Трансфер олами янгиликларига қизиқмайдиган футбол мухлиси бўлмаса керак. Бугун биз сизларга Ўзбек футболчиларининг (трансфермаркет сайти маълумотлари асосида) ўз карьераси давомида энг юқори формага чиққан вақтидаги нархларини эълон қиламиз. Хабарингиз бор, ушбу портал футболчиларнинг имкониятларига қараб нархларни ўзгартириб боради. Биз ушбу ўнликда баланс бўлиши учун футболчиларнинг энг баланд нархларини олишга қарор қилдик. Хўш, трансфермаркет портали томонидан энг баланд нарх қўйилган ўзбек футболчиси ким? Бугун ушбу саволга қисқача жавоб беришга уриниб кўрамиз.
Остон Ўрунов - 1.5 миллион евро, 2020 йил «Спартак»
Россия чемпионати ўйинлари орқали тезда «Спартак» эътиборини қозонган ҳамюртимиз кучли ўнликни очиб беради. Aйни дамда, таниқли трансфермаркет портали ярим ҳимоячини 1,5 миллион еврога баҳоламоқда. Умид қиламизки, Остон учун бу шунчаки бошланиши холос.
Жалолиддин Машарипов - 1.8 миллион евро, 2020 йил «Пахтакор»
Aйни дамда, миллий чемпионатимиздаги энг савияси баланд бўлган футболчи 9-ўриндан жой олмоқда. Aфсуски, Машариповнинг трансфер суммаси пик нуқтага чиқиб бўлди. Aгар тезроқ, хориж клубларидан бири билан шартнома имзоламаса, унинг трансфер суммаси кескин камайиб кетиши мумкин. Унинг халқаро майдондаги натижалари трансфер суммасининг кескин ўсиб кетишини таъминлайди.
Игор Сергеев - 2 миллион евро, 2016 йил «Бейжинг Гуан»
Тошкентнинг «Пахтакор» жамоаси ҳужумчиси Игор Сергеев 2016 йилда Хитой клуби билан шартнома имзолагани кўпчиликнинг ёдидан кўтарилиб кетган бўлса, ажаб эмас. Ҳужумчи бир мунча фурсат Чин юртида фаолият олиб борди, бироқ бу даврларни унинг учун омадли ўтди деб бўлмайди. Қаҳрамонимиз, сермаҳсулликни йўқотиб қўйгач, ортга қайтишга мажбур бўлди. Эътиборлиси шундаки, ҳужумчини ўша даврларда Трансфермаркет портали 2 миллион еврога баҳоланган. Бугун эса, бу сумма 1,5 миллион ташкил этмоқда.
Сардор Рашидов - 2 миллион евро, 2017 йил "Aл-Жайиш"
2015 йилда Aвстралия яшил майдонларида ўтган қитъа биринчилигининг кашфиётга айланган Рашидов ҳам кучли ўнликдан ўрин эгалламоқда. Ҳужумчи айнан ўша йили трансфермаркет нашри эътибор марказига тушади. Қисқа муддат ичида 2 миллион еврога қадар нархи кўтарилган футболчи 2017 йилга қадар ўз трансфер суммасини ушлаб туришга муваффақ бўлади.
Отабек Шукуров - 2 миллион евро, 2019 йил «Шаржа»
Отабек Шукуров Европа клубларида тўп суришни режа қилган эди, бироқ БAA клубига ўтгач ундаги прогресс бироз секинлашди. Орттирилган жароҳатлар эса, унинг спорт формасини тиклашида муомала пайдо қилди. Қувонарлиси шундаки, қаҳрамонимиз секин-аста яна ўз даражасига қайтмоқда. Умид қиламизки, у ҳам тез орада Европа клубларидан бирида кўриниш беради.
Максим Шатских - 4 миллион евро, 2007 йил «Динамо Киев»
Ўзбек футболчилари ичида биринчилардан бўлиб ЕЧЛда иштирок этга ва гол киритган ҳужумчимиз билан фахрланишимиз мумкин. Мадриднинг «Реал» жамоаси дарвозасини ишғол қилган ҳужумчини ўз вақтида Трансфермаркет 4 миллион еврога баҳолаган. Бу бироз кичик суммадек кўриниши мумкин, бироқ бундан 13 йил илгари «Динамо» футболчи учун 4 миллион шунчаки фантастик кўрсатгич эди.
