Мусобақа: Италия чемпионати
Ўтказилиш вақти: 2021 йил, 17 октябрь, якшанба соат 20:45(23:45)
Ўтказилиш жойи: "Allianz Stadium" ўйингоҳи, Турин, Италия
Бош ҳакам: Даниэле Орсато
Жонли эфир: Спорт ТВ (МТРК)
"Ювентус" бугун ўз майдони "Аллианз" стадионида "Рома"ни қабул қилади. "Кекса синьора" ушбу баҳсга олдинги турда, Турин дербисида Иван Юричнинг "Торино"сини енгиб етиб келди. Бу баҳсда Мануель Локателли урган ягона гол "оқ-қора"ларга устунлик тақдим этганди. "Рома" эса ўтган турда Аврелиьо Андреазоллининг "Эмполи"сини 2-0 ҳисобида доғда қолдирган эди. Лоренсо Пеллегрини ҳамда Генрих Мхитарианларнинг голи Жозе Моуриньо жамоасига уч очко олиб келади.
"Ювентус" ҳозирда жадвалнинг 7 поғонасидан ўрин эгаллаб турибди. Жамоанинг мавсум старти унчалик ҳам омадли кечмади. Клуб Аллегрини яна олиб келди ва Роналдуни сотиб юборди. Бу эса Турин клубида қайта қуриш жараёни бошланганини англатади.
"Рома" ҳам ўзига харизматик мураббий Жозе Моуриньони янги бошлиқ қилиб тайинлади. Португалиялик мутахассиснинг ишлари сўнгги йилларда яхши кечмаяпти. Аммо унинг жамоаси Италия А сериясида ҳозирча 4 ўринда бормоқда.
Ўзаро ўйинларлар
Сўнгги 33 та ўзаро баҳсни олиб қарайдиган бўлсак, бу жуфтликда "Ювентус"нинг қўли яққол баланд келганини кўришимиз мумкин. Улар бу даврда 19 та ғалаба қайд этиб, 8 та мағлубият ва 6 марта дуранг ўйнаган. Ҳар икки клуб шу йилнинг февраль ойида сўнгги бор тўқнаш келганди. Ўшанда "Рома" 2-0 ҳисобида мағлуб этилган. Роналдунинг голи ва римликлар таркибидаги ҳимоячи Ибаньеснинг автоголи туринликлар ғалабасини таъмин этган.
Йўқотишлар
"Ювентус" бу ўйинда француз ярим ҳимоячиси Адриан Рабьо хизматларидан фойдалана олмаслиги маълум бўлган. Шунингдек, майдонга тушиши сўроқ остида бўлганлар орасида америкалик Уестон Маккенни, аргентиналик ҳужумчи Пауло Дибала ҳамда испаниялик страйкер Алваро Мораталар мавжуд. Қолган таркиб футболчиларида айтарли муаммолар мавжуд эмас. Шундай бўлса ҳам Аллегри идеал таркибни майдонга туширишга умид қилмоқда. Ушбу жамоада:
Жароҳатланганлар: Адриан Рабьо
Сўроқ остидагилар: Уестон Маккенни, Алваро Мората, Пауло Дибала
Четлаштирилганлар: Йўқ
Бу билан бир пайтда "Рома" устози Жозе Моуриньо ҳимоячилар Спинаццола ҳамда Крис Смоллинг хизматидан фойдаланиш имконидан маҳрум бўлган. Шунингдек, таркибда ҳужумчилар Темми Абрахам ва Никол Заньоло, ярим ҳимоячи Лорензо Пеллегринилар ушбу ўйин учун танланмаслиги мумкин. Шундай қилиб, ромаликлар таркибида:
Жароҳат олганлар: Крис Смоллинг, Леонардо Спинаццола
Сўроқ остидагилар: Николо Заньоло, Темми Абраҳам
Четлатилганлар: Йўқ
Жалолиддин ИСМАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
