Яқин кунларда жаҳон футболи оммасининг эътиборини тортган воқеалардан бир – бу «Барселона»нинг 2019 йилда Япония бўйлаб уюштирган сафари бўлди. У ерда франциялик ҳужумчи Антони Гризманн ҳам бор эди. Токио шаҳрида клуб жойлашган меҳмонхонада Гризманн, жамоадоши Усмон Дембеле билан олган видеоси тармоқарда тарқалиши кўпчиликнинг эътирозига сабаб бўлди. Унда бу икки футболчининг меҳмонхонада телевизор таъмирлаётган ишчилар устидан кулаётган ҳолати акс эттирилганди.
Бунинг оқибатида Япониянинг машҳур видеоўйин ишлаб чиқарувчи компанияси «Конами» Гризманн билан имзоланган шартномасини бекор қилди. Ушбу видео 2019 йилда жамоанинг Осиё бўйлаб мавсумолди сафари чоғида олинган эди. Видеога «Даилй Маил» нашрида қолдирилган фойдаланувчи изоҳида«Шу қилиқларингиздан кейин ПEС (Про Эволутион Соccэр) ўйнашга қандай журъат қиласизлар?» дейилган эди. Биргина фикрдан уларинг салъбий иш қиланини билиш қийин эмас.
Дембеле видеода ишчиларга қарата уларни тилини масхаралаб: «Қайси тилда гаплашаяпсизлар, шу ҳам тил бўлдию», «Ўзи мамлакатингиз техник тарафлама сизларни ўқитганми ёки йўқми?» каби сўзлар билан уларни ерга урган.
Воқеа видеоси тармоқларда тарқалиб, омма хабар топгач Гризманн бу иши учун узр сўраб, ирқчилик ва камситиш ниятида бўлмаганини таъкидлаган бўлса ҳам ҳам, у эндиликда иши туфайли ўз ҳамкорларини йўқотишда давом этмоқда.
У бир неча ой илгари «Конами» компанияси билан бренд элчиси бўлиш борасида шартнома имзолаганди. Қоалверса, Pesнинг кейинги cериялари учун рамз бўлиши ҳам кўзда тутилганди. Бироқ, тарқаб кетган видеодан хабар топган компания вакиллари ҳамкорликни дарҳол тўхтатишга қарор қилишди. «Бундай аҳмоқона ва миллий ғурурга тегувчи ҳаракат намойиш этган футболчи билан инсонийлик жиҳатдан ҳамкорликни тўхтатамиз» дейилади муассаса баёнотида. Дарҳақиқат, воқеа ўз вақтида Бутун Осиёда кенг муҳокамаларга сабаб бўлган. Кўплаб япон халқи, футболчига қилмиши учун чора кўрилишини талаб қилган. Келтирилишича, японларга футболчиларнинг япон тили билан боғлиқ нохуш фикрлари қаттиқ таъсир қилган. Боз устига, «Конами» билан ҳамкорлик Гризманнинг ўзига ҳам мумайгина даромад олиб келарди. Биргина нотоғри ҳаракат билан Гризманн обрўсизланиб қолди.
Можароларнинг клуб билан боғлиқ салъбий тарафлари ҳам мавжуд. Хусусан, «Барса»нинг асосий титул ҳомийси бўлган «Rakuten» компанияси бош ижрочи директори Ҳироши Микитани ўзининг Тwitter'даги саҳифасида шундай пост ёзганди: «Клуб ҳомийси ва турнирлар ташкилотчиси сифатида мен футболчиларнинг бу ҳаракатини мутлақо қоралайман. Уларнинг бунга ҳаққи йўқ эди! »Барселона« клуби фалсафасини ҳурмат қилувчи ва клуб ҳомийси сифатида ҳам шу нарсани яна қайтараман. Биз ҳодиса юзасидан расмий равишда норозилик билдирамиз. Клубнинг бу борада жавобини кутиб қоламиз».
«Барселона» ҳозирга келиб оғир молиявий аҳволда қолган. Табиийки, молиявий жиҳатдан ҳомийсини йўқотиш клубга қаттиқ таъсир қилади. «Rakuten» эса футболчилар маоши борасида қўшимча ёрдам кўрсатаётган эди.
Албатта, Гризманн ва Дембеленинг қилмишини ҳар қанақасига оқлаб бўлмайди. Лекин улар ўз хатосини тушуниб етгани ва омма олдида кечирим сўрагани таҳсинга сазовор...
Жалолиддин ИСМАТОВ
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
