Сербиядаги бокс бўйича жаҳон чемпионатида нимчорак финал босқич жанглари якунига етди. Бугун эса чорак финал баҳслари бўлиб ўтади.
Тўлиқ таркиб билан ЖЧга ташриф буюрган Ўзбекистон делегациясининг 7 нафар аъзоси саралаш босқичларида имкониятни бой беришди. Фақат 6 нафар спортчимиз ушбу босқичга етиб келишди. Улар: Нодиржон Мирзаҳмедов (48 кг.), Абдумалик Ҳалоков (60 кг.), Мужибилло Турсунов (63,5 кг.), Саиджамшид Жафаров (75 кг.), Мадияр Саидраҳимов (92 кг.) ва Лазизбек Мулложонов (+92 кг.).
Чорак финалда энг кўп иштирокчи Қозоғистондан. Қўшниларимизнинг нақ 10 боксчиси мазкур босқичга етиб келишди. Иккинчи ўрин ҳозирча Россияга тегишли. Уларнинг 8 нафар аъзоси медаллар учун юришни давом эттиришмоқда. Учинчи поғонани 3 мамлакат вакиллари эгаллаб туришибди — Ўзбекистон, Куба ва АҚШ — 6 нафардан.
Кейинги ўринларни Ҳиндистон ва Таиланд (беш) эгаллаб турган бўлса, Озарбойжоннинг 4 боксчиси мусобақада қолди.
Бразилия, Япония, Сербия, Италия, Қирғизистон, Франция ва Туркия 3 нафардан, Мўғулистон, Беларусь, Англию, Арманистон, Грузия ва Эквадор икки нафардан спортчи билан ўз иштирокини давом эттирмоқда.
Қуйидаги мамлакатларнинг бир нафардан боксчилари ЖЧда қолишди — Венесуэла, Литва, Эрон, Хорватия, Бельгия, Польша, Барбадос, Болгария, Финляндия, Германия, Тринидад ва Тобаго, Шотландия, Иордания, Албания, Молдова, Ирландия, Колумбия, Мексика, Украина ва Испания.
Чорак финал жанглари бугун ўтказилса, ярим финал 4 ноябрга белгиланган. Финал жанглари 5 ноябрь куни ўтказилади.
Ўзбекистонлик боксчиларнинг чорак финалдаги жанглари рўйхати:
-48 кг: Нодиржон Мирзаҳмедов - Темиртас Жуссупов (Қозоғистон) (17:00)
-60 кг: Абдумалик Ҳалоков - Всеволод Шумков (Россия) (17:50 дан сўнг)
-75 кг: Саиджамшид Жафаров - Випарон Жонгжохо (Таиланд) (19:15 дан сўнг)
+92 кг: Лазизбек Мулложонов - Давид Чалоян (Арманистон) (20:15 дан сўнг)
-63,5 кг: Мужибилло Турсунов - Энди Круз (Куба) (22:55 дан сўнг)
-92 кг: Мадияр Саидраҳимов - Льюис Уильямс (Англия) (00:40 дан сўнг)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
