Ҳар бир мавсум, ҳар бир мусобақа кўплаб ёш футболчиларнинг порлашига ёрдам беради. Янги 2021-2022 йилги мавсум ҳам бундан мустасно эмас. Еврофутболга назар ташлаш экансиз, ўзингиз учун янги юлдузларни кашф эта борасиз. Уларни мавсум давомида кўрсатган ўйинлари сизга маъқул келиш билан бир қаторда, шахсияти ҳам муҳим омилга айланади. Қуйида яқин бир-неча йил ичида катта юлдузга айланиши мумкин бўлган футболчилар ҳақида билиб оласиз.
1.Букаё Сака
Евро-2020да Раҳим Стерлингдан ташқари, Англия термаси жамоаси таркибида ўйинлари билан ажралиб турган ёш футболчи Букаё Сака эди. «Арсенал» футбол академиясидан чиққан болакай, ўткан мавсумда жамоасининг асосий ва муҳим футболчисига айлана олди. Бутун Англия аҳли Европа чемпионати давомида уни қўллаб-қувватлаб турди. Шунингдек, финалдаги омадсизликларда ҳам. Бу мавсумдан клубда унинг роли ва вазифалари янада ошиб, ишончли футболчига айланиши кутилмоқда. Сака ўзига хос услуби ва характери туфайли тез ўсишга эришди.
2.Мейсон Гринвуд
Яна бир шундай номга даъвогар ёш футболчи, афсонавий клуб – «Манчестер Юнайтед» ҳужумчиси Мейсон Гринвуд. Клубга Жейдон Санчо келиб қўшилгач, янги мавсумдан Гринвудга кўпроқ майдонда ҳаракат қилиш имкони берилиши мумкин. Бу эса ёш футболчининг ўсишига ва ўзини ёрқинроқ намойиш этишига ёрдам беради. Гринвуд клубининг 18 ёшгача бўлган ўсмирлари таркибида ўйнаб юрган пайтларидаёқ барчани назарига тушган ва бир мавсумда 34 та гол уришга эришган эди. Унда янги мавсумдан ўз потенциалини янада ёрқинроқ кўрсатиш имконияти мавжуд.
3.Эзри Конза
Англия терма жамоаси ҳимояси кучли футболчилардан ташкил топгани ҳақида барчамиз хабардормиз. Бунда Ҳарри Магуайр ҳамда Жон Стоунз хизматлари яққол сезилиб туради. Уларга рақобатчи бўлишга даъвогарлар кўп, аммо ўринбосар, давомчи бўлиши мумкин бўлганлар ҳақида эшитмагандирсиз. Шундай футболчилардан бири «Астон Вилла»нинг ёш ҳимоячиси Эзри Конзадир. Жон Терри қўл остида ўспирин йигит сифатли, элит даражадаги футболчига айланди. Яқин келажакда Конза Англия терма жамоасидан чақирув олиши ва у ерда ўзини кўрсатиши мумкин бўлади.
4.Хадсон-Одои
Томас Тухел «Челси»га эндигина тайинланган вақтидаёқ ёш инглиз футболчиси Хадсон-Одои ҳаракатларини алоҳида эътироф этган эди. Кейинчалик, унга ишонч билдириб, асосий таркибда тушишига имкон бера бошлади. Унинг истеъдодини исботлаш учун «аристократлар»нинг биргина ўтган мавсумдаги «Манчестер Сити» устидан қозонилган ғалабасини(2:1) эслашимизнинг ўзи кифоя. Хадсон-Одоида кучли дриблинг ҳамда тезлик имкониятлари мавжуд. Ёш вингер ўз устида ишлашни давом эттирса, ёрқин келажагига ҳеч ким монеълик қила олмайди.
5.Жамал Мусиала
Ёш немис футболчиси Жамал Мусиала ўтган мавсум охирида дунёдаги энг яхши клублардан бири бўлган «Бавария» таркибида муҳим ролга эга бўла олди. Жамоанинг янги тайинланган мураббийи Юлиан Нагелсманн ёшларни қадрловчи ва улар билан яхши чиқиша оладиган мутахассис эканлигини кўрсатди. У келгач, Мусиалага асосий таркибда кўпроқ имконият бера бошлади. Жамал ўтган мавсумнинг еттита ўйинида олтита гол уришга эришган. Бундан кўриниб турибдики, келаётган мавсум ёш ҳужумчидан яхшироқ натижалар кутишимиз мумкин. 2022 йилги мундиалда эса Мусиала Германия термаси таркибида бўлиши шубҳасиз.
Мана шундай ёш истеъдодлар келажак футболининг юзи бўлиши мумкин. Ҳархолда, уларни ҳозирги кўрсатаётган ўйинлари шунга умид бермоқда.
Инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
