«Тоттенхэм» 3 йиллик компенсацияни тўлайди. Португал мутахассиси яна Италияни соғинган кўринади.
Мхитариан аллақачон асабийлашган.
Боом! Ёзги трансферлар пайтидаги биринчи оламшумул воқеа- Жозе Моуриньонинг июнь ойида «Рома» бош мураббийлигига тайинланиши бўлади. Шартнома 3 йилга тузилган. Жозе ватандоши Пауло Фонсеканинг ўрнини эгаллайди, унинг кетиши ёзда Моуриньо келиши ҳақидаги эълондан бир неча соат олдин маълум қилинган эди.
Жозенинг ўзи бир ой олдин ишдан бўшатилган эди - 19 апрель куни португалиялик «Тоттенхэм»ни тарк этди. Шундан сўнг мураббий таътилга чиқишини айтди ва ўйчан ҳолда янги клуб танлашга яқинлашишини билдирди:
«Менинг режаларим йўқ. Мен оддий ҳаёт кечираман, ўзимни янги, хотиржам ҳис қиламан. Меҳнат таътилидаман. Энди хатолар устида ишлашга, ҳамма нарсани таҳлил қилишга кўпроқ вақтим бор.
Футболга қайтишдан олдин кутаман. Мен нафақат мос клубни, балки муносиб маданиятни ҳам кутаман. Балки кейинги мавсумга қайтиш эрта бўлади. Кўрамиз» – деган эди у ўтган ҳафта.
Аммо ҳамма нарса жуда тез ўзгариб кетди: “Клуб эгаси ва бош директор Тиаго Пинто билан учрашувдан сўнг мен дарҳол «Рома» амбицияларининг тўлиқлигини англадим. Булар менга доим туртки берган бир хил амбициялар ва интилишлардир ва биз биргаликда келгуси йилларда муваффақиятли лойиҳани қурмоқчимиз”.
Инсайдер Фабрицио Романонинг хабар беришича, «Special one» ва Рим клуби ўртасидаги музокаралар ўта махфий бўлган - бирорта ҳам маълумот мавжуд эмас. Январь ойида «Рома» Маурицио Сарри билан боғланди, аммо бу узоққа бормади. Моуриньонинг номзодини ноябрь ойида тайинланган бош директор Тиаго Пинто шахсан тасдиқлаган. Сиз тушунганингиздек, бош директор ҳам португалиялик - у илгари «Бенфика»да жуда муваффақиятли ишлаган.
«Рома» мавсумда муваффақиятсизликка учради: улар 7-ўрин учун курашишмоқда, мураббий мавсум ўрталарида Жеко билан келишмовчиликларга дуч келди.
Жозе энг муваффақиятли клубга бормаяпти: «Рома» А Серияда 7-ўринга боғланиб қолди, яқинда Европа Лигасининг биринчи ярим финалида имкониятни бой берди («Олд Траффорд»да «Манчестер Юнайтед»дан 2:6 ҳисобида мағлубият). Амалда юқорироққа кўтарилиш учун ҳеч қандай имконият йўқ: А Серия тугашига 4 тур қолганида, «Лацио» 9 очкога ортда қолмоқда. Олдинда «Интер» ва «Лацио»га қарши учрашувлар бор.
Умумий жиҳатдан олиб қаралса, бу мавсум бой бериб бўлинган, янги мавсум учун янги мутахассис зарар қилмаслиги кундек равшан.
Сассуоло билан еттинчи ўрин учун кураш давом этмоқда - Еврокубокларга йўл олган «Аталанта» ва «Ювентус» Италия кубоги финалида ўйнагани туфайли, А Серияда еттинчи ўрин Европа Лигасига йўл олади. Албатта, «Рома» эгалари бунданда яхши натижаларни кутишган.
Қолаверса, жамоада ички муҳит яхши эмас. Энг катта можаро мураббий Паулу Фонсека ва сўнгги мавсумларнинг энг яхши тўпурари ва сардори Эдин Жеко ўртасида содир бўлди. У январда ҳужумчини сотмоқчи бўлди, аммо муваффақиятсиз бўлди - натижада Фонсеканинг ўзи жамоадан кетадиган бўлди. Табиийки, «Рома» эгалари - Фридкинлар оиласи - Моуринодан яхши натижа кутишади ва уни «барча даражадаги совринларни қўлга киритган ажойиб чемпион» деб аташади.
