«Tottenxem» 3 yillik kompensasiyani to‘laydi. Portugal mutaxassisi yana Italiyani sog‘ingan ko‘rinadi.
Mxitarian allaqachon asabiylashgan.
Boom! Yozgi transferlar paytidagi birinchi olamshumul voqea- Joze Mourinyoning iyun oyida «Roma» bosh murabbiyligiga tayinlanishi bo‘ladi. Shartnoma 3 yilga tuzilgan. Joze vatandoshi Paulo Fonsekaning o‘rnini egallaydi, uning ketishi yozda Mourinyo kelishi haqidagi e’londan bir necha soat oldin ma’lum qilingan edi.
Jozening o‘zi bir oy oldin ishdan bo‘shatilgan edi - 19 aprel kuni portugaliyalik «Tottenxem»ni tark etdi. Shundan so‘ng murabbiy ta’tilga chiqishini aytdi va o‘ychan holda yangi klub tanlashga yaqinlashishini bildirdi:
«Mening rejalarim yo‘q. Men oddiy hayot kechiraman, o‘zimni yangi, xotirjam his qilaman. Mehnat ta’tilidaman. Endi xatolar ustida ishlashga, hamma narsani tahlil qilishga ko‘proq vaqtim bor.
Futbolga qaytishdan oldin kutaman. Men nafaqat mos klubni, balki munosib madaniyatni ham kutaman. Balki keyingi mavsumga qaytish erta bo‘ladi. Ko‘ramiz» – degan edi u o‘tgan hafta.
Ammo hamma narsa juda tez o‘zgarib ketdi: “Klub egasi va bosh direktor Tiago Pinto bilan uchrashuvdan so‘ng men darhol «Roma» ambisiyalarining to‘liqligini angladim. Bular menga doim turtki bergan bir xil ambisiyalar va intilishlardir va biz birgalikda kelgusi yillarda muvaffaqiyatli loyihani qurmoqchimiz”.
Insayder Fabrisio Romanoning xabar berishicha, «Special one» va Rim klubi o‘rtasidagi muzokaralar o‘ta maxfiy bo‘lgan - birorta ham ma’lumot mavjud emas. Yanvar oyida «Roma» Maurisio Sarri bilan bog‘landi, ammo bu uzoqqa bormadi. Mourinyoning nomzodini noyabr oyida tayinlangan bosh direktor Tiago Pinto shaxsan tasdiqlagan. Siz tushunganingizdek, bosh direktor ham portugaliyalik - u ilgari «Benfika»da juda muvaffaqiyatli ishlagan.
«Roma» mavsumda muvaffaqiyatsizlikka uchradi: ular 7-o‘rin uchun kurashishmoqda, murabbiy mavsum o‘rtalarida Jeko bilan kelishmovchiliklarga duch keldi.
Joze eng muvaffaqiyatli klubga bormayapti: «Roma» A Seriyada 7-o‘ringa bog‘lanib qoldi, yaqinda Yevropa Ligasining birinchi yarim finalida imkoniyatni boy berdi («Old Trafford»da «Manchester Yunayted»dan 2:6 hisobida mag‘lubiyat). Amalda yuqoriroqqa ko‘tarilish uchun hech qanday imkoniyat yo‘q: A Seriya tugashiga 4 tur qolganida, «Lasio» 9 ochkoga ortda qolmoqda. Oldinda «Inter» va «Lasio»ga qarshi uchrashuvlar bor.
Umumiy jihatdan olib qaralsa, bu mavsum boy berib bo‘lingan, yangi mavsum uchun yangi mutaxassis zarar qilmasligi kundek ravshan.
Sassuolo bilan yettinchi o‘rin uchun kurash davom etmoqda - Yevrokuboklarga yo‘l olgan «Atalanta» va «Yuventus» Italiya kubogi finalida o‘ynagani tufayli, A Seriyada yettinchi o‘rin Yevropa Ligasiga yo‘l oladi. Albatta, «Roma» egalari bundanda yaxshi natijalarni kutishgan.
Qolaversa, jamoada ichki muhit yaxshi emas. Eng katta mojaro murabbiy Paulu Fonseka va so‘nggi mavsumlarning eng yaxshi to‘purari va sardori Edin Jeko o‘rtasida sodir bo‘ldi. U yanvarda hujumchini sotmoqchi bo‘ldi, ammo muvaffaqiyatsiz bo‘ldi - natijada Fonsekaning o‘zi jamoadan ketadigan bo‘ldi. Tabiiyki, «Roma» egalari - Fridkinlar oilasi - Mourinodan yaxshi natija kutishadi va uni «barcha darajadagi sovrinlarni qo‘lga kiritgan ajoyib chempion» deb atashadi.
