Мавсумолди тайёргарлик жараёнининг навбатдаги босқичини Тошкентда давом эттираётган «Локомотив» жамоаси аъзолари бугун «Навбаҳор»га қарши иккита назорат-синов ўйинида майдонга тушишди. Бу ҳақда клуб расмий сайти хабар тарқатмоқда.
Биринчи ўйинда "Локомотив" мураббийлар штаби асосан ёшларга имкон беришди. Бироқ, улар билан ёнма-ён айрим тажрибали футболчилар ҳам ҳаракат қилишди. Анчайин қизиқарли ва голларга бой кечган ўйинда кучлар тенг келди —3:3. Учрашувда Зайниддин Тожиев дублга эришган бўлса, Карен Абрамов 11 метрлик жарима зарбасини аниқ бажариб, учинчи бор темирйўлчиларни ҳисобда олдинга олиб чиқди. Аммо, «Локо»га ғалабани сақлаб қолиш насиб этмади. Ушбу учрашувда «Локомотив» қуйидаги таркибда ҳаракат қилди:
«Локомотив»: А.Парванов (С.Ахметкеримов), А.Нўъмонов, Э.Расулов, Б.Умаров, А.Ғуломхўжаев, Б.Аълохўжаев, С.Усмонхўжаев (Б.Тиллабоев), М.Умирзоқов (К.Абрамов), Э.Жаҳонов, П.Соломин, З.Тожиев (Н.Гурянов).
Иккинчи ўйинда иккала жамоа ҳам кўпроқ тажрибага эга, асосий таркиб аъзолари саналадиган футболчиларга имкон беришди. Бу галги ўйинда томонлар анча эҳтиёткорлик билан ҳаракат қилишди. Хорен Оганесян бу сафар 4-5-1 тактик услубига мурожаат қилди. Унга кўра дарвозадан Азиз Ашуров жой олган бўлса, ҳимоя чизиғи Иномов-Йўлдошев-Жабборов-Аъзамов квартетига ишониб топширилди. Ярим ҳимоя марказидан тажрибали Хачатрян ва олимпия термаси аъзоси Рахматуллаев ўрин олишди. Ўнг қанотдан одатдагидек тезкор Иброҳим Рахимов ҳужумларни қўллаб-қувватлаган бўлса, чап қанотдан асли туркманистонлик Максим Казанков жой олди. Ҳужум ортида Жора Оганесян ва олдинги чизиқда биргина Шадрин тўп сурди.
Айтиш керак, ҳужумда Саша анча ёлғизланиб қолди. Шундай бўлса-да, ўйин тизгинини «Локомотив» жамоаси аъзолари ўз қўлларида ушлаб туришди. Фақат бу устунлик ҳисобда ўз аксини топмади. 37-дақиқада «Навбаҳор» ҳужумчиси Абдумалик Абдуллаев ҳисобни очди. Лекин уларнинг қувончи узоққа чўзилмади. 42-дақиқада «Локомотив» тўпни бурчакдан ўйинга киритиш ҳуқуқини қўлга киритди ва кутилмаганда Темур Султонов ўз дарвозасини ишғол этиб қўйди. Бу ҳисоб ўйин охиригача ўзгармади.
«Локомотив» – «Навбаҳор» – 1:1 (1:1).
«Чилонзор» сунъий қопламали майдони
Голлар: Темур Султонов (42, ўз. дар.) - Абдумалик Абдуллаев (37)
Ҳакам: С.Зайлобиддинов
«Локомотив»: А.Ашуров, И.Иномов, Б.Йўлдошев, Д.Жабборов, Р.Аъзамов, И.Рахимов, Р.Хачатрян, Д.Рахматуллаев, М.Казанков (М.Умирзоқов 46), Жора Оганесян, А.Шадрин.
«Навбаҳор»: Д.Романенко, Т.Султонов, Ж.Меҳмонов, А.Тоиров, Горкуша, С.Асқаралиев, А.Никитенко, Л.Кошелев, О.Валижонов, А.Фоменко, А.Абдуллаев.
Захирадан тушганлар: Низомбоев, Жўраев, Умаралиев, Холмирзаев, Ҳамидов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
