кайл Уокер
Аслида, Кайл Гвардиоланинг ўйин услубидаги энг муҳим фигуралардан бири эди. Тезкор, универсал ва чаққон ҳимоячи тез орада жамоа билан янги шартнома имзолаш борасида музкораларга киришиши керак бир пайтда, у карантин қоидаларини жуда қўпол тарзда бузди. Афсуски, унинг ахлоқсизлик билан амалга оширган иши туфайли клуб имиджи кескин тушиб кетди. Манбанинг берган хабарларга кўра, клуб қанот ҳимоячисини сотиб юборишга қарор қилган. Айни дамда ПСЖ ва “Бавария” клублари Уокерни қўлга киритишга уруниб кўриши таҳмин қилинмоқда.
Жоау Конселу
Ёзда Англияни тарк этишга жуда яқин турган яна бир ҳимоячи билан танишинг. Жоау Конселу “Ювентус”дан “Манчестер Сити”га ўтган чоғида, ўз позициясида дунёнинг энг кучли футболчиси эди. Афсуски, Туманли албион уни “қабул қилмади”. Конселуга Пеп Гвардиола етарлича ўйин амалиётини тақдим этган бўлишига қарамай, футболчи контактларга бой агрессив чемпионатга мослашиб кета олмади. Оқибатда, рақобатни бой бериб қўйди.
Эндиликда, “шаҳарликлар” Конселуни “Барселона” қанот ҳимоячиси Нелсон Самеду билан айрбошлашни режалаштиришмоқда. Бундан ташқари, клуб “кўк-анорранглилар”дан 15 миллион евро қўшимча пул ҳам ундирмоқчи. Ҳозирча бу трансфернинг амалга ошиши борасида аниқ фактлар кам, бироқ Конселунинг клубни тарк этиши деярли аниқ бўлиб улгурган.
Давид Силва
Ўтган мавсум сўнггидаёқ Силва “Манчестер Сити”дан кетишини барчага маълум қилиб улгурган эди. Шу сабабли, клуб унга шартнома таклиф қилиб ўтирмади. Аслида, мавсум сўнггида, “шаҳарликлар” Силва учун хайрлашув кечасини уюштириб беришлари керак эди, бироқ юзага келган вазият сабабли энди бу иш амалга ошмаслиги мумкин.
Гвардиола ҳам футболчини қўйиб юборишга тайёр эканлигини расман эълон қилишга улгурди. Маълумоталарга қараганда, Силва фаолиятини собиқ клуби “Валенсия” ёки МЛСнинг “Интер Маями” жамоаларидан бирида давом эттиради.
Лерой Сане
“Манчестер Сити” чап қанот ҳужумида Стерлинг ва Лерой Сане сингар жуда кучли ижрочилар жам бўлган. Боз устиган, Пеп келаси мавсумда яна камида иккита вингер излашни скаутларга юклаганидан хабарингиз бор. Шу сабабли, “шаҳарликлар” ёзда Санени 100 миллион евро эвазига сотиб юборишга қарши эмас. Бу сумма ёзда коронавирус сабабли яна камайиши мумкин.
Футболчи билан “Бавария” қизиқиш билдираётгани ҳеч кимга сир эмас. “Bild” нашри берган хабарларга қараганда, Мюнҳен клуби Санени сотиб олиш мақсадида Коутинонинг трансферидан воз кечган. Ҳозирча, Саненинг ўзи ҳам Германия қайтишга қарши эмас. Боз устига, “Манчестер Сити”нинг чемпионшипга тушиб кетиш ҳавфи борлиги Санени “Бавария”га ўтиб кетишини тезлаштириб юбориши мумкин.
Серҳио Агуеро
Бу вариянт устида узоқ баҳслашиш мумкин. Аргентиналик футболчи клуб тарихидаги энг яхши тўпурар эканлигига қарамай, Британия нашри ёзда унинг ҳам бошқа клубга ўтишини деярли аниқ факт деб эълон қилди.
Манбада ёзилишича, клуб Серҳионинг клуб учун қилган ҳизматлари сабабли узоқ муддат катта мусобақалардан четда қолишини истамаяпти. Шу сабабли, уни истаган клубига қўйиб юбориши мумкин. Футболчининг ўзи ҳам ЕЧЛда зафар қучиш орзусини амалга ошириш учун “Манчестер Сити”ни тарк этишга ҳам рози бўлиши аниқ. Клуб жамоа афсонаси билан профессионал тарзда хайрлашишга тайёр эканлигини расман тасдиқлаб бўлди. Барчаси УEФАнинг якуний қарорига боғлиқ. Агар “Сити” “бир қават” пастга туширилса, Кун Агуэро жамоани биринчилардан бўлиб тарк этувчи футболчига айланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ал-Ғарафа
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
