Stadion.uz Каталония супер клубида юзага келаётган вазият ҳақида атрофлича фикр аламашади.
Хосеп Бартамеу «Барселона» Европа супер лигасида тўп суришга қарор қилганини маълум қилди ва ўз менежерлари билан истеъфо эълон қилди. Бу воқеа «Барселона»нинг Европа Чемпионлар Лигаси ўйини олдидан эълон қилинди. Душанба куни президент постни топширишни ўйламаётгани ҳақида айтган эди, бироқ бугун...
У нега истеъфога чиқди?
Биринчи навбатда мухлисларнинг кучли босими ўз таъсирини кўрсатди. Деярли 150 мингдан ортиқ мухлис Бартамеунинг истеъфосини талаб қилиб чиқди. Бу қонунга кўра референдум ўтказиш ҳуқуқини беради. Шундай бўлсада, Бартамеу клубдан мухлислар ҳайдаган президент бўлишни истамади ва вақтни чўзишни бошлади. У буни қонуний йўл билан қилиш учун бир нечта комбинацияни ишга солди.
Бу орада, Каталония ҳокимияти оммавий овоз беришга рухсат берди. 1-2 ноябрь санасида бўлиб ўтган жараёнда мухлислар «Камп Ноу»да овоз беришлари лозим эди.
Бартамеу бунга норозилик билдирди. Клуб мухлисларининг деярли 40 фоизи 50 ёшдан ошган одамлар бўлгани боис президент коронавируснинг иккинчи тўлқинидан чўчиди ва сўровномани 15-16 ноябрга кўчиришни таклиф қилди, аммо унинг таклифи рад этилди.
Кейинроқ Бартамеу вазиятга ўз изоҳини қолдирди:
"Биз ўз мухлисларимизни оғир аҳволда қолдирмасликка қарор қилдик. Шу боис, истеъфога чиқдим. Aйнан шу боис, овоз бериш жараёнини ўтказмаслик лозим." Aйнан шу важ асосида Хосеп ўз хоҳиши билан четга чиқди.
Месси билан жанг, ўйин сифатининг тушиб кетиши ва Пикенинг танқидлари вазиятни тезлаштириб юборди. «Барселона» «Ла Лига» жадвалида 12-ўринда бормоқда. Бу сўнгги йиллардаги энг ёмон натижа. Шундай бўлсада, президент ўз постини топшираётиб кичик бир сирни очди.
«Кетиш олдидан сизга қизиқ маълумотни айтиб ўтмоқчиман. Кеча биз келажакда ташкил этилиши аниқ бўлган Европа супер лигасида иштирок этишга қарор қилдик. Бу мусобақа клубларга молиявий мустаҳкамлик олиб келади. Келажакда айнан клублар ўртасидаги Жаҳон чемпионатида тўп суришга қарор қилдик»
Энди нима бўлади?!
Барселона" жамоаси уставларида бундай вазиятда қандай йўл тутилиши лозимлиги аниқ қилиб ёзилган. Унга кўра, энди бошқарувсиз ҳокимият юзага келиб чиқиши лозим.
Қонунга кўра, клубни тарк этган президент ўрнини клубнинг экономика бўйича комиссия раҳбари эгаллайди. Шундай экан, танишинг жамоанинг янги вақтинчалик президенти - Карлес Тускетс! Шунингдек, унинг бошқарувига 7 та ўз-ўзини бошқарувчи клуб раҳбарлари ҳам қўшилади. Энг муҳим омил шундаки, айнан бошқарувчи комиссия клуб президенти бажариши лозим бўлган вазифани ўз бўйнига олади. Ушбу комиссиянинг бирламчи вазифаси янги президент эълон қилингунига қадар 3 ой давомида сайловга тайёргарлик кўриш ва клубнинг барча ишларини идора қилишдан иборат бўлади.
Сайловда ким фаворит?
Номзодлар етарлича топилади. Шундай бўлсада, уларнинг энг асосийсизларини эсга оламиз. Биринчи навбатда, Бартамеунинг «гўрига ғишт қалашдан чарчамайдиган» Лапорте! Шунингдек, Хосепнинг «тахтдан» қулашига кўмаклашиб юборган Жорди Ферре. Бартамеуни танқид қилишдан чарчамаган Виктор Фонт ва унинг қалин дўсти Ксаве Вилахоана.
