"Навбаҳор" Ўзбекистон кубоги гуруҳ босқич биринчи турида ўз майдонида "Оқ-тепа"ни қабул қилди ва 3:0 ҳисобида зафар қучди.
Учрашувдан сўнг ташкил этилган матбуот анжуманида мезбонлар мураббийи Виктор Жалилов иштирок этди. Бу ҳақда клуб матбуот хизмати хабар берди.
"Кубок баҳсларидан натижани олдиндан айтиш қийин. Кескинлик сақланиб турди. Аввалги ўйинлардаги натижалардан кейин футболчиларимизнинг руҳий ҳолати яхши эмасди. Уларни қўллаб-қувватлаб турдик, мадад бердик.
Лекин барибир, хато қилишдан қўрқиш кузатилди. Лекин барибир, Суперлига ва Про лига жамоалари ўртасида фарқ бор. Бу сезилди. Легионерларимизнинг жароҳатлари бор эди, барчаларининг жароҳат олишлари тасодиф бўлди.
Биринчи бўлимда кўплаб вазиятлар яратишга уриндик, фақат улардан фойдаланишда футболчиларимиз оқсашди. Иккинчи бўлимда эса савия жиҳатидан устунликларини намойиш этишди, барибир", - дейди Жалилов.
Матнда хатолик топсангиз, ўша хатони белгилаб, бизга жўнатинг (Ctrl + Enter).