Жозе аллақачон дастлабки натижаларни беришни бошлади (ҳа, ҳатто лавозимига киришидан олдин ҳам) –«Рома» акциялари бугун 20 фоизга қимматлашди.
«Рома»да кўплаб эски танишлари бор: Мхитарян, Смоллинг, Педро ва ҳаттоки Сантон.
Ҳозирда Моуриньонинг бир неча эски танишлари ва «Рома»да ўйнашмоқда: Мхитарян, Педро, Крис Смоллинг ва ҳаттоки Давиде Сантон. «The Athletic» Жозе ва футболчиларнинг бир-бирлари ҳақида айтганларини тўплади. Моур ҳақида айтилган энг фикр Сантон томонидан айтилган, унинг фаолияти Жозе «Интер»да эканлигида бошлаган эди: ҳимоячи мураббий унга ўғлидек муомала қилганини айтди.
Педронинг даъволари бироз тескари кўринади. «Челси»га ўтганидан сўнг дарҳол испаниялик футболчи Жозенинг услуби ёқишини айтганди. 4 ойдан сўнг Моуриньо ишдан бўшатилди - кейин Педро яна бир нарса деди: «Умуман олганда, жамоада ҳамма нарса нотўғри кетди». Педро бу сафар ҳам яхши фикр билдирса керак.
Аммо, энг қизиқ нарса, албатта, Мхитарян ва Смоллингнинг сўзларини тинглашдир - улар Жозенинг «Манчестер Юнайтед»даги даврида унинг қўл остида шуғулланишган. Арманистонлик ярим ҳимоячи Моуриньо фаолиятидаги энг қийин мураббий эканлигини тан олди:
«Сиз буни айтишингиз мумкин эди», деди Генрих «Красава»га берган интервьюсида. - У табиатан ғолиб бўлиб туғилган. У сизга ғалаба қозониш ва сиздан талаб қилган нарсани бажариш учун ҳаракат қилади. Ҳаммага у билан ишлаш қийин эди. Қарама-қаршиликлар ва зиддиятлар бўлган”.
Мхитарян Моурино туфайли «Юнайтед»ни тарк этгани ва унга футбол ўйнашига халақит берганини тан олди. Аммо сўнгги интервьюларида Генрих айнан Жозе ўзини ҳимоя қилишни ва жамоа манфаатлари йўлида ҳаракат қилишни ўргатганини айтди.
Матбуот анжуманларида Моур Мхитарянни ўйинлар пайтида «йўқолиб қолганликда» айбларди, шахсий мулоқотларида Генрих ҳимояда етарлича ишламаётганлиги сабабли эътирозлар билдирарди.
Крис Смоллингнинг ҳикояси Люк Шоуникига ўхшайди. Моуриньо бир пайтлар бир гуруҳ ўйинчиларни оғриқ билан ўйнай олмаганликда айблаган - худди шу учрашувлардан бирини Смоллинг жароҳати туфайли ўтказиб юборган эди. Аммо Жозени ишдан бўшатгандан сўнг, ҳимоячи барибир Моуриньо билан ишлаш пайтида ишончини йўқотганлигини тан олди. Италияга жўнаб кетиш яхши даражага қайтишга ёрдам берди - аммо Жозе ҳам бу ерга етиб келди. Тақдир ҳазилини қарангда энди.
Албатта, Римда Моурни кўришдан хурсанд бўладиган футболчилар ҳам бор.
Эдин Жеко ҳеч қачон Жозе билан ишламаган, аммо португалиялик уни мақтаган ва ҳаттоки уни 2014 йилда Премьер лигада йилнинг энг яхши футболчиси деб тан олган (ўша мавсумда Луис Суарес ва Яя Туре АПЛда супер мавсум ўтказишганди):
«Йилнинг энг яхши футболчиси чемпион жамоадан бўлиши керак. Мен Жекони танлаган бўлардим, чунки у таркибдаги учинчи ҳужумчи эди, аммо у жамоага энг зарур бўлган пайтда натижа келтирди. Ҳал қилувчи дақиқаларда ҳаммадан ажралиб турди. У шунчаки гол муаллифи эмас: у жамоага ҳам ёрдам беради, ўзини ҳам тўғри тутади, ҳалол, провакация қилмайди, рақиби учун қизил карточка сўрашга уринмайди».
Босниялик ҳужумчи Жозенинг тайинланишидан севинмагандир, бироқ Пауло Фонсеканинг кетишидан турган гапки, хурсанд бўлгани аниқ.