Joze allaqachon dastlabki natijalarni berishni boshladi (ha, hatto lavozimiga kirishidan oldin ham) –«Roma» aksiyalari bugun 20 foizga qimmatlashdi.
«Roma»da ko‘plab eski tanishlari bor: Mxitaryan, Smolling, Pedro va hattoki Santon.
Hozirda Mourinyoning bir necha eski tanishlari va «Roma»da o‘ynashmoqda: Mxitaryan, Pedro, Kris Smolling va hattoki Davide Santon. «The Athletic» Joze va futbolchilarning bir-birlari haqida aytganlarini to‘pladi. Mour haqida aytilgan eng fikr Santon tomonidan aytilgan, uning faoliyati Joze «Inter»da ekanligida boshlagan edi: himoyachi murabbiy unga o‘g‘lidek muomala qilganini aytdi.
Pedroning da’volari biroz teskari ko‘rinadi. «Chelsi»ga o‘tganidan so‘ng darhol ispaniyalik futbolchi Jozening uslubi yoqishini aytgandi. 4 oydan so‘ng Mourinyo ishdan bo‘shatildi - keyin Pedro yana bir narsa dedi: «Umuman olganda, jamoada hamma narsa noto‘g‘ri ketdi». Pedro bu safar ham yaxshi fikr bildirsa kerak.
Ammo, eng qiziq narsa, albatta, Mxitaryan va Smollingning so‘zlarini tinglashdir - ular Jozening «Manchester Yunayted»dagi davrida uning qo‘l ostida shug‘ullanishgan. Armanistonlik yarim himoyachi Mourinyo faoliyatidagi eng qiyin murabbiy ekanligini tan oldi:
«Siz buni aytishingiz mumkin edi», dedi Genrix «Krasava»ga bergan intervyusida. - U tabiatan g‘olib bo‘lib tug‘ilgan. U sizga g‘alaba qozonish va sizdan talab qilgan narsani bajarish uchun harakat qiladi. Hammaga u bilan ishlash qiyin edi. Qarama-qarshiliklar va ziddiyatlar bo‘lgan”.
Mxitaryan Mourino tufayli «Yunayted»ni tark etgani va unga futbol o‘ynashiga xalaqit berganini tan oldi. Ammo so‘nggi intervyularida Genrix aynan Joze o‘zini himoya qilishni va jamoa manfaatlari yo‘lida harakat qilishni o‘rgatganini aytdi.
Matbuot anjumanlarida Mour Mxitaryanni o‘yinlar paytida «yo‘qolib qolganlikda» ayblardi, shaxsiy muloqotlarida Genrix himoyada yetarlicha ishlamayotganligi sababli e’tirozlar bildirardi.
Kris Smollingning hikoyasi Lyuk Shounikiga o‘xshaydi. Mourinyo bir paytlar bir guruh o‘yinchilarni og‘riq bilan o‘ynay olmaganlikda ayblagan - xuddi shu uchrashuvlardan birini Smolling jarohati tufayli o‘tkazib yuborgan edi. Ammo Jozeni ishdan bo‘shatgandan so‘ng, himoyachi baribir Mourinyo bilan ishlash paytida ishonchini yo‘qotganligini tan oldi. Italiyaga jo‘nab ketish yaxshi darajaga qaytishga yordam berdi - ammo Joze ham bu yerga yetib keldi. Taqdir hazilini qarangda endi.
Albatta, Rimda Mourni ko‘rishdan xursand bo‘ladigan futbolchilar ham bor.
Edin Jeko hech qachon Joze bilan ishlamagan, ammo portugaliyalik uni maqtagan va hattoki uni 2014 yilda Premyer ligada yilning eng yaxshi futbolchisi deb tan olgan (o‘sha mavsumda Luis Suares va Yaya Ture APLda super mavsum o‘tkazishgandi):
«Yilning eng yaxshi futbolchisi chempion jamoadan bo‘lishi kerak. Men Jekoni tanlagan bo‘lardim, chunki u tarkibdagi uchinchi hujumchi edi, ammo u jamoaga eng zarur bo‘lgan paytda natija keltirdi. Hal qiluvchi daqiqalarda hammadan ajralib turdi. U shunchaki gol muallifi emas: u jamoaga ham yordam beradi, o‘zini ham to‘g‘ri tutadi, halol, provakasiya qilmaydi, raqibi uchun qizil kartochka so‘rashga urinmaydi».
Bosniyalik hujumchi Jozening tayinlanishidan sevinmagandir, biroq Paulo Fonsekaning ketishidan turgan gapki, xursand bo‘lgani aniq.