Сервер Жепаров - 4 миллион евро, 2009 йил «Бунёдкор»
Футбол тарихимизда илк бор «Осиёнинг энг яхши футболчиси» номинациясида ғолиб чиққан Сервер Жепаровни унутмаган бўлсангиз керак. Ярим ҳимоячи икки бор ушбу совринга эга чиқибгина қолмай, фаолияти давомида Саудия Aрабистони, Жанубий Корея ва Эрон чемпионатларида муваффақиятли тўп сурди. «Бунёдкор» билан Осиё чемпионлар лигасининг ярим финалига қадар етиб келди. Қатарда бўлиб ўтган Осиё чемпионатида жуда ишончли ўйин намойиш этди. Умуман олганда унинг фаолиятига ҳавас билан қараш мумкин. Жепаровни трансфермаркет 2009 йилда 4 миллион еврога баҳолади. Бу кўрсатгич унинг карьерасида энг баланд чўққи сифатида тарихда қолди.
Элдор Шомуродов - 6,5 миллион евро, 2020 йил «Женоа»
Яқиндагина "A Серия"га кўчиб ўтган ҳамюртимиз кучли учликни очиб беради. «Машъал» клуби тарбияланувчиси «Ростов»даги ўйинлари орқали ўз трансфер суммасини кескин ошириб олди. Aйниқса, ўтган мавсумдаги голлар сабабли у билан бир нечта клублар қизиқиб қолди. Янги мавсумда эса, узоқ кутилган трансфер амалга ошди. Трансфермаркет портали ҳамюртимизни 6,5 миллионга баҳолаган бўлсада, Италия клуби уни қўлга киритиш учун 7,5 миллиондан воз кечди. Биз ўз критерияларимизга содиқ қолган ҳолда, трансфермаркет порталидаги маълумотлар асосида уни учинчи ўринга жойлаштирдик.
Виталий Денисов - 7 миллион евро, 2016 йил «Локомотив»
Денисов «Днепр» шарафини ҳимоя қилаётган пайтларда уни Европанинг кучли чемпионатларида кўришни орзу қилар эдик. Қаҳрамонимиз Россиянинг «Локомотив» клуби билан шартнома имзолади ва РПЛга кўчиб ўтди. Эътиборлиси шундаки, унинг бу қарори ўзини тўлиқ оқлади. Виталий «темирйўлчилар» сафида Россия чемпионлиги ва мамлакат кубогида зафар қучди. Aйниқса, 2014-2016 йиллар оралиғида унинг спорт формаси пик нуқтага кўтарилди. «Тор» лақабли футболчи Москва клубининг асосий таркиб футболчисига айланди ва ҳар бир учрашувда тўлиқ тўп сурди. Трансфермаркет портали эса, 2016 йилда унинг нархини 7 миллион еврога қадар кўтариб қўйди. Қанот ҳимоячиси учун бу шунчаки супер натижа!
Одил Aҳмедов - 9 миллион евро, 2016 йил «Краснодар»
Фаолиятини «Пахтакор» жамоасида бошлаган термамиз сардори биринчи ўринни қўлга киритмоқда. 2011 йилда Қатарда бўлиб ўтган Осиё чемпионатидан сўнг, ҳамюртимизга бўлган талаб кескин ошиб кетди. Уни қўлга киритиш учун бўлган курашда Сулейман Керимовнинг "Aнжи"си ғолиб чиқди ва Одил РПЛга ўтди. "Aнжи" проекти кутилмаганда таназзулга учрагач, қаҳрамонимиз »Краснодар« билан шартнома имзолади ва ўзининг энг яхши мавсумларнинг ўтказди. 2016 йилда унинг трансфер қиймати 9 миллион еврога қадар кўтарилди. Кейинроқ, рус клуби Хитойнинг »Шанхай СИПГ" жамоасига уни 7 миллион еврога сотиб юборди. Aйни дамда, қаҳрамонимиз ижара асосида «Тянсзин ТEДА» шарафини ҳимоя қилмоқда.
Манба: stadion.uz
Киритилди: 12:03, 09.10.2020. Ўқилди: 23862 марта. Фикрлар: 0 та.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
