Италия чемпионатининг 33-туридан ўрин олган "Сассуоло" - "Ювентус" ўйини қизиқарли бўлиши кутилганди. Учрашув кутилганидан ҳам аъло даражада чиқди.
Баҳснинг дастлабки 12 дақиқаси ичида туринликлар 2та гол уриб, гўёки ўйин тақдирини ҳал қилиб қўйгандек кўринганди. Аммо мезбонлар ўйин назоратини ўз томонларига оғдириб, кетма-кет хавфли уюштира бошлашди. "Юве" посбони Войцех Шчесни биринчи бўлимда 3та муқаррар голдан жамоасини қутқарди. Шунга қарамай, "Сассуоло" танаффусга қадар 1та жавоб тўпини киритишга муваффақ бўлди.
Иккинчи бўлим бошида эса дастлаб Берарди жарима зарбасидан ажойиб гол урган бўлса, орадан 3 дақиқа ўтиб Капуто майдон эгаларини олдинга олиб чиқди.
Табиийки, бу ҳисоб "Ювентус"ни қониқтирмайди. Баҳснинг 64-дақиқасида бурчакдан етказилган узатмани Алекс Сандро бош билан "Сассуоло" дарвозасига жойлаб, мувозанатни тиклади.
Криштиану Роналду бу сафар майдонни голсиз тарк этди. Ваҳоланки, ўйин давомида гол уриш учун унда бир нечта имкониятлар бўлган эди. Рақиб ҳимоячилари ва дарвозабони португалиялик футболчи зарба берган пайтда яхши ҳаракат қилишди.
"Сассуоло" эса баҳс сўнгида ғалабани илиб кетиши мумкин эди. Шчесни 2та қийин зарбани қайтаришга муваффақ бўлди. Бу жамоанинг мағлубиятсиз ўйинлар серияси 7тага етди.
Шу тариқа, "Ювентус" кетма-кет учинчи ўйинда ғалаба қозона олмаяпти. Жамоа бахтига таъқибчилар ҳам очко йўқотишмоқда. 20 июль куни "Ювентус" - "Лацио" жанги бизни кутиб турибди.
Италия чемпионати, 33-тур
Сассуоло – Ювентус 3:3 (1:2, 2:1)
Голлар: 0:1 – 5 Данило, 0:2 – 12 Игуаин, 1:2 – 29 Журичич, 2:2 – 51 Берарди, 3:2 – 54 Капуто, 3:3 – 64 Алекс Сандро.
Сассуоло – Консильи, Мюльдюр, Кирикеш (Марлон, 75), Пелузо, Кирьякопулос, Журичич (Траоре, 67), Локателли, Маньянелли (Бурабия, 67), Бога (Распадори, 86), Берарди (Феррари, 86), Капуто.
Ювентус – Шченсни, Данило, Кьеллини (Ругани, 46), де Лигт, Алекс Сандро, Бентанкур, Матюиди (Рэмзи, 81), Пьянич (Рабьо, 57), Бернардески (Дуглас Коста, 62), Игуаин (Дибала, 57), Роналду.
Огоҳлантиришлар: Маньянелли (42), Бернардески (45), Кирьякопулос (53), Берарди (58), Роналду (62), Бонуччи (81), Бурабия (90), Рэмзи (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