Aйни дамдаги вақтинча раҳбар ким?
Юқорида айтилганидек, эндиликда клубни камида 3 ой давомида Карлос Тускетс бошқаради. Карлос клуб менежери сифатида Хосеп Луис Нуньес (1978-2000) давридан бери ишлаб келмоқда. Қаҳрамонимиз 27 йилдан бери «Барселона»нинг шахсий бизнесларидан олинаётган даромадларига жавобгар шахс эди.
Эътиборлиси шундаки, Тускетс деярли 40 йилдан бери молия соҳасида муваффақиятли иш олиб бормоқда. Aйни дамда, унинг ўз шахсий "Trea Capital" компанияси мавжуд. У янги бизнесларга инвестиция киритади ва уларни янги босқичга олиб чиқиш билан шуғулланади. Бу компаниянинг жаҳон бозорида мавқейи жуда катта. Шунингдек, у Европа молия бошқаруви вазири ўрин босари ҳам саналади. Бундан ташқари, қаҳрамонимиз Испаниянинг инвестиция ва нафақа фондида директор ўринбосари вазифасида хизмат қилиб келмоқда. Бундан аввалроқ, унинг энергетика ва кўчмас мулк савдосида ҳам бизнеслари мавжуд эди.
Европа Супер Лигаси нима?! Бартфмеу нимага ишора қилди
Биринчи вариант
Биринчи навбатда бу мусобақа ҳақида ҳали расмий маълумот йўқ. Шундай бўлсада, ўтган ҳафтада «Sky Sport» «Ливерпуль», «Манчестер Юнайтедʼ ва »Реал"нинг гранд жамоалар ўртасида ташкил этилиши мумкин бўлган мусобақада иштирок этмоқчи эканлигини маълум қилган эди. Манбанинг маълум қилишича, ушбу турнир 2022 йилдан старт олиши кўзда тутилган. Шунга қарамай, УЕФA Европа Чемпионлар лигасининг ҳуқуқини 2024 йилга қадар сотишда давом этмоқда. Бу мусобақани ташкил этиш ҳақида «Ювентус» раҳбари Aндреа Aньели фикр билдирган ва кўплаб танқидларга учраган эди. 2019 йилда бошланган янги мусобақа ташкил этиш ғояси якунланмаган иш бўлиб қолди.
Иккинчи вариант
ФИФA ва УЕФA Европа Супер лигаси ҳақида барча маълумотларни инкор этишда давом этмоқда. Бартамеу эса, собиқ ҳамкасбларини ноқулай вазиятда қолдирганча ўзи четга чиқиб олди. Энди улар, ҳеч нарса бўлмаяпти дея олишмайди. Тез орада, фақат грандлар иштирок этиши мумкин бўлган мусобақа ҳақидаги саволлар бутун дунёдан ёғилиб келишни бошлайди. Ҳеч ким янги мусобақа орқали Европа чемпионлар лигаси путур етказишни истамайди. Шу боис, Бартамеу муносабатларни анчайин ёмонлашишига сабаб бўлувчи сирни очди.
Учинчи вариант
бу сўзлар «Барселона»нинг у даврида молиявий қийин аҳволда қолганини беркитиш учун айтилган сўзлар бўлиши ҳам мумкин. Деярли барча унинг қўл остида клуб омадсиз трансферлар қилганини ва оқибатда керакли паллада клуб футболчиларга маошини ҳам тўлай олмаганини яхши билади. Ортда қолган мавсумда «Барселона» расман 97 миллион евро зарар кўрди. Қарзлар эса жуда ҳам кўпайиб кетди. «Камп Ноу»ни қайта таъмирлаш режаси олға сурилмаяпти. «Реал» ўз аренасини супер даражага олиб чиқиш учун барча ҳаракатларни амалга ошираётган бир пайтда, «Барселона» жуда хунук аҳволда қолди. Бартамеу ўзининг сўнгги сўзлари орқали молиявий муаммоларнинг тез орада ҳал этилишига шама қилган бўлиши ҳам мумкин. Умуман олганда шу учта вариантдан бошқаси ҳақиқатга яқин эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
