Яхши футбол мутахассиси бўлган Карло Анчелоттининг охириги пайтлардаги фаолияти омадсиз кечди. "Бавария"даги муваффақиясизлик, "Наполи"даги ўртамиёна иш ҳамда "Эвертон" клубида қилган меҳнатлари, самарли бўлди дея олмаймиз. Италиялик мураббийга кейинги поғонада футболни телевизор қаршисида туриб кузатиш насиб этади деб ўйлаган эдик, аммо ундай бўлмади. "Карло ота" тез орада коронавирус туфайли кескин қисқарган бюджетга эга "Реал"га таклиф қилинди.
Клуб президенти Флоринтино Перез катта ҳаражатлар талаб этувчи Конте ёки Аллегри каби мураббийлардан кўра, оддий, аммо ўзига хос исботланган услуб эгасини афзал кўрди. Чунки Анчелотти футболчилар сотиб олишга кўп ҳам интилмайдиган, клубдаги йўқотишлардан ташвишга тушмайдиган сокин шахс. У ундан кўра, ҳар бир кундан завқ олиб ишлашга тиришади, бор ресурсдан фойдаланади. Шундай бўлсада, унинг янги жамоасида янги мавсум олдидан муаммолар бисёр бўлиб қолган.
Бугунга келиб, бир пайтлар шонли ва шов-шувли харидлар амалга оширишни яхши кўрадиган клубнинг "Transfermrkt"даги профили ўта жўн кўринади. Унда "сарфланган маблағлар" бўлимида 0 сони турибди. "Клубни тарк этганлар" қисмидан эса, Варан ҳамда Рамос ўрин эгаллаган. Эндиликда, Карло учун таркибда туриб берадиган футболчи кўринмай қолди. Ваҳоланки, у учун кубок ютиш вазифаси қўйилган бир пайтда курашадиган футболчилар керак бўлади. Аксинча, агар у жамоани янги мавсумда совринсиз қолдирадиган бўлса, раҳбарият уни худди, 2015 йилдаги каби ҳайдаб юбориши ҳам ҳеч гап эмас. Клуб учун мавсумни қай тарзда олиб қолса, ютса бўлади? Нима қилса, бунга эришиш мумкин? Қуйида эса бу саволга биттада жавоб топасиз.
Испания чемпионати асосий юлдузлари бўлган Месси ҳамда Рамос кетганидан кейин мухлислар ўртасида сўровнома ўтказилди. Унда "Ҳозир лигада асосий ёрқин футболчи ким?" деган савол берилган эди. Вариантлар орасида Модрич, Суарез ҳамда Гризманнлар жой олганди. Бироқ уларнинг барини янги вариант Бензема ютиб чиқди. Француз ҳужумчиси Роналду кетгач, ўйинида яхши тарафга ўзгариш бўлди. Карим доимо майдонда жой танлаш, техника ҳамда жисмоний томондан яхши ҳаракат қилади. Мана сизга юқорида айтилган "Реал" учун сўралган нажот! Айнан у мавсумни омадли якунлашда асосий фигура бўлиши кутилади. Ҳархолда, рақиб жарима майдончасида унумли ҳаракат қилиш бўйича Бензема исталган футболчи билан рақобат қила олади.
Бир пайтлар француз ҳужумчиси ҳақида Жозе Моуриньо салъбий фикр билдириб, унинг ҳаракатларини мушукка таққослаган эди. Бугунги кунда эса мухлислар ҳужумчини йўлбарс деб атайдилар. Ҳақиқатдан ҳам шундай. Унинг ҳаракатлари бугунга келиб, беқиёс ва моҳиронадир. Бензема нисталган пайт, исталган услубда ва исталган вазиятдан гол уришга қодир. У учун яримта вазиятнинг ўзи етарли. Бензема ҳозир мана шундай қудратга эга бўлиб улгурди.
Ундан ташқари Карло Анчелотти ихтиёрида ҳужум чизиғида Винисиус ҳамда Родриго каби бразилиялик талантлар мавжуд. Улардан оқилона фойдаланилса, клуб яхши натижаларга эришиши мумкин. Жамоа ҳимояси нисбатан заифлашгандай туюлсада, унга эндиликда кўп вазифаларни эплай оладиган Девид Алаба келди. Агар у бўлмаса, янги мавсум "Реал" Европа лигаси учун курашиб юришига тўғри келиши ҳам мумкин эди. Клуб бахтига қиймати 55 миллион еврога баҳоланган футболчи у учун текин трансферга айланди. Шунингдек, Менди, Марсело ҳамда Каземиролар ҳам хизматга тайёр туришади. Сўнгги йилларда клуб футболчилари жисмоний ҳолати идеал даражага келтирилгани билан ажралиб турарди. "Реал" ўйинчилари ҳатто мавсумнинг сўнгги, баҳор қисмида ҳам 120 дақиқалик ўйинларга осонликча бардош бериб, ғалабалар қайд этишган. Шунинг учун уларда Чемпионлар лигаси кубоги бисёр. Аммо клуб жисмоний тарбия мураббийи ишдан кетиши билан ўйинчиларга дахшатли жароҳатлар ҳамрохлик қила бошлади. Ҳамма нарса тескари бўлиб кетди. Дани Карвахалдан тортиб, темир Рамосгача жароҳатлар гирдобига тушиб қолган эди.
"Реал"нинг барча даврлардаги энг омадсиз трансферлардан бири сифатида еътироф этилаётган Эден Азар учун кўплаб ҳақоратли фикрлар янграб туради. Клуб у учун 150 миллиондан кўпроқ маблағ сарфлаганди. Аммо бельгиялик келганидан бери клуб учун ҳатто 5 та учрашувда кетма-кет майдонга тушиб бера олмади. Унинг тўпиғидан олган жароҳати, жарроҳлик амалиётлари ва тушкунлик қамраб олган эди. Ҳозир у билан ҳаммаси нормаллашган. Ўзгаришлар даври яқин бўлиши мумкин, бироқ ҳаммаси вақт билан боғланган.
Зидан даврида бошқачароқ сиёсат юритилган эди. Франциялик мураббий Испания кубоги ва шу каби асосий бўлмаган турнирларни ёқтирмас эди. Шу сабаб ундан ўз хоҳиши билан чиқиб кетишга ҳаракат қилар, "Леганес" каби клублардан енгилишгача борарди. Бу ҳолат унинг наздида шармандалик сифатида қабул қилинмасди. Карло Анчелотти эса бу каби масалаларга умуман бошқача ёндошади. У ҳар қандай соврин учун максимум ҳаракат қилишга одатланган. "Реал" охириги марта Карло даврида Қирол кубогини қўлга киритгани ҳам бежиз эмасди. Ҳозирда Анчелотти бу таркиби билан Ла лига титули ёхуд ЕЧЛ ғолиблигига эришиши даргумон бўлса ҳам, мамлакат кубоги учун курашиши аниқ. Негаки, бир мавсумда ҳеч бўлмаса, битта турнирда ғалаба қозониш, Анчелоттининг камида яна бир йил жамоада қолишини таъминлаб бериши мумкин.
Рус тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
