Musobaqa: Italiya chempionati
O‘tkazilish vaqti: 2021 yil, 17 oktyabr, yakshanba soat 20:45(23:45)
O‘tkazilish joyi: "Allianz Stadium" o‘yingohi, Turin, Italiya
Bosh hakam: Daniele Orsato
Jonli efir: Sport TV (MTRK)
"Yuventus" bugun o‘z maydoni "Allianz" stadionida "Roma"ni qabul qiladi. "Keksa sinyora" ushbu bahsga oldingi turda, Turin derbisida Ivan Yurichning "Torino"sini yengib yetib keldi. Bu bahsda Manuyel Lokatelli urgan yagona gol "oq-qora"larga ustunlik taqdim etgandi. "Roma" esa o‘tgan turda Avreliyo Andreazollining "Empoli"sini 2-0 hisobida dog‘da qoldirgan edi. Lorenso Pellegrini hamda Genrix Mxitarianlarning goli Joze Mourinyo jamoasiga uch ochko olib keladi.
"Yuventus" hozirda jadvalning 7 pog‘onasidan o‘rin egallab turibdi. Jamoaning mavsum starti unchalik ham omadli kechmadi. Klub Allegrini yana olib keldi va Ronalduni sotib yubordi. Bu esa Turin klubida qayta qurish jarayoni boshlanganini anglatadi.
"Roma" ham o‘ziga xarizmatik murabbiy Joze Mourinyoni yangi boshliq qilib tayinladi. Portugaliyalik mutaxassisning ishlari so‘nggi yillarda yaxshi kechmayapti. Ammo uning jamoasi Italiya A seriyasida hozircha 4 o‘rinda bormoqda.
O‘zaro o‘yinlarlar
So‘nggi 33 ta o‘zaro bahsni olib qaraydigan bo‘lsak, bu juftlikda "Yuventus"ning qo‘li yaqqol baland kelganini ko‘rishimiz mumkin. Ular bu davrda 19 ta g‘alaba qayd etib, 8 ta mag‘lubiyat va 6 marta durang o‘ynagan. Har ikki klub shu yilning fevral oyida so‘nggi bor to‘qnash kelgandi. O‘shanda "Roma" 2-0 hisobida mag‘lub etilgan. Ronalduning goli va rimliklar tarkibidagi himoyachi Ibanyesning avtogoli turinliklar g‘alabasini ta’min etgan.
Yo‘qotishlar
"Yuventus" bu o‘yinda fransuz yarim himoyachisi Adrian Rabyo xizmatlaridan foydalana olmasligi ma’lum bo‘lgan. Shuningdek, maydonga tushishi so‘roq ostida bo‘lganlar orasida amerikalik UYEston Makkenni, argentinalik hujumchi Paulo Dibala hamda ispaniyalik strayker Alvaro Moratalar mavjud. Qolgan tarkib futbolchilarida aytarli muammolar mavjud emas. Shunday bo‘lsa ham Allegri ideal tarkibni maydonga tushirishga umid qilmoqda. Ushbu jamoada:
Jarohatlanganlar: Adrian Rabyo
So‘roq ostidagilar: UYEston Makkenni, Alvaro Morata, Paulo Dibala
Chetlashtirilganlar: Yo‘q
Bu bilan bir paytda "Roma" ustozi Joze Mourinyo himoyachilar Spinassola hamda Kris Smolling xizmatidan foydalanish imkonidan mahrum bo‘lgan. Shuningdek, tarkibda hujumchilar Temmi Abraxam va Nikol Zanyolo, yarim himoyachi Lorenzo Pellegrinilar ushbu o‘yin uchun tanlanmasligi mumkin. Shunday qilib, romaliklar tarkibida:
Jarohat olganlar: Kris Smolling, Leonardo Spinassola
So‘roq ostidagilar: Nikolo Zanyolo, Temmi Abraham
Chetlatilganlar: Yo‘q
Jaloliddin ISMATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
