Уни кимлигини ва футбол оламида қандай ўрни борлигини ҳамма яхши билади. Криштиану терма жамоа таркибида ҳам, клуб таркибида ҳам бирдек фойдали бўлган футболчи. У яқиндагина терма жамоада гол уриш бўйича эронлик рекордчи Али Даини ортда қолдириб, пешқадамликни қўлган олган эди. Энди эса буни ўз клуби таркибида ҳам амалга оширишга уруниб кўради. У шу пайтгача ҳам саноқсиз рекордлар эгаси. Бугун эса "Лестер"га қарши буни яна кенгайтириши мумкин. "Манчестер Юнайтед" ҳужумчиси "Олд Траффорд"га қайтганидан буён 6 та ўйинда 5 та голга муаллифлик қилган. Бу голларни қўшиб ҳисоблаганда эса унинг клубдаги фаолияти давомида киритган голлари сони жами 794 тага етади. Бу жуда катта кўрсаткич, албатта.
Хусусан, 36 ёшли футболчининг "Реал Мадрид"даги деярли ҳар бир гол уриш бўйича кўрсаткичлари рекорд кўринишига келган. Унинг ичига клуб тарихидаги энг яхши тўпурар номи ҳам киради. У иштирок этаётган баҳслар ҳали-ҳамон мухлислар учун алоҳида аҳамият касб этмоқда. Роналду "Ювентус"да уч йил ҳаракат қилди ва у ерда ҳам янги рекорд ўрнатди. У Италияда, умуман Жаҳонда энг қисқа давр ичида 100 гол урган футболчига айланди. "Лестер"га қарши бугунги баҳс эса унинг учун ўзгача бўлиши мумкин. Криштиану бугун фаолияти давомида 120 рақибга қарши гол уриш имкониятига эга бўлади.
Умуман олганда Роналду Европанинг турли хил миллий чемпионатларида, турли хил кубок ва совринлар учун кураш олиб борган. Ундаги рақиблар номи ҳам жуда кенг, албатта. Бу Англия ички мусобақаларини ва "Реал", "МЮ" ҳамда "Ювентус" таркибидаги Чемпионлар лигаси баҳсларини ўз ичига олади. Хусусан, Роналду ЕЧЛда фаолияти давомида 55 та турли хил рақибга қарши кураш олиб борган. Улар ичига яқинда "Янг Бойз" ҳам қўшилди. Бу баҳсда CriRo`нинг жамоаси мағлуб бўлишига қарамай, у гол уришга эришди. Унинг голга бўлган муҳаббати шунчалар чексизки, майдонда исталган пайт уни тўпнинг ўзи "топиб олади".
Роналду Англияга биринчи бор ташрифида "Халл Сити" билан бир марта тўқнаш келган. Ўшанда у дубл қайд этганди. Испанияда эса "Севилья"га қарши 18 та баҳсда 27 та голга муаллифлик қилган. Таққослаш учун, унинг "Челси"га қарши ўтказган 15 та ўйини мавжуд. Аммо гол сони атиги битта. Бундан ташқари португал Премьер-лигада "Фулхэм", "Ньюкасл", "Тоттенхэм", "Чарлтон", "Сандерленд", "Мидлсбро", "Уиган", "Реадинг" ҳамда "Бирмингем" каби жамоаларга қарши ўйинларда ўз номини таблога ёзиб қўя олган. Ҳозир эса у "Лестер" билан тўқнаш келиш арафасида турибди. Бу Криштианунинг "тулкилар"га қарши иккинчи ўйини бўлади. Агар ҳужумчи ушбу ўйинда гол ура олса, бутун фаолиятида 120-рақиб дарвозасига гол киритган бўлади. Бу эса мутлақ рекорд кўрсаткичдир. Унинг "Лестер"га қарши биринчи ўйини 2004 йилнинг апрель ойида юз берган ва унда "МЮ" 1-0 ҳисобида ғалабага эришган. Ягона голга эса Роналду эмас, балки ҳимоячи Гари Невил муаллифлик қилган. Ана шунақа гаплар.
инглиз тилидан Жалолиддин ИСМАТОВ таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
