«Челси»нинг янги мураббийи Томас Тухель ўз фаолиятида илк марта «Манчестер Сити»дан, Пеп Гвардиола жамоасидан мағлуб бўлди. АПЛнинг 6 туридан ўрин олган ўйин «Стемфорд Бриж»да кечди ва унда «аристократлар» ўз мухлислари кўз-ўнгида мавсумдаги илк мағлубият аламини тотиб кўришларига тўғри келди.
Ҳаттоки матбуотдаги футбол мутахасисилари ва «Челси»нинг узоқ вақтли мухлислари ҳам бу жамоа охириги марта қачон икки ҳужумчи билан майдонга тушганини эслай олмас эдилар. Улар «Ман Сити» билан ўйинда тактик хатога йўл қўйилган деб ҳисоблашмоқда. Мавсумнинг энг йирик қарама-қаршилигида клуб бош мураббийи Тухель илк марта Ромелу Лукаку ҳамда Тимо Вернерни ҳужум чизиғига жойлаштирди. Яқингача заҳира ўриндиғига «мослашиб қолган» Вернер бугун Лукаку билан тандем ҳосил қилишга буюрилди. Таркибда жароҳатлар сабаб қисман йўқотишларга эга Тухель ўз танловлари билан рақиб устози Гвардиолани ҳайрон қолдирган. Бундан олдинги бу жамоаларнинг тўқнашуви ЕЧЛ финалида юз берган.
Ўша финал баҳсида «шаҳарликлар» устози «ақллироқ» кўринишга ҳаракат қилиб, таркибда мутлақ ҳужум чизиғига боғланмаган футболчилар билан ўйинни бошлаган эди.
«Челси» ярим ҳимоясида асосий футболчи бўлган Мейсон Моунт жароҳат олгани сабаб, Тухель умумий режани ўзгартиришга мажбур бўлади. У Вернерни фронт чизиғига, Лукаку билан бирга жойлаштирди. Жамоанинг қанот ҳимоячилари майдон марказидаги шерикларини фаол қўллаб-қувватлаши, плеймейкерлар ҳам ўз навбатида Вернернинг тезлиги ва Лукакунинг маҳоратидан келиб чиқиб уларни тўп билан таъминлаши керак бўлган. Аммо бу режа тўғри ишламади. Натижада эса «Челси» турнирдаги энг асосий рақибларидан бирига 1-0 ҳисобида имкониятни бой берди. Жамоа ўйин давомида рақиб дарвозасига ҳатто битта ҳам аниқ зарба йўллай олмаган эди. Ўтказиб юборилган гол эса ҳимоядаги қўпол хато сифатида кўрилди. Айнан мана шу ерда Тухельнинг тактикаси хато бўлгани кўринади. Бу нарса келажакда жиддий муаммолар келтириб чиқариши мумкин. «Челси»нинг 3 талик ҳимояси мудофаа пайтида 5 тага айланиши керак эди. Аммо мовийранглар ҳужуми пайти бу мезон ишламай қолганига гувоҳ бўлдик. Хусусан, жамоа сардори ва ҳимоячиси Сезар Азпиликуэтанинг қаноти жуда ҳам қийналди ва ҳужум пайтида заифдек туюлди.
Ўйин давомида Вернер ўз қаноти, чапдан жарима майдончасига икки марта ёриб киришга муваффақ бўлган бўлсада, ҳар икки ҳам рақиб ҳимоячиси Рубен Диаш томонидан тўхтатиб қолинади. Яна бир вазиятда Вернер тўпни Лукакуга узатишга эришган эди, аммо бельгиялик кўплаб ҳимоячилар қаршисида айланиб олиб зарба беришни уддалай олмади. Айнан мана шу эпизодлар ҳам кўрсатиб берадики, Вернер ва Лукаку ўртасида боғлиқликнинг ишламаслиги келажакда Тухель бошига гўёки, бало бўлиши мумкин.
Ромелу Лукаку 97,5 миллион фунтга харид қилинган ва «Интер»дан қайтганидан буён Томас Тухель уни марказий номинал ҳужумчи позициясига жойлаштираётганди. Бу нарса асосий ҳолларда иш берган. Лекин «Манчестер Сити» билан ўйинда эмас. Шундай экан, Тухель тактик хатога йўл қўйганини, бу тизимга ўзгартириш киритиш кераклигини англаб етиши керак. Эндиликда «Челси»ни қайта бундай тузилишда кўрмасак керак. Чунки барча бундан тегишли хулосалар ясаб бўлди...
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