Joze «Inter»ning raqiblariga murabbiylik qilmaslikka va’da bergan edi, ammo u yerda endi Konte murabbiy - bu juda qiziq bo‘ladi.
Joze uchun eng qiziqarli to‘qnashuv aniq «Inter» bilan o‘yinlar bo‘ladi – ha, aynan, u faoliyatidagi eng katta yutuqlarga erishgan jamoaga qarshi. Ketma-ket ikkita mamlakat chempionligi, 2009 yilda esa trebl bor edi. «Inter»ning o‘sha paytdagi prezidenti Massimo Moratti murabbiy bir necha bor «Real» ga ketganidan afsusda ekanligini aytgandi - chunki aynan Italiyada Joze eng yaxshi mavsumlarini o‘tkazgan.
2019 yilda Mourinyo Italiyaga qaytish imkoniyatiga ega edi (mish-mishlar portugaliyalikni «Milan» bilan bog‘ladi), u darhol buni qabul qilmasligini aytdi: “Men hozir Italiyaga qaytib kelmayman. «Inter» mening uyim va oilamga aylandi, Prezident Massimo Moratti do‘stim edi”.
Ammo ikki yildan so‘ng Joze «The Times»ga intervyu berdi va quyidagilarni bayon qildi: “Menda «Inter»ga nisbatan o‘zgacha mehrbor. Ammo menga bir marta «Inter»ning raqib klubiga murabbiylik qilish taklif etilsa, u holda men ikki marta o‘ylab ko‘raman. Men hamma narsaga professional nuqtai nazar bilan qarayman”,- bu so‘zlar «Roma» bilan shartnoma e’lon qilinishidan ikki kun oldin bergan intervyusida paydo bo‘ldi.
Uni Italiya kelishiga asosiy sabablardan biri Antonio Konte hisoblanadi. Ikki mutaxassisning Angliyadagi mojarolaridan xabaringiz bo‘lsa kerak. Morinyo ana shunday prinsipial raqobat mavjud bo‘lgan chempionatda o‘zini suvdagi baliqdek his qilishini yaxshi bilasiz. Italiya A Seriyasi yanada jonlanishi aniq.
«Tottenxem»da buzilgan voqea
London shahri ommaviy axborot vositalari Deniel Levi juda ko‘p pulni tejaganiga amin.
«Football London» nashri Jozeni «Tottenxem»dan texnik ravishda chetlatilmagan deb hisoblamoqda - klub unga evaziga hech narsa talab qilmasdan, shartnoma bo‘yicha maosh to‘lashda davom etadi. Shartnomaga ko‘ra, «Special one» «shporlar» 18 oy jamoa boshqaruvida bo‘ldi - yiliga 16 million yevro maosh bilan.
Ammo hamma narsa bunchalik oddiy emas. Yevropaning asosiy insayderi Janluka Di Marsioning so‘zlariga ko‘ra, Jozening hiyla-nayrangli bandi bor edi, unga ko‘ra «Tottenxem» murabbiyga 16 million yevro miqdorida yillik maosh to‘lab turishga majbur, hatto, ishdan bo‘shatilganidan keyin ham. Bunisi biznesning eng «yaxshi» ko‘rinishlaridan biri
«Sky Italy» xabariga ko‘ra, Rimda murabbiyga 7 million yevro + bonuslar (Chempionlar Ligasi saralashlari va unvonlari uchun) taklif qilingan. Shunday qilib, «shporlar» dan qolgan 9 million yevro. Ammo bu faqat Italiyada ishlashning birinchi mavsumida amal qiladi. Demak, Mour kelasi mavsumda kamida bir ko‘rsatkich bo‘yicha Konteni (yillik maoshi 12 million yevro) ortda qoldiradi.
Di Marsio, Mourinyo pul tufayligina «Roma»ni tanlamaganligini qo‘shimcha qildi: klub egalari bilan suhbatdan so‘ng chindan ham 3 yillik loyiha ish berishiga amin bo‘lgan va buning uchun u allaqachon transfer kampaniyasiga qo‘yiladigan talablarini bayon qilgan.
Joze Italiyadagi shonli tarixini qo‘msagan ko‘rinadi. A Seriyada raqobat anchagina jonlangan. Buni «Yuventus»ning chempionlik unvoniga ega bo‘lolmaganiyu, «Inter»ning skudettoni qo‘lga kiritgani tasdiqlaydi. Konte eng ashaddiy raqiblaridan biri ekani inobatga olinsa, portugaliyalikning ham ishtahasi ochilib ketishi mumkin. Senga yana nima kerak, Mour?!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