Жозе «Интер»нинг рақибларига мураббийлик қилмасликка ваъда берган эди, аммо у ерда энди Конте мураббий - бу жуда қизиқ бўлади.
Жозе учун энг қизиқарли тўқнашув аниқ «Интер» билан ўйинлар бўлади – ҳа, айнан, у фаолиятидаги энг катта ютуқларга эришган жамоага қарши. Кетма-кет иккита мамлакат чемпионлиги, 2009 йилда эса требл бор эди. «Интер»нинг ўша пайтдаги президенти Массимо Моратти мураббий бир неча бор «Реал» га кетганидан афсусда эканлигини айтганди - чунки айнан Италияда Жозе энг яхши мавсумларини ўтказган.
2019 йилда Моуриньо Италияга қайтиш имкониятига эга эди (миш-мишлар португалияликни «Милан» билан боғлади), у дарҳол буни қабул қилмаслигини айтди: “Мен ҳозир Италияга қайтиб келмайман. «Интер» менинг уйим ва оиламга айланди, Президент Массимо Моратти дўстим эди”.
Аммо икки йилдан сўнг Жозе «The Times»га интервью берди ва қуйидагиларни баён қилди: “Менда «Интер»га нисбатан ўзгача меҳрбор. Аммо менга бир марта «Интер»нинг рақиб клубига мураббийлик қилиш таклиф этилса, у ҳолда мен икки марта ўйлаб кўраман. Мен ҳамма нарсага профессионал нуқтаи назар билан қарайман”,- бу сўзлар «Рома» билан шартнома эълон қилинишидан икки кун олдин берган интервьюсида пайдо бўлди.
Уни Италия келишига асосий сабаблардан бири Антонио Конте ҳисобланади. Икки мутахассиснинг Англиядаги можароларидан хабарингиз бўлса керак. Мориньо ана шундай принципиал рақобат мавжуд бўлган чемпионатда ўзини сувдаги балиқдек ҳис қилишини яхши биласиз. Италия А Серияси янада жонланиши аниқ.
«Тоттенхэм»да бузилган воқеа
Лондон шаҳри оммавий ахборот воситалари Дениэль Леви жуда кўп пулни тежаганига амин.
«Football London» нашри Жозени «Тоттенхэм»дан техник равишда четлатилмаган деб ҳисобламоқда - клуб унга эвазига ҳеч нарса талаб қилмасдан, шартнома бўйича маош тўлашда давом этади. Шартномага кўра, «Special one» «шпорлар» 18 ой жамоа бошқарувида бўлди - йилига 16 миллион евро маош билан.
Аммо ҳамма нарса бунчалик оддий эмас. Европанинг асосий инсайдери Жанлука Ди Марционинг сўзларига кўра, Жозенинг ҳийла-найрангли банди бор эди, унга кўра «Тоттенхэм» мураббийга 16 миллион евро миқдорида йиллик маош тўлаб туришга мажбур, ҳатто, ишдан бўшатилганидан кейин ҳам. Буниси бизнеснинг энг «яхши» кўринишларидан бири
«Sky Italy» хабарига кўра, Римда мураббийга 7 миллион евро + бонуслар (Чемпионлар Лигаси саралашлари ва унвонлари учун) таклиф қилинган. Шундай қилиб, «шпорлар» дан қолган 9 миллион евро. Аммо бу фақат Италияда ишлашнинг биринчи мавсумида амал қилади. Демак, Моур келаси мавсумда камида бир кўрсаткич бўйича Контени (йиллик маоши 12 миллион евро) ортда қолдиради.
Ди Марцио, Моуриньо пул туфайлигина «Рома»ни танламаганлигини қўшимча қилди: клуб эгалари билан суҳбатдан сўнг чиндан ҳам 3 йиллик лойиҳа иш беришига амин бўлган ва бунинг учун у аллақачон трансфер кампаниясига қўйиладиган талабларини баён қилган.
Жозе Италиядаги шонли тарихини қўмсаган кўринади. А Серияда рақобат анчагина жонланган. Буни «Ювентус»нинг чемпионлик унвонига эга бўлолмаганию, «Интер»нинг скудеттони қўлга киритгани тасдиқлайди. Конте энг ашаддий рақибларидан бири экани инобатга олинса, португалияликнинг ҳам иштаҳаси очилиб кетиши мумкин. Сенга яна нима керак, Моур?!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
