Англия Премьер-Лигаси 10-туридан ўрин олган «Ливерпуль» ва «Брайтон» жамоалари ўртасидаги баҳсдан олдин қизиқарли маълумотларни тақдим этамиз.
Биласизми?
«Ливерпуль» Англия чемпионатининг охирги 2 ўйинида «Уотфорд» ва "Манчестер Юнайтед" жамоалари устидан бир хил 5:0 ҳисобида ғалаба қозонди. Бу кетишда улар кетма-кет 3 АПЛ ўйинида 5 ва ундан кўпроқ тўп фарқи билан ғалаба қозонган учинчи жамоага айланишлари мумкин. Бунга қадар 2010 йилда «Челси» ва 2017 йилда "Манчестер Сити" ушбу кўрсаткични қайд этишган.
Муҳаммад Салаҳ ўтган турда "Манчестер Юнайтед" дарвозасига учта тўп йўллади ва жорий мавсум АПЛдаги голлари сонини 10тага етказиб олди. Натижада, у жамоасининг мавсумдаги 10-ўйинидан олдин икки хонали гол урган АПЛ тарихидаги учинчи футболчига айланди. 1995/96 йилги мавсум «Ньюкасл» аъзоси бўлган Лесс Фердинанд ва ўтган мавсум «Эвертон» ҳужумчиси Калверт-Люин шу ишни уддалашганди.
Премьер-Лига доирасида «Ливерпуль»га қарши биринчи 6 баҳснинг барчасида мағлуб бўлган «Брайтон», ўтган мавсум «қизиллар» билан 2 учрашувда 4 очко тўплади ва февралда ўтказилган сафар ўйинида 1:0 ҳисобида ғалаба қозонган эди.
«Брайтон» ўйинчиси Алексис МакАллистер жорий мавсум АПЛнинг 7 ўйинида 2 гол урди. Таққослаш учун, у ушбу мусобақанинг биринчи 30 ўйинида битта гол урган эди. Унинг АПЛдаги учта голи захирадан майдонга тушганида киритилган.
Баҳс расмийлари
Бош ҳакам: Майк Дин
Қанот ҳакамлари: Эдди Смарт, Марк Скоулз
Захира ҳаками: Крис Каванаг
ВАР: Кевин Френд
ВАР ёрдамчиси: Симон Бек
Жамоалар мазкур баҳсни қуйидаги таркиб билан бошлаши тахмин қилинмоқда.
Тахминий таркиблар
«Ливерпуль»: Алиссон, Арнолд, Конате, ван Дейк, Робертсон, Жонс, Хендерсон, Кейта, Мане, Жота, Салаҳ
«Брайтон»: Санчес, Велтмен, Данк, Вебстер, Марч, Гроу, Лаллана, Модер, Кукулерелла, Моупай, Троссард
Жамоа янгиликлари
Наби Кейта МЮга қарши ўйинда олган қўрқинчли жароҳатидан супер даражада тикланди ва Клопп унинг мазкур баҳс учун тайёр бўлишидан умид қилмоқда. Тиаго ҳам жамоа машғулотларига қайтгган, аммо унинг энг яхши ҳолатида ҳам захирада ўтириши мумкин. Фабинё эса жароҳатидан тузалмаган ва «Брайтон»га қарши ўйинда ,ураббий таваккал қилмайди. Жеймс Милнер ва Ҳарви Эллиот сафдан чиқишган, уларнинг ўрни ярим ҳимоя чизиғида Алекс Окслейд Чемберлен ва Куртис Жонс билан тўлдирилади. Садио Мане ўтган ҳафта дам олди, шунинг учун келаси ҳафта «Атлетико»га қарши баҳсдан олдин Фирмино ёки Салаҳ ротация қилинса ҳам ажаб эмас.
Меҳмонлар сафида Стивен Алзате ва Денни Уэлбек жароҳати боис майдонга туша олишмайди. Ден Бурн ва Тейлор Ричардс ҳам тўлиқ тикланиб улгуришмаган.
Рақамлар
«Ливерпуль» АПЛда 19 учрашувдан бери мағлубият нима эканлигини билмай келмоқда.
«Ливерпуль»нинг охирги 6 ўйинида ўртача 2,5тадан кўпроқ гол киритилган (Премьер-Лига)
«Қизиллар» Англия чемпионатидаги сўнгги 6 учрашувидан бештасида камида 3 та гол уришни уддалашган.
«Брайтон» АПЛдаги сўнгги 3 сафар ўйинида қатнашган баҳсларида ўртача 2,5 тадан камроқ гол урилган.
Томонлар ушбу мусобақада ўзаро 8 марта тўқнаш келишган. 6 марта Мерсисайд клуби ғалаба қозонган бўлса, 1 марта меҳмонлар зафар қучишган. 9 ўйиндан кейин 21 очко тўплаган Копп шогирдлари иккинчи, «Брайтон» эса 15 очко билан 5-ўринда бормоқда.
Эслатиб ўтамиз, мазкур баҳс бугун Тошкент вақти билан соат 19:00 да бошланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
