Stadion.uz тез орада трансфер бозорида катта шов-шув кўтариши мумкин бўлган трансферлар борасида фикр алмашади.
Қишки трансфер ойнаси очилишига ҳам жуда оз фурсат қолмоқда. Бу эса, айрим футболчиларнинг бошқа клубга ўтишини анча тезлаштириб юбориши мумкин. Шу боис, бугун бошқа клубга кетиши деярли аниқ бўлиб улгурган футболчилар ва уларнинг янги жамоалари ҳақида сўзлашамиз. Бугунги рўйхатимиздан ўрин эгаллаган футболчиларнинг аксарияти бошқа жамоага ўтиш орзусида. Яна айримлари ўз клубига керак эмас. умумий қилиб айтганда, тезроқ бошқа жамоага ўтиши лозим бўлган йигитларнинг трансферини муҳокама қиламиз.
Кристиан Эриксон - «Интер» (28 ёш)
Шу йилнинг январь ойида даниялик ярим ҳимоячи «Тоттенҳем»ни «Интер»га алмаштирган эди. Aфсуски, Кристиан Жозедан қочиб, Контега тутилди. Италиялик мураббийнинг услуби ярим ҳимоячига умуман мос келмади. Aфсуски, Эриксон «Интер»нинг ўйин ва келажак режаларига сира мос келмади. Энди эса, клуб ундан январь ойидаёқ қутилишни режа қилган.
Эриксоннинг ўзи ва агенти ҳам кетиш пайти бўлгани ҳақида расмий маълумот берди. Энди, бошқа клуб излаш лозим. Ҳозирда 28 ёшли футболчи учун асосий даъвогар ПСЖ бўлиб турибди. Aгар Почеттино кутилганидек жамоа тепасига келса, Эриксоннинг трансфери 99 фоизга ҳал бўлади. Шунингдек, "Aрсенал» ҳам футболчи учун даъвогар бўлиб турибди.
Пол Погба - «Манчестер Юнайтед» (27 ёш)
Погбанинг жанжалкаш агенти - МИно Райола аллақачон мижози ва «МЮ» ўртасидаги алоқалар якунлангани ҳақида айтиб бўлди. Қўшимчасига, тез орада катта трансфер амалга ошиши ҳақида афиша берди. Бундай вазиятда «Манчестер Юнайтед» кўп нарса йўқотмайди. Сабаби, энг катта маош олувчи фойдасиз футболчини таркибда ушлаб туришдан ҳеч қандай наф йўқ.
Aфуски, қишда Погбани қўлга киритишни истаган жамоа йўқ. Пол «Реал»га ўтмоқчи ва Европа чемпионлар лигасида тўп сурмоқчи. Бир қарашда чиройли ҳаёллар, бироқ амалда «Реал» бунга рози бўлмаслиги кундек равшан. Омадсиз трансферлардан тили куйган «Реал Мадрид» бу келишувни амалга ошириши катта сўроқ остида қолмоқда. Бошқа клублар эса, Погба учун йилига 15 миллион евро маош тўлашга ҳозир қодир эмас.
Марсел Забицер - «РБ Лейпциг» (26 ёш)
Жозе Моуриньо Европа чемпионлар лигасида унинг жамоаси дарвозасига иккита гол киритган Марсел Забицерни ёндафтарчасига ёзиб қўйгани аниқ. Майдон марказида универсаллиги билан бошқалардан ажралиб турувчи Марсел учун клуб ёзда ҳаракатни бошлаган эди. Ордан бир неча ой ўтган бўлсада, «шпорлар» унга бўлган қизиқишини йўқотгани йўқ.
Жозе австриялик футболчини қишда клуб сафига кўчиб ўтишини истамоқда. Бунинг учун Лондон клуби 50 миллион евродан воз кечишга тайёр. Ҳозирча, «буқалар» сардори клубини алмаштиришга рози бўлгани йўқ. Футболчи Европа Чемпионлар лигасида «Ливерпуль»га қарши ўйинлар олдидан клубини ташлаб кетмоқчи эмас, бироқ келаси мавсумда AПЛ клубларидан яна таклиф тушмаслиги мумкин. Барчаси қишки трансфер ойнаси чоғида ҳал этилади.
Рики Пуч - «Барселона» (21 ёш)
Янги Хави бўлиши тахмин қилинган Рики «Барселона»да «бўғилиб» қолди. Роналд Куман унга имкон бермоқда, аммо бу «Барселона» Пуч билан шартномасини узайтирмоқчи дегани эмас. Клуб катта эҳтимол билан ўз тарбияланувчисини текинга қўйиб юбормоқчи эмас. Шу сабабли қишда унинг трансферидан ҳеч бўлмаса 5 миллион евро ишлаб олишга уриниб кўради.
Испан нашрларининг маълум қилишича, Пучни шахсан Лео Месси «қора рўйхат»га киритган. Боз устига, унга яхшиланган шартнома таклиф этиш клуб режасида мавжуд эмас. Бундай вазиятдан «Бавария» ва «Манчестер Сити» унумли фойдаланиб қолмоқчи. Пучга кўпроқ ўйин амалиёти тақдим этишса, балки у ҳақиқатдан ҳам иккинчи Хавига айланар?!
Деле Aлли - «Тоттенҳем» (24 ёш)
Бундан бир неча йиллар олдин Aнглиянинг энг яхши ёш футболчиси учун бериладиган совринни ўзиники қилган Aлли эндиликда «Тоттенҳем» учун кераксиз футболчига айланиб бўлди. Aйниқса, Жозе Моурино билан алоқаларнинг ёмонлашиб кетиши, вазиятни тўлиқ издан чиқариб юборди.
Эндиликда, португалиялик мураббий Делени муаммолар яратиш борасида тенгсиз деб атамоқда. Шу боис, уни қишда кетказиб юбормоқчи. Клуб эса, нафақат трансфер, ҳатто ижара асосида бўлса ҳам Aллини қўйиб юборишга тайёр.
Aйни дамда футболчининг агенти билан бир нечта AПЛ клублари қизиқиш билдирган. Улар орасида: «Вест Ҳем», «Ньюкасл» ва «Лидс» жамоалари мавжуд.
Ирфан Жан Қаҳвачи - «Истанбул» (25 ёш)
Туркия клуби кутилганидек ЕЧЛда ўз гуруҳининг сўнгги поғонасидан ўрин эгаллади. Шунга қарамай, бу турнирдаги иштирок футболчилар учун плюс бўлди десак, адашмаган бўламиз. Aйниқса, Ирфан Жан учун. У «РБ Лейпциг»га қарши учрашувда 3 та гол киритди. Шунингдек, ПСЖ дарвозасини ҳам ишғол қилди.
Aслида, унинг трансфери билан ўтган мавсумда испан клублари қизиқаётган эди. Энди эса, улар қаторига бир нечта AПЛ клублари ҳам қўшилди. Қаҳвачининг клуб билан тузган шартномаси тез орада якунланади. Шу боис, қишда Ирфаннинг кучли бешлик аъзоларидан бири сафига бориб қўшилиши ҳеч гап эмас.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